মীওই ৬না শাবা নেস্নেল জল জীবন মিসন(এন.জে.জে.এম.)গী তিম অমা অন্ধ্র প্রদেশ্তা ২০২০গী দিসেম্বরগী ২দগীনা ৫ ফাওবা ‘হর ঘর জল’গী পান্দম ফংননবা স্তেত অসিদা মরুওইবা জল জীবন মিসন প্রোগ্রাম অমগী মখাদা তেক্নেনিকেল ওইবা মতেং পাংনবা চৎখ্রে লোয়ননা হীরম অসিদা থেংনরিবা অৱাবশিং অসি খংদোকখি। তিম অসিনা স্তেত অসিগী মফম কয়াদা চৎখি অমসুং ঈশিং সপ্লাই তৌবদা স্কীমদা মরুওইনা য়াওরিবা ফিল্দগী থাক্তা লৈবা ওফিসেলশিং লোয়ন-লোয়ননা গ্রাম প্রাধান অমসুং গ্রাম পানচায়ৎকী মেম্বরশিংগা উন্নখি। তিম অসিনা দিস্ত্রীক্ত ৱাতর অমসুং সেনিতেসন মিসন/দিস্ত্রীক্ত কলেক্তরগী চেয়রপর্সনগা মিতিং অমা ফমদুনা থৌরম অসিগী খুমাং চাওশিনবা অমসুং য়াম্না থুনা চংশন্নবা খন্নখি।                   

জল জীবন মিসন অসি য়াম্না মরু ওইবা য়ুনিয়ন সরকারগী থৌরম অমনি হায়রিবা অসিনা পান্দম থম্লিবা অসি খুঙ্গংদা লৈরিবা য়ুমথোং খুদিংদা থক্নবা অফবা ঈশিং মরাং কাইনা অমসুং মতম শাংনা চাং নাইনা ফংহন্নবা থৌরম অমনি।

অন্ধ্র প্রদেশকী সরকার অসিনা ফংসনেল তেপ ৱাতর (এফ.ঐচ.তি.সি.) অসি ২০২৩-২৪ ফাওবদা স্তেত অসিগী খুঙ্গংশিংদা লৈরিবা য়ুমথোং খুদিংদা ফংহন্নবা থৌরাং অমনি। স্তেত অসিগী খুঙ্গংশিংদা লৈরিবা য়ুমথোং লাখ ৯৫.৬৬ অসিগী মনুংদা, হৌজিক ফাওবদা য়ুমথোং লাখ ৩৪.৯৪ অমদি তেপ ৱাতর কন্নেক্সন পীখ্রে অমসুং লেমহৌরিবা য়ুমথোংশিং অসি য়ৌশিন্নবা থৌরাং তৌরি। মীওই ৬কী তিম অসিনা দিস্ত্রীক্ত ৯ য়ৌশিনখি মখোয় অদুদি বিশাখাপত্নম, কৃষ্ণ, তীত্তুর, শ্রীককুলাম, বিজ্যানাগ্রম, নোংচুপ গোদাবরি, কাদাপা, অনন্তপুরন্দ কুরনুল। খুঙ্গং/মফম কয়া অমা মিসন অসিবু হেন্না চাওখৎনবা মফমদুমক্তা হান্না থৌরাং য়াওদশু খনখি। তিম অসিনা বিজ্যানাগ্রম দিস্ত্রীক্তকী কোথাবালাসা ব্লোক্তা মফম অসিগী মীওইশিংগা খন্নরগা চৎখি। পাল্লেতুম্মালাপলেম খুঙ্গংদা, নুমিৎ ১০০নিগী কেম্পেন্দ মনুংদা পানচায়ৎ ভাৱন অমসুং কৃষ্ণ দিস্ত্রীক্ততনা স্কুলদা তেপ ৱাতর কন্নেক্সন পীখি। খুঙ্গং অসিদা মথক্তা থম্বা তেঙ্ক অমা অমসুং তপ্না অমসুং লৈঙোইনা চুম্নবা শিমবা ঈশিংগী সপ্লাই লৈরি। 

  তিম অসিনা আনতপুর দিস্ত্রক্তকী রাঘাভামপাল্লি খুঙ্গংগী মুস্তর গ্রাম পমচায়ৎ চৎখি। খুঙ্গং অসি য়ুমথোং ২৮২ লৈরি, হায়রিবা অসিদা য়ুমথোং ১৪৯ অমদি তেপ কন্নেক্সন ফংখ্রে। মসিগা মান্ননা কৃষ্ণ দিস্ত্রীক্তকী মোপিদেবী খুঙ্গংদা লৈরিবা য়ুমথোং খুদিংদা ঈশিং সপ্লাই পীনবা থাজবা থম্লি। কুর্নুল দিস্ত্রীক্তা নান্দিকুতুর ব্লোক্কী ভাদ্দেমাদু খুঙ্গংদা তেপ ৱাতর কন্নেক্সন অসি ১০০% তৌখ্রে।  

বিজ্যানাগারাম দিস্ত্রীক্তকী মাদুপাদাগী ভি.দবল্যু.এস.সি.গী মেম্বর

এন.জে.জে.গী তিম্না বিজ্যানাগারাম দিস্ত্রীক্তকী রীমাপেতা গ্রাম পনচায়ৎকী আম্বাতিবালাসাগী ২০২০গী মেদা তেপ ৱাতর কন্নেক্সন ফংখ্রবা য়ুমথোং খুদিংদা চৎখি। ভি.দবল্যু.এস.সি. অসি ৫০% নুপীগী শরুক্না শেম্বনি। খুঙ্গং অসিদা লৈবা অহল ওইরবা নুপী আর. লিলাৱাতাম্মানা হায় মদুদি, “ঐহাক্কী মতমদা, নুমিৎ খুদিংগী পব্লিক স্তেন্দ পোস্ততগী ঈশিং হোনবা অসি অৱাবা অমা ওইরম্মী। অদুবু য়ুমদা তেপ কন্নেক্সনগী খুদোংচাবা ফংবদগী হৌজিক্তি শাফরে। অহল ওইরবা মতম অসিদা, ঐহাক্না অরুম্বা ঈশিং বাল্তিল পুররোই। ঈশিং তাবা অসি উবদা য়াম্না নুঙাইবা ফাওই”।

খুঙ্গংশিং অসিদা খংহৌদনা অওনবা অমা পুরকখ্রে, হায়রিবা অসিদা সরকারনা চাওখৎনবগী মিয়েং কয়া থম্লি, মরম অসিনা মীয়ামগী পুন্সি মহিং ফগৎলক্লি, অমসুং পুন্সি মহিং অসি হেন্না লায়থোকহনবা অসিনা মীয়ামগী আসা মংফাওনরি। 

******