লৌউ-শিংউ মন্ত্রী শ্রী নরেন্দ্র সিংহ তোমার, রেলৱে মন্ত্রী শ্রী পিয়ুশ গোয়ল অমসুং কমর্স অমসুং ইন্দস্ত্রীগী রাজ্য মন্ত্রী শ্রী সোম প্রকাশনা নবেম্বর ১৩, ২০২০দা নই দিল্লীগী বিজ্ঞান ভবন্দা পঞ্জাবকী ফার্মর ওর্গনাইজেসনগী মীহুৎশিংগা ৱারী শনখ্রে।

অহানবদা, লৌউ-শিংউগী মন্ত্রীনা পঞ্জাবকী ফার্মর ওর্গনাইজেসনগী মীহুৎশিংবু তরাম্না ওকখি অমসুং লৌমীশিংবু মপাঙ্গল কলহন্নবগীদমক, লৌউ-শিংউগী লমদা পায়খৎখিবা রিফোর্মশিংগী মতাংদা খঙহনখি। ৱাফম অসিদা শাফু পীখি মদুদি খুঙ্গংগী শেন্মিৎলোন্দা ইনোৎ পীনবগীদমক ভারত সরকারগী খ্বাইদগী মকোক থোংবা মরুওইবা অসি লৌউ-শিংউতনা ওইরি। মহাক্না মখা তাখি মদুদি ‘আত্মনির্ভর ভারত’তা অখন্ননা মিৎয়েং চংবগা লোইননা সরকারনা লৌমীশিংগী য়াইফনবা পাম্বৈ কয়া পুথোক্লি। অনৌবা ফার্ম এক্তনা শুপ্নগী লৌমীশিংদা কান্নবা মমলদা মখোয়গী পোৎথোক য়োন্নবা মনীং তম্বা ফংহনবতা নত্তনা লৌমীশিংগী কান্নবশিংদা ঙাক-শেল ফংহনগনি।

ৱারী শানবা অদুদা, মন্ত্রীনা ফার্মর ওর্গনাইজেসনগী মীহুৎশিংদা মসিসু খঙহনখি মদুদি এম.এস.পি.দা লৌউ-শিংউগী পোৎথোকশিং লৈবা অমদি মন্দীগী সিস্তেম হান্নগুম্না অদুম্মক মখা চৎথখিগনি। অনৌবা ফার্ম এক্তনা লৌমীশিংদা হেন্না ফবা সর্বিসশিং ফংহন্নবা মন্দীশিংদা ইনোৎ হাপকনি।

ফার্মর য়ুনিয়নগী মীহুৎশিংনা অনৌবা ফার্ম এক্ততা মখোয়গী ৱাখল্লোন ফোংদোকখি।

লৌমীশিংগী মীহুৎশিংদা সরকারনা লৌমীশিংগী চাগা হেনগৎনবা অমসুং খুঙ্গংগী লমদমদা নহাশিংগীদমক থবক পীবগী খুদোংচাবা লৈহন্নবা এগ্রিকলচরেল ইনফ্রাস্ত্রকচর ফন্দ লোইননা ১০,০০০ ফার্মর প্রদ্যুসর ওর্গনাইজেসন শেম্বা য়াওনা অনৌবা খোংথাং কয়াগী মতাংদা খঙহনখি।

ৱারী শানবা অদুদা লৌমীগী য়াইফ-থৌরাংগা মরী লৈনবা তোঙান তোঙানবা ৱাফমশিংদা পাক খন্নখি। থাজবা অসিসু পীখি মদুদি ভারত সরকারনা লৌমীশিংগী কান্নবদা ঙাক-শেল পীনবগীদমক মতম পুম্বদা লেপ্লি লোইননা লৌমীশিংগী য়াইফনবগীদমক ৱারী শাননবা ভারত সরকারগী থোঙ মতম চুপ্পা হাংদুনা থম্লি। ৱারী ৱাতাই অদু ইং-তপ্না পাংথোকখি অমসুং নাকল অনিমক্না মখা তানা ৱারী শনবা হায়না য়ানখি।

****