নেস্নেল কেপিতেল রিজন অমসুং থংনবা মফমশিংদা কম্মিসন ফোর এয়র ক্বালিতী মেনেজমেন্ত(সি.এ.ক্যু.এম.)গী মেম্বরশিং উনখ্রে অমসুং মফম অদুদা লৈরিবা নুংশিৎকী ফিভম য়েংশিনখ্রে, নুংশিৎকী ক্বালিতী অদু ফগৎনবা তোঙান তোঙানবা এজেন্সীশিংনা হৌজিক ফাওবদা এক্সন কয়ামরোম লৌখৎখ্রে অমসুং মখাতাবা খোংথাংশিং লৌখৎলগনি৷

ফ্যুচর এক্সন অসিনা তোঙন তোঙানবা স্তেকহোল্দরশিংগা তঙাই ফদনা তাথোক তাশিন তৌরগনি হায়বা অসি  কম্মিসন অসিনা খঙখ্রে৷ অদুমওইনমক মতাং অসিদা এয়র পোলুসন অসি হন্থনবা ইমর্জেন্সী ওইবা মওং অমদা হৌজিক লৈরিবা লোশিং, রুলশিং, গাইদলাইনশিং অমসুং স্তেন্দর্দ ওপরেতিং প্রোসিদ্যোরশিং অসি চেকশিন্না তঙাই ফদনা চৎন্নবা কম্মিসন অসিনা খন্নখ্রে৷

এয়র পোলুসন অসি থেংনবা মতমদা মীয়াম য়াওশিল্লকপা অসি য়াম্না অরুবা অমনি অমসুং কম্মিসন অসিনা মখাগী মরু ওইবা খোংথাংশিং অসি খন্দোকখ্রে:

১. হেক য়ারিবা মখৈ পর্সোনেলাইজ ত্রান্সপোর্ত শিজিন্নবা হন্থহনবা

২. কা হেন্না তঙাই ফদ্রবদি অতোপ্পা মফমদা চৎপদা অথিংবা থম্বা

৩. য়ুমদগী থবক তৌবদা পুক্নিং থৌগৎপা

৪. কন্সত্রক্সন সাইত য়াওনা দস্ত কন্ত্রোল মিজরশিংগী মতাংদা লোশিং অমসুং রুলশিং চেকশিংনা চৎনহনবা

৫. মুনিসিপাল সোলিদ ৱেস্ত অমসুং বাইওমাস মৈ থাদোকপা য়াম্না চেকশিন্না থিংবা

৬. উফুল য়াম্না তোইনা হৌবা মফমশিংদা মরু ওইনা ইশিং চাইবিবা

৭. পোলুসন হোতস্পোতশিং মরু ওইনা কন্সত্রক্সন সাইতশিংদা এন্তি-স্মোগ গনশিং শিজিন্নবা

৮. নিয়ম চুমদনা মৈ থাবা অমসুং মৈকাপ্পী শিজিন্নবা অসিদা এক্সতেন্ত রুলশিং, কোর্তশিং অমসুং ত্রিবুনেল ওদরশিং চেকশিন্না চৎনবা

৯. সামীর এপ্তা এয়র পোলুসন ইন্সিদেন্তশিংগী রিপোর্ত তৌরক্নবা সিভিল সোসাইতী অমসুং পব্লিক স্পিরিতেদ সিতিজনশিংদগী কো-ওপরেসন নিরি৷

১০. লাক্লিবা থাশিং অসিদা কোইলা শিজিন্নবগী চাং হন্থনবা এন.সি.আর.দা লৈরিবা কোইলা শিজিন্নবা ইন্দস্ত্রীশিং হেন্না পুক্নিং থৌগৎপীবা৷

******