نئی لّی ، 21 نومبر  /کمپٹیشن کمیشن آف انڈیا ( سی سی آئی ) نے  ریلائنس  ریٹیل  وینچرس لمیٹیڈ  ( آر آر وی ایل ) ، ریلائنس ریٹیل اینڈ فیشن  لائف اسٹائل لمیٹیڈ ( آر آر وی ایل ڈبلیو  او ایس ) کے ذریعے فیوچر گروپ  کی  خردہ اور تھوک  لاجسٹکس  اور  ویئر ہاؤسنگ  کی خریداری کو آج کمپٹیشن ایکٹ – 2002 کی دفعہ 31 ( 1 ) کے تحت منظوری دے دی ہے ۔

          فیوچر گروپ  کی مندرجہ ذیل اکائیاں  فیوچر انٹر  پرائزز لمیٹیڈ ( ایف  ای ایل )  میں  ضم ہو جائیں گی :

فیوچر کنزیومر  لمیٹیڈ ( ایف سی ایل ) ؛

فیوچر لائف اسٹائل  فیشنس لمیٹیڈ ( ایف ایل ایف ایل ) ؛

فیوچر ریٹیل  لمیٹیڈ ( ایف آر ایل ) ؛

فیوچر مارکیٹ  نیٹ ورکس لمیٹیڈ  ( ایف ایم این ایل ) ؛

فیوچر سپلائی چین  سولیوشنس لمیٹیڈ  ( ایف  ایس سی ایس ایل ) ؛ اور

فیوچر بازار انڈیا لمیٹیڈ  ( ایف آئی ایل ) اور اس کی ذیلی کمپنیاں ۔

( اب کے بعد  ان سب کو  ٹرانسفرر کمپنیز کہا جائے گا )

         

          ٹرانسفرر کمپنیاں  کئی  درج فہرست   اور غیر درج فہرست کمپنیوں   پر مشتمل ہیں  ، جو بنیادی طور پر   تھوک  ، خردہ  ، لاجسٹکس   اور  ویئر ہاؤسنگ  کے کاروبار میں   مصروف ہیں   ۔ یہ کاروبار   پورے بھارت  میں  جاری ہیں اور  مختلف زمروں ، جیسے  خوراک   ، گروسری  ، ملبوسات  ، پاپوش  اور دیگر  اشیاء شامل ہیں ۔

          ٹرانسفرر کمپنیوں کی تنظیمِ نو کے بعد  آر آر وی ایل  اور آر آر وی ایل ڈبلیو او ایس  ، ایف ای ایل کی  خردہ ، تھوک کمپنیوں اور لاجسٹکس اور ویئر ہاؤسنگ کمپنیوں   کو خرید لیں گی ۔

          آر آر وی ایل ، جو ریلائنس انڈسٹریز  لمیٹیڈ کی ذیلی کمپنی ہے  ، غیر فہرست  والی کمپنی ہے ۔  آر آر وی ایل  خردہ سپلائی چین مینجمنٹ  کے کاروبار سے منسلک ہے ۔ ریلائنس ریٹیل لمیٹیڈ ،  جو آر آر وی ایل کی ذیلی کمپنی ہے ، پورے بھارت میں  مختلف  زمروں  جیسے خوراک   ، گروسری  ، صارفین کے الیکٹرانک آلات  ، ملبوسات   ، پاپوش  اور دیگر اشیاء کی خردہ فروشی کے کام میں  مصروف ہے ۔

          آر آر وی ایل ڈبلیو او ایس  ، جو  آر آر وی ایل  کی ملکیت والی ذیلی کمپنی ہے ، نے حال ہی میں  مجوزہ اشتراک  سے  آر آر وی ایل ڈبلیو او ایس کو مختلف  کاروبار منتقل کئے ہیں ۔ 

          کمیشن  کے حکم کی تفصیلات  بعد میں آئیں گی ۔

         

۔۔۔۔۔۔۔۔۔۔۔ ۔۔۔۔۔۔۔۔۔۔ ۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ ۔۔۔ ۔۔۔۔۔۔۔۔۔۔

( م ن ۔ و ا ۔ ع ا )

U. No. 7418

(Release ID: 1674697)