ইন্দিয়া মেতিওরোলোজিকেল দিপার্তমেন্ত (আই.এম.দি.)কী সাইক্লোন ৱার্নিং দিবিজন্না নবেম্বর ২২দগী ২৭, ২০২০ ফাওভগী মনুংদা বে ওফ বেঙ্গলগী মথক্তা য়াম্না কনবা সাইক্লোন ‘নিৱার’দা রিপোর্ত অমা থাদোকখি।

রিপোর্তকী মরুওইবা শক্তমশিং অসিদা খন্ন-নৈনখিঃ

নবেম্বর ২১দা ইক্বাতোরিএল ইন্দিয়ন ওসিন (ই.আই.ও.) অমসুং মসিদগী খা বি.ও.বি.গী সেন্ত্রেল পার্তশিংদা শাফু হন্থনা পীনবনি। মসি নবেম্বর ২৩গী হৌরকপা পুংফম (পুং ০২৩০)দা য়াম্না শাফু পীবা মফমদা অহোংবা পুরকখি নোংচুপ-অৱাং-নোংচুপকী মাইকৈদা চৎকিদুনা মসি নবেম্বর ২৩গী নুমিদাংৱাইরমদা হেন্না শাফু পীগদবা মফমদা হোংদোকখি লোইননা নবেম্বর ২৪দা খা থংবা বে ওফ বেঙ্গলদা সাইক্লোন ‘নিৱার’দা হোংদোকখ্রে। মসিগী মতুংদা, মসি তাং ২৪গী নোংয়াই (পুং ২৩৩০)দা য়াম্না কনবা সাইক্লোনগী শক্তম লৌরদুনা নবেম্বর ২৫গী নুংথিল (পুং ১৪৩০)দা য়াম্না তমথিবা সাইক্লোন ওইনা ওনখি।

অৱাং নোংচুপলোমদা হুমখিদুনা, মসি নবেম্বর ২৫ (পুং ২৩৩০)দগী নবেম্বর ২৬ (পুং ০২৩০)দা য়াম্না তমথিবা সাইক্লোনগী শক্তম ওইনা পুদুচেরীগী মনাক্তা তমিলনাদু অমসুং পুদুচেরীগী সমুদ্রা খোংবান লান্থোকখি।

অৱাং তমিলনাদু অমসুং কোস্তেল আন্ধ্র প্রদেশকী মায়কৈদা চৎখিদুনা খা থংবা কোস্তেল আন্ধ্র প্রদেশ অমসুং ৱেস্তসেন্তর বি.ও.বি.দা নবেম্বর ২৭কী অয়ুক (পুং ০৫৩০)তা শাফু হন্থবা মফমদা অহোংবা লাক্তুনা হন্থখি।

ইন্দিয়া মেতিওরোলোজিকেল দিপার্তমেন্ত (আই.এম.দি.)না অৱাং থংবা ইন্দিয়ন ওসিন্দা পুং কুনমরি য়েংশিনখি অমসুং সাইক্লোন্দা নবেম্বর ৫দগী লেপ্তনা মিৎয়েং থমখি। সাইক্লোন অদু ইন্সেৎ ৩দি. অমসুং ৩দি.আর., এস.সি.এ.তি. সেত. পোলর ওর্বিতিং সেতিলাইৎশিং অমসুং ফংলিবা জহাজশিং অমসুং বোয় ওবজর্বেসনশিংনা য়েংশিনখি।

সিস্তেম অসি দোপ্লর ৱেদর রাদার (দি.দবল্যু.আর.) চেন্নৈ, করাইকল অমসুং শ্রহরিকোতানসু য়েংশিনখি।

আর্থ সাইন্স মন্ত্রালয় (এম.ও.ই.এস.)গী ইন্সতিত্যুৎশিং (আই.এম.দি., আই.আই.তি.এম., এন.সি.এম.আর.দবল্যু.এফ., আই.এন.সি.ও.আই.এস.)কী মায়কৈদগী পীখিবা ন্যুমরিকেল ৱেদর প্রেদিক্সন মোদেলশিং, গ্লোবেল মোদেলশিং অমসুং দাইনামিকেল-স্তেতিস্তিকেল মোদেলশিং অসি সাইক্লোন হৌরকপা, মদুদা মিৎয়েং থম্বা অসিনচিংবা থবক্কীদমক শিজিন্নখি।

মসিদা নত্তনা, নবেম্বর ২৪দা আই.এম.দি.গী দাইরেক্ত জেনরেলগী মায়কৈদগী প্রেস রিলিজ ৭ অমসুং সেনিয়র ওফিসরশিংগীদমক্তা বুলেতিন ৬, সিবিল এবিএসনগীদমক্তা বুলেতিন ১৩ থাদোকখি অমসুং মেতিওরোলোজিকেল দিপার্তমেন্তকী দি.জি.এম.গা লোইননা এন.দি.আর.এফ.কী দি.জি.না অপুনবা প্রেস কনফরেন্স পাংথোকখি।

পুং ৩গী ওইবা এদভাইজরীশিং আই.এম.দি.গী ৱেবসাইৎশিং - www.mausam.imd.gov.in অমসুং www.rscmcnewdelhi.imd.gov.inদা অপলোদ তৌখি।

রিপোর্ত অসি পব্লিকেসন সেক্সনগী মখাদা আর.এস.এম.সি.গী ৱেবসাইৎতা অমসুং মাউসম ৱেবসাইৎতা মখাগী লিঙ্ক অসিদা ফংবীগনিঃ

http://www.rsmcnewdelhi.imd.gov.in/images/pdf/publications/preliminary-report/nivar20.pdf

রিপোর্তকী অরুপ্পা ৱারোল য়েংবীনবা মসিদা ক্লিক তৌবীয়ু।

***