জি.এস.তি. ইন্তিলিজেন্স (দি.জি.জি.আই.)গী রোহতক রিজনেল য়ুনিৎ (গুরুগ্রাম জোনেল য়ুনিৎকী মখাদা)না সতিন্দর কুমার সিংগলা কৌবা মীওই অমা নমথাক তৌবগী মরালদা ফাখ্রে। সতিন্দর কুমার হিসারদগীনি অমসুং মহাক তোঙান তোঙানবা কম্পনীশিংগী অসিগুম্বা অশাবা ইনভোইস থাদোকপদা চেন্নরম্বা থেংনখি, মদু কম্পনীগী পোৎ-চৈশিং তশেংনা থাদোক-থাজিন তৌদনা থাদোক্লম্বনি। মদুগী তেক্সেবল ভেল্যু (চাউরাক্না) লুপা করোর ৭৫নি। সতিন্দর কুমার সিংগলানা অরানবা ই-পাউগী থোংদা লুপা করোর ১৩.০৮গী ইনপুৎ তেক্স ক্রেদিৎ - আই.তি.সি.সু পাস তৌখি।

মহাক্না পোৎ লৈবা খরগীদমক্তা অশাবা ইনপুৎ তেক্স ক্রেদিৎপু অরানবা মওংদা, সরকারগী লনগৈদা শোকহনগদবা মওংদা পাস তৌখি। থৌওং অসি চৎথনবা মখোয়না মখোয়গী জি.এস.তি. লাইবিলিতী দিসচার্জ তৌবগী মহুত্তা মখোয়গী আউৎৱর্দ সপ্লাইশিং মপুং ফাহনবা তৌদনা শুপ্নগী মখোয়গী কান্ননবগীদমক অরানবা আই.তি.সি. থাজিনখি। থিজিন-হুমজিনবদগী সতিন্দর কুমার সিংগলানা কমিসনগী থোংদা মহাক্কী আর্নিংগীদমক্তা পোৎলমশিং তশেংনা থাদোকপা তৌদনা শুপ্নগী ইনভোইস থাদোকপদা মহাক্না শরুক য়াখি হায়বদু য়াজখি অমসুং রিকোর্দতা কেশ এন্ত্রীশিংদসু অসিগুম্বা মখলগী কমিসনগা মরী লৈনবা ইনপুৎ ফংখি।

অসুম্না, শ্রী সতিন্দর কুমার সিংগলা কেন্দ্রগী গুদ্স অমসুং সর্বিসেস তেক্স এক্ত (সি.জি.এ.তি.), ২০১৭কী ৱারোলশিংগী মখাদা মরাল লংশিল্লে। মরম অদুনা সতিন্দর কুমার সিংগলা অসি সি.জি.এ.তি. এক্ত ২০১৭কী সেক্সন ৬৯গী মখাদা তাং ১২.১১.২০২০দা ফাজিনখি। মদুগী তুংদা সতিন্দরবু রোহতক্কী সি.জে.এম.দা পুথোকখি। সি.জি.এম. রোহতক্না সতিন্দর কুমারবু নুমিৎ ১৪নিগী জুদিসিএল কস্তদীদা থানবা য়াথং পীখি। মসিগী মতাংদা মখা তানা থিজিনবগী থবক চৎথরি।

***