চৎথরিবা খরীফ মার্কেতিং সীজন (কে.এম.এস.) ২০২০-২১গী মনুংদা, সরকারনা লৈরিবা এম.এস.পি. স্কিমশিংগী মতুং ইন্না লৌমীশিংদগী এম.এস.পি.দা ২০২০-২১গী মহৈ-মরোংশিং লৈশিনবা মমাংগী চহিগুম্না মখা চৎথখ্রে।

খরীফ ২০২০-২১গীদমক্তা ফৌ লৈবা, পঞ্জাব, হরিয়ানা, উত্তর প্রদেশ, তেলঙ্গনা, উত্তরাখন্দ, তমিল নাদু, চন্দীগর, জম্মু অমসুং কশ্মীর, কেরলা, গুজরাত অমসুং আন্ধ্র প্রদেশকুম্বা রাজ্য/য়ু.তি.শিংদা মওং চুম্না চৎথরি। মমাং চহিদা এল.এম.তি. ২৭৩.৩৫ ওইখিবা অদুগা য়েংনবদা অপুনবা লৈখিবদা পঞ্জাব মথন্তনা এল.এম.তি. ১৯২.০৪ ওইদুনা, ৭০.২৫% য়ৌখি।

চৎথরিবা কে.এম.এস. লৈশিনবা থৌওংগী মখাদা লুপা করোর ৫১৬১০.২০গী মমল ওইবা ফৌ লৈশিনখ্রে অমসুং মসিদগী চাউরাক্না লৌমী লাখ ২৩.২৭না কান্নবা ফংখ্রে।

মসিদা নত্তনা, রাজ্যশিংনা পুখৎলকপা মতুং ইন্না তমিলনাদু, কর্নাতক, মহারাস্ত্রা, তেলঙ্গনা, গুজরাত, হরিয়ানা, উত্তর প্রদেশ, উরিশা, রাজস্থান অমসুং উত্তর প্রদেশকীদমক্তা প্রাইস সপোর্ত স্কিম (পি.এস.এস.)কী মখাদা খরীফ মার্কেতিং স্কিম ২০২০গী মনুংদা হৱাই অমসুং থোইদিং এল.এম.তি. ৪৫.১০ লৈশিন্নবগীদমক অয়াবা পীখি। মসিদা নত্তনা, আন্ধ্র প্রদেশ, কর্নাতক, তমিল নাদু অমসুং কেরলা রাজ্যশিংগীদমক্তা য়ুবী অকংবা (চহি চুপ্পা ফংবা মহৈ-মরোং) এল.এম.তি. ১.২৩ লৈনবগীদমক অয়াবা পীখি। অতৈ রাজ্য/য়ু.তি.শিংগীদমক, পি.এস.এস.কী মখাদা হৱাই, থোইদিং অমসুং য়ুবী অকংবা লৈনবা পুখৎলকপা ৱাফমদা অয়াবা পীরগনি মরমদি করিগুম্বা মরী লৈনবা রাজ্য/য়ু.তি.শিংদা নোতিফাই তৌরবা লৌরোক পন্থাগী মনুংদা কৈথেলগী মমল অদু এম.এস.পি.দগী তারবদি কুমজা ২০২০-২১গীদমক্তা স্তেৎ নোদল এজেন্সীশিংগী থোংদা নোস্নেল নোদল এজেন্সীশিংনা মহৈ-মরোংশিং অসিগী, নোতিফাই তৌরবা এম.এস.পি.দা হকথেংননা রেজিস্তার তৌরবা লৌমীশিংদগী এফ.এ.ক্যু. গ্রেদ লৈবা য়ানবনি।

সরকারনা মসিগী নোদল এজেন্সীশিংগী খুৎথাংদা নবেম্বর ১২, ২০২০ ফাওবা মুঙ্গ, শগোল হৱাই, লৈবাক হৱাই অমসুং নুঙ হৱাই লৈনখি, মদুগী এম.এস.পি.গী মমল লুপা করোর ৫২.৪০ কর্নাতক, তমিল নাদুগী লৌমী ৩৯৬১দা কান্নবা ফংহনখ্রে।

য়ুবী অকংবা অমসুং শগোল হৱাইগী মতাংদা, অনম্বনা পোৎথোক য়াম্না পুথোকপা রাজ্যশিংদা মমল অদু এম.এস.পি.দগী হেনখি। খরীফকী হৱাই অমসুং থোইদিংগী মতাংদা রাজ্য/য়ু.তি.গী সরকারশিংগী মথৌ তাবা এরেঞ্জেমন্তকী মতুং ইন্না লেপথোক্লবা তাংদা লৈবা হৌনবগীদমক্তা মথৌ তাবা শেম শাবগী থবক পাইখৎলি।

পঞ্জাব, হরিয়ানা, রাজস্থান, মধ্য প্রদেশ অমসুং তেলঙ্গনা, আন্ধ্র প্রদেশ, মহারাস্ত্রা অমসুং হরিয়ানা রাজ্যশিংদা এম.এস.পি.গী মখাদা লশিং মরু লৈবগী থবক নীংথিজনা পাংথোক্লি। নবেম্বর ১২, ২০২০ ফাওবদা লুপা করোর ৪০৫০.১৩গী মমল ওইবা লশিং বোরা ১৪২২৫৮৩ লৈখ্রে, মসিদগী লৌমী ২৭৭৬৩৯না কান্নবা ফংখ্রে।

***