ইনফোর্মেসন অমসুং ব্রোদকাস্তিং মন্ত্রালয়
লনাই তেলিভিজন চেনেলশিংবু ওনলাইন গেমিং অমসুং ফেন্তেসী স্পোর্তসকী মতাঙদা লৈরিবা এ.এস.সি.আই. চৎন-পথাপশিং ইন্ননবা লৈঙাক্না হায়খ্রে
অসিগুম্বা এদভর্তাইজমেন্ত খুদিংমক শুকশোয় শোয়দনা চেকশিন ৱাপাউ য়াওহনগদবনি
Posted On:
05 DEC 2020 12:23PM by PIB Imphal
নই দিল্লী/মুম্বাই দিসেম্বর ৫, ২০২০
ইন্ফোর্মেসন অমসুং ব্রোদকাস্তিং মন্ত্রালয়না এদভাইজরী অমা থোক্তুনা লনাই তেলিভিজন ব্রোদকাস্তর পুম্নমক ওনলাইন গেমিং অমসুং ফেন্তেসী স্পোর্তসনচিংবগা মরী লৈন বা এদভরতাইজমেন্তশিংগীদমক এদভর্তাইজিং স্তেন্দর্দ্স কাউন্সিল ওফ ইন্দিয়া (এ.এস.সি.আই.)না পীবা চৎন-পথাপশিং ইন্ননবা হায়খ্রে। হায়রিবা এদভর্তাইজমেন্তশিং অসিনা আইন্না য়াদবা থৌওং অমত্তা য়োকখৎলোইদবনি হায়না মন্ত্রালয়না পাউতাক পীখি।
“ওনলাইন গেমিং, ফেন্তেসী স্পোর্তসনচিংবগী মশিং য়াম্লবা এদভর্তাইজমেন্তশিং তেলিভিজন্দা শন্দোক্লি হায়বা আই. এন্দ বি. মন্ত্রালয়না খঙবা ঙম্লে। অসিগুম্বা এদভরতাইজমেন্তশিং অসি লান্না লমজিংনিংঙাই ওইবা, মসিগা মরী লৈনবা শেলথুমগী অমদি অতৈ খুদোংথিবশিং মমুৎ তানা পাউ ফংহন্দবা ওইদুনা কেবল তেলিভিজন নেতৱর্ক্স (রিগুলেসন) এক্ত, ১৯৯৫ অমসুং কঞ্জুমর প্রোতেক্সন এক্ত, ২০১৯না পীরিবা এদভরতাইজিং কোদ মওং চুম্না ইন্দে হায়বা ৱাফমশিং ফোঙদোক্নরক্লি” হায়না এদভাইজরী অদুনা হায়রি।
এদভাইজরী অসি আই. অমসুং বি. মন্ত্রালয়না কঞ্জুমর এফ্যার্স মন্ত্রালয়, এ.এস.সি.আই., নিউজ ব্রোদকাস্তর্স এসোসিএসন, ইন্দিয়ন ব্রোদকাস্তিং ফাউন্দেসন, ওল ইন্দিয়া গেমিং ফেদরেসন, ফেদরেসন ওফ ইন্দিয়ন ফেন্তেসী স্পোর্তস অমসুং ওনলাইন রম্মী ফেদরেসনগী থৌমীশিং অমদি মীহুৎশিং য়াওনা খন্ন-নৈনবগী মীফম অমা পাঙথোক্লবা মতুংদা থোক্লকপনি।
এ.এস.সি.আই.গী চৎন-পথাপগী মতুং ইন্না অসিগুম্বা গেমিং এদভরতাইজমেন্তশিং অসিদা ৱামাঙ য়ানবগী ৱারোল: ‘গেম অসিদা শেলথুমগী খুদোংথিনিংঙাই মচাক য়াওই অমদি লাইচুগনবা ওইরকপা য়াই। চান্বিদুনা থৌদাং খঙনা অমদি ইশাগী খুদোংথিবা খঙনা শান্নবিয়ু’ শুকশোয় শোয়দনা য়াওগদবনি। অসিগুম্বা ৱামাঙ য়ানবগী ৱারোল অসিনা এদভর্তাইজমেন্ত মফমগী য়ামদ্রবদা চাদা ২০ কনগদবনি। চৎন-পথাপ অসিগী মতুং ইন্না গেমিংগী এদভরতাইজমেন্ততা চহী ১৮ শুদ্রিবা অঙাঙনা “তশেংনা শেল ফংবা য়াবা ওনলাইন গেমিং”গী গেল শান্নবা উৎপা য়াদে নৎত্রগা অসিগুম্বা মীওইশিংনা হায়রিবা গেমশিং অসি শান্নবা য়াই হায়বা ৱাফম উৎপা য়াদে। এদভরতাইজমেন্তশিং অসিদা ওনলাইন গেমিং অসি থবক অমগী মওংদা শেন্দান লম্বী অমা ওইনা শীজিন্নবা য়াই নৎত্রগা অসিগুম্বা গেম শান্নরিবা মীওই অমনা অতোপ্পা মীওই অমদগী হেন্না মায় পাকপা মীওইনি হায়না উৎপা য়াদে।
১৯৮৫তা লিংখৎখিবা এদভরতাইজিং স্তেন্দর্দ্স কাউন্সিল ওফ ইন্দিয়া অসি মুম্বাইদা য়ুম্ফম ওইবা ভারতকী এদভরতাইজিং ইন্দস্ত্রীগী সেল্ফ-রিগুলেতরী ভোলুন্তরী ওর্গনাইজেসন অমনি। মসিনা এদভরতাইজমেন্তশিং মশাগী সেল্ফ-রিগুলেসনগী চৎন-কাঙলোনশিং ইলহন্নবা থবক পায়খৎলি। কেবল তেলিভিজন নেতৱর্ক্স (রিগুলেসন) এক্ত, ১৯৯৫গী মখাদা তেলিভিজন নেতৱর্কশিংনা এ.এস.সি.আই.না পীবা এদভর্তাইজিংগী চৎন-কাঙলোনশিং শোয়দনা ইনগদবনি।
*******
(Release ID: 1678538)
Visitor Counter : 139