ইন্দিয়া মেতিওরোলোজিকেল দিপার্তমেন্ত (আই.এম.দি.)কী সাইক্লোন ৱার্নিং দিবিজনগী মতুং ইন্নাঃ

শ্রী লঙ্কাগী মথক্তা নোংলৈ নুংশিৎ (সাইক্লোন) ‘বুরেবী’ হৌখিবা পুং ৬তা পুংদা কিলোমীতর ১১গী খোংজেলদা নোংচুপ-অৱাং নোংচুপকী মায়কৈদা চংশিল্লি অমসুং ঙসি অয়ুক পুং ৫.৩০ তাবা মতমদা, দিসেম্বর ৩, ২০২০দা মসি শ্রীলঙ্কাগী লেতিচুৎ ৯.০^০এন অমসুং লোংগীচুৎ ৮০.৩^০ই  চাউরাক্না মান্নারদগী কিলোমীতর ৪০, পম্বন (ভারত)গী নোংপোক-খা নোংপোক্তা কিলোমীতর ১২০ অমসুং কন্যাকুমারী (ভারত)তগী নোংপোক-অৱাং নোংপোক্তা মায়কৈদা শিৎলি। হায়রিবা অসি নোংচুপ –অৱাং নোংচুপ লোমদা চৎখিবা য়ানা লৈরি অমসুং পুং ৩গী মনুংদা মান্নার কোচকী গলপ ওফ মান্নার মনাক্তা চৎখিবা য়ানা লৈরি।

সাইক্লোন অসি দিসেম্বর ৩গী নুংথিলদা পম্বনগী মনাক্তা পুংদা কিলোমীতর ৭০-৮০দগী পুংদা কিলোমীতর ৯০গী খোংজেলদা শিৎকনি। সিগী মতুংদা পুংদা কিলোমীতর ৭০-৮০দগী পুংদা কিলোমীতর ৯০গী খোংজেলদা নোংচুপ-খা নোংচুপকী মায়কৈদা চৎখিগনি অমসুং দিসেম্বর ৩গী নুমিদাং দিসেম্বর ৪গী অয়ুক অঙনবদা সাইক্লোন ওইনা কন্যাকুমারী অমসুং পম্বনগী মরক্তা খা তমিলনাদুগী সমুদ্রা মপান লানখিগনি। মসিগী শাফু অসি খা-থংবা তামিল নাদুগী শমুদ্র মপালগী দিস্ত্রীক্তশিংদা দিসেম্বর ৩গী নুমিৎয়ুংবা মমাংদা রামনাথপুরম  দিস্ত্রীক্তদগী অমসুং কন্যাকুমারী দিস্ত্রীক্ত মাইকৈরোমদা চৎখিবা য়ানা লৈরি।

ফোরকাস্ত ত্রেক অমসুং মসিগী শাফু মখাদা পীরিঃ

চেকশিন ৱা:

(i) নোংজু

• তামিল নাদুগী মফম অয়াম্বা (রামনাথপুরম , থুথুকুরি, তিরুনেলবেলি অমসুং কন্যাকুমারি দিস্ত্রীক্তশিং) অমসুং খা কেরলা  (থীরুবনান্থপুরম, কোল্লাম, পাথানামথিত্তা অমসুং অলাপুজা দিস্ত্রীক্ত) মফম খরদা দিসেম্বরগী ৩দা অকনবদগীনা য়াম্না কনবা নোংজু অমসুং মফম খরদনা য়াম্না শাথিনা কনবা নোং চুরবা য়ারি। ২০২০গী দিসেম্বরগী ৪দা খা-তামিল নাদু অমসুং খা কেরলাদা অকনবদগীনা য়াম্না কনবা নোংজু লৈরি।
• অৱাং তামিল নাদু, পুদুচেরী, মাহে অমসুং কারাইকলদা দিসেম্বরগী ৩দা অকনবা অমসুং য়াম্না কনবা নোংজু মফম খরদা লৈরি, দিসেম্বর ৪দসু য়াম্না কনবা নোং লৈরি।
• অন্ধ্র প্রদেশকী খা থংবা শমুদ্র মপাল অমসুং লক্ষদ্বীপ্তা দিসেম্বরগী ৩ অমসুং ৪দা য়াম্না কনবা নোং লৈরি।

(ii) নুংশিৎকী য়েকশিন-ৱা

• গলফ ওফ মান্নার, কোমোরিনগী মফমশিং অমসুং তামিল নাদুগী শমুদ্রগী মফমশিং (রামনাথপুরম , থুথুকুরি, তিরুনেলবেলি অমসুং কন্যাকুমারি দিস্ত্রীক্তশিং) অমসুং কেরলাগী শমুদ্র মপাল (থীরুবনান্থপুরম, কোল্লাম, পাথানামথিত্তা অমসুং অলাপুজা দিস্ত্রীক্ত) অমসুং শ্রী লঙ্কাগী নোংচুপ থংবা শমুদ্র মপালদা অকনবা নুংশিৎ পুংদা কিলোমিতর ৫৫-৬৫দগী পুংদা কিলোমিতর ৭৫ ফাওবা শিৎপা য়ানা লৈরি। দিসেম্বর ৩গী নুমিৎয়ুংবা মতুং মথংগী পুং ২৪গী মতমদা খোংজেল য়াংবা নুংশিৎকী খোংজেল পুংদা কিলোমীতর ৭০-৮০দগী কিলোমীতর ৯০ ফাওবা শিৎপগী ওইথোকপা য়াই।
• মথংগী পুং ১২দা বে ওফ বেঙ্গাল অমসুং শ্রী লঙ্কাগী শমুদ্র মপালদা পুংদা কিলোমিতর ৫৫-৬৫দগী পুংদা কিলোমিতর ৭৫ ফাওবা শিৎপা য়ানা লৈরি।
• দিসেম্বরগী ৩ অমসুং ৪দা লক্ষদ্বীপ-মালদিবকী মফমশিং অমসুং খানোংপোক থংবা আরাবিয়ান শমুদ্রদা পুংদা কিলোমিতর ৪৫-৫৫দগী পুংদা কিলোমিতর ৬৫ ফাওবা অকনবা নুংশিৎ শিৎপা য়ানা লৈরি।

(iii) অকনবা নোংলৈ-নুংশিৎ:

• য়াম্না কনবা নোংলৈ-নুংশিৎ চাওরাক্না এস্ত্রোনোমিকেল তাইদতগী মিতর ১.০ ৱাংবা অসি তামিল নাদুগী শমুদ্র মপালগী খা থংবা (রামনাথপুরম , থুথুকুরি, তিরুনেলবেলি অমসুং কন্যাকুমারি দিস্ত্রীক্তশিং) অমসু শ্রী লঙ্কাগী অৱাংনোংচুপ থংবা শমুদ্র মপালদা শিৎলরবা য়ারি।

(iii) সমুদ্রগী ফিভম

• সমুদ্রগী ফিভম অসি গলফ ওফ মান্নার, তামিল নাদু-কেরলাগী মনাক, নোংচুপ থংবা শ্রী লঙ্কাগী শমুদ্র মপাল অমসুং কোমোরিগী মফমশিংদা দিসেম্বর ৩ অমসুং ৪দা য়াম্না কনবদগী মদুদগী হেন্না অৱাংবদা লৈরি।
• সমুদ্রগী ফিভম অসি বে ওফ বেঙ্গাল অমসুং নোংচুপ থংবা শ্রী লঙ্কাগী শমুদ্র মপাল মফমশিংদা দিসেম্বর ৩দা য়াম্না কনবদগী মদুদগী হেন্না অৱাংবদা লৈরি অমসুং মদুগী মতুংদা তপ্না তপ্না ফগৎলক্কনি।
• সমুদ্রগী ফিভম অসি দিসেম্বর ৩দা লক্ষদ্বীপ-মালদিপকী মফমশিং য়াম্না কনবদগী মদুদগী হেন্না অৱাংবদা লৈরি।

(iv) তামিল নাদুগী মফম অয়াম্বা (রামনাথপুরম , থুথুকুরি, তিরুনেলবেলি অমসুং কন্যাকুমারি দিস্ত্রীক্তশিং) অমসুং খা কেরলা  (থীরুবনান্থপুরম, কোল্লাম, পাথানামথিত্তা অমসুং অলাপুজা দিস্ত্রীক্ত) অসিদা অমাং অতা থোক্লবা য়ারি।

• ইগী খাঙপোকশঙশিং মাং-তাকপা য়াই
• পাৱর অমসুং ই-পাও ফাওনবগী লাইনশিং উশা তেকপদগী অকাই অতোই থোকপা য়াই
• কচ্চা ওইবা লম্বীদা চাওনা অমসুং পক্কা ওইবা লম্বীদা মচাওইনা অকাইবা থোকপা য়াই
• ফৌ, লফোই, অৱাথবি পাম্বীদা অমাং-অতা থোকপা য়াই

(v) ঙা ফাবশিংগী চেকশিন-ৱা

• মখাগী লমদমশিং অসিদা দিসেম্বর ৩দগী ৫ ফাওবগী মনুংদা ঙা ফাবগা মরী লৈনবা থবক-থৌরম পুম্নমক লেপ্নবা খঙহনখ্রে
• ঙা ফাবশিংদা মখোয় দিসেম্বর ৩দা খা-নোংচুপ বে ওফ বেঙ্গলগা লোইননা নোংপোক শ্রী লঙ্কা মপান, দিসেম্বর ৩দগী ৪ ফাওবা কোমোরিনগী লমদম, মন্নারগী গল্ফ অমসুং তমিলনাদু-কেরলা অমসুং শ্রী লঙ্কা মপান অমসুং দিসেম্বর ৩দগী ৫ ফাওবা লক্ষদ্বীপ-মাল্দীবকী লমদম অমসুং খা-নোংপোক অরাবিয়ন সীদা চৎতনবা খঙহনখ্রে।

গ্রাফিক্সকীদমক মফম অসিদা নম্বিয়ু

অকক্নবা লোকেসনগী ফোর্কাস্ত অমসুং চেকশিন ৱাশিং য়েংনবা মোসম এপ, এগ্রোমেৎ এদভাইজরীগীদমক মেঘদুৎ এপ অমসিং মমিৎ খাকপগী চেকশিন ৱাগীদমক দাউনলোদ তৌবীয়ু।

***