ইন্দিয়ন এগ্রিকল্চর অসি সস্তেনেবল ওইনা অমসুং শেন্দোং লৈহন্নবা মল্তি-প্রোঙ্গ ইফোর্তশিং তঙাই ফদে হায়না ঙসি ভারতকী উপ রাস্ত্রপতি শ্রী এম. ভেনকাইহ নাইদুনা ফোংদোকখ্রে৷ ঐখোয়গী থবক তৌবগী মওং অসি হোংদোক্তুনা য়াম্না অপীকপা মফম অমদা পোত্থোক কা হেন্না পুথোকপা ঙম্লগনি হায়না মহাক্না ফোংদোকখি৷

রঙ্গ ত্রস্তনা শিন্দুনা অচরিয়া এন.জি. রঙ্গগী ১২০ শুবা পোকপা নুমিৎকী পাংথোকপা থৌরম অসিদা শ্রী নাইদুনা মহাকপু অফাওবা ফ্রিদম ফাইতর, লৌমীগী লুচিংবা অমা, সোসিয়েল রিফোর্মর অমা অমসুং কা হেন্না ফরবা পার্লিয়ামেন্তরিয়ন অমনি হায়না মহাকপু থাগৎতুনা ফোংদোকখ্রে৷  "সোইল অসিগী অশেংবা মচা অমা ওইনা মহাকপু “স্বামি সহাজনন্দ সরসৱতি”গা লোইননা মহাকপু ইন্দিয়ন কিসান মুবমেন্তগী মপা হায়না খঙনৈ হায়না মহাক্না ফোংদোকখি৷ লৌমীশিংদা ইনকম সেক্যুরিতী লৈহনবা অসিনা লৌমীশিংগী য়াইফ থৌরাং ওইরিবা অচরিয়া এন.জি. রঙ্গগী এস্পিরেসনশিং অসি ফংবদা মতেং পাংলগনি হায়না মহাক্না ফোংদোকখ্রে৷

উপ রাস্ত্রপতিগী পুন্সি অসি অচরিয়া এন.জি. রঙ্গগী পুন্সি অমসুং ৱাখল্লোন অদুনা কা হেন্না শাফু পীখ্রে হায়না উপ রাস্ত্রপতি  অদুনা ফোংদোকখ্রে৷ মহাকপু দিগনিতীগী খুদম ওইনা লৌদুনা এচরিয়া রঙ্গগী পুন্সিদদি পোলিতিক্স অমসুং পব্লিক লাইফ অসি মিসন অমনি অমসুং মহাক্না মতম পুম্নমক্তা ভেল্যু বেস পোলিতিক্স মতুং ইল্লি হায়না শ্রী নাইদুনা ফোংদোকখ্রে৷

অপ্পর হাউসকী চিয়রমেন ওইবনা চৎথরিবা দিবেৎকী স্তেন্দর্দ অসি উরুবদা মহাক অসুক্কী মতিক নুংঙাইরম্মোই হায়না শ্রী নাইদুনা মখাতানা ফোংদোকখি৷ অচরিয়া রঙ্গগী পুন্সি অমসুং তিচিং অদু নৈননবা অমসুং পার্লিয়ামেন্তরিয়ন অমা ওইনা মহাক্কী মথৌদগী তমজনবা হোৎনৌ হায়না লোমেকর পুম্নমক্তা মহাক্না হায়জখ্রে৷ দিবেৎশিং হায়বসি কন্সত্রক্তিব ওইগদবনি দিসরপ্তিব ওইগদবা নত্তে হায়না মহাক্না ফোংদোকখি৷

অচরিয়া রঙ্গনা ত্রেদিস্নেল নোলেজ অমসুং স্তেত-ওফ-আর্ত তেক্নোলোজীগী মরক্তা ইফেক্তিব ওইবা সীনর্জী লৈহন্নবা মহাক্না হোৎনখি৷ লৌমীশিংনা অতোপ্পা মফমশিংদা থবক পাংথোকপা য়ানবা লোকেল ইন্নোভেসনশিং কা হেন্না শিজিন্নবা তঙাই ফদে হায়না মহাক্না ফোংদোকখি৷

লাইনা-লাইচৎ অসিগী মনুং অসিদা লৌউ-শিংউগী থবকশিং নিংথীনা পাংথোকপা অসিদা উপ রাস্ত্রপতিনা হরাউ তয়াম্বা ফোংদোকখ্রে৷  ঐখোয়গী চাবগী মওং তঙাই ফদনা শেমদোকপা অসিগী মতাংদা কোবিদ-১৯ লাইনা-লাইচৎ অসিনা ঐখোয়দা য়াম্না মরু ওইবা পরাশিং তমবিখ্রে হায়না মহাক্না ফোংদোকখ্রে৷

মমাংগী চহী খুজিং অসিদা ইশিং নুংশিৎকী ফিভম কা হেন্না ফৎতবা হেঙ্গৎলকপা অসিগী মতাংদা মীৎয়েং চংদুনা শাথীরবা ইভেন্ত খুদিংমক্তা লৌমীশিংদনা খ্বাইদগী শোকহল্লে হায়না মহাক্না ফোংদোকখ্রে৷ "লৌমীনা চহী চুপ্পা তোঙান তোঙানবা প্রোব্লেমশিং খুদম ওইনা ইশিংগী অৱাৎপা, ফার্ম লেবর, ক্বালিতী লৈবা ইনপ্যুতশিং ৱাৎপা অমসুং ইফেক্তিব ওইবা মার্কেতিং সিস্তেম নিংথীজনা লৈতবা ময়াম অসিনা লৌমীশিংনা মখোয়গী মপুং ফাবা তৌবা ঙম্বা অদু য়ৌবা ঙমহন্দে” হায়না মহাক্না ফোংদোকখ্রে৷  

লৌমীশিংগী য়াইফন্নবগীদমক সরকার অসিনা তোঙান তোঙানবা খোংথাংশিং লৌখৎখিবা অদু উপ রাস্ত্রপতি অসিনা থাগৎখ্রে৷  “বেত্তর প্রাইস দিস্কোভরী মেকানিজমশিং খুদম ওইনা সরকার অসিগী ই-নাম পোর্তেল অসি থাগৎপা য়াবা ইন্নিসিয়েতিবশিংনি অমসুং মশাগী ৱারেপ লেপচদুনা করম্বা মতমদা, করম্বা মফমদা অমসুং কনাদা পোত্থোকশিং য়োনগদগে হায়বা অদু খঞ্জনবা লৌমীশিংদা মনিং মখা তম্বা পীগদবনি” হায়না মহাক্না ফোংদোকখ্রে৷

দাইভর্সিফিকেসনগীদমক লৌমীশিংগী মরক্তা এৱেয়র্নেস পাংথোকপগী তঙাই ফদবা অদুগী মতাংদা ৱা ঙাংলদুনা উপ রাস্ত্রপতিনা অশুম্না ফোংদোকখ্রে,"মখোয়গী সোর্স ওফ ইনকম অসি হেন্না ফংনবা এলাইদ এক্তিবিতীশিং খুদম ওইনা হোর্তিকল্চর, সেরিকল্চর, এক্বাকল্চর, দাইরী, পোল্ত্রী অমসুং ফুদ প্রোসেসিং তৌবদা লৌমীশিংবু পুক্নিং থৌগৎপীগদবনি"

হৱাই অমসুং মহৈ-মরোং লোকপদগী হেন্দোক্তুনা, কম্মর্সিয়েল ক্রোপশিং থাবদা লৌমীশিংবু ইকাই খুম্নগদবনি হায়না মহাক্না ফোংদোকখ্রে৷

ঐখোয়গী লৌউ-শিংউগী থবক অয়াম্বনা সোইল ক্বালিতী অসি শোকহল্লপা অসিগী মতাংদা সোইল হেল্থ কার্দশিং শিজিন্নদুনা কেমিকেল ফর্তিলাইজর কা হেন্না শিজিন্নবা অসি হন্থনবা তঙাই ফদে হায়না উপ রাস্ত্রপতিনা ফোংদোকখ্রে৷

নবার্দকী চিয়রমেন শ্রী জি.আর. চিন্তালা, আই.সি.এ.আর.গী এন.এ.এ.আর.এম.গী দাইরেক্তর দা. চেরুকুমালি শ্রিনিভাসা রাউ, রাস্ত্রিয়া সেভা সমিথিগী ফাউন্দর জেনেরেল সেক্রেতরী দা. জি.মুনিরত্নম নাইদু, এসিয়ন দিভেলপমেন্ত বেঙ্ককী ক্লাইমেৎ চেঞ্জ এদভাইজর দা. এঞ্চা শ্রিনিভাসন, রঙ্গ ত্রস্ততগী শ্রী আর. কিশোর বাবু, ওঙ্গোল রঙ্গ তর্স্তকী চিয়রমেন শ্রী অল্লা ভেনকতেস্বরা রাউ অমসুং মফম অদুগী মীয়ামগী রিপ্রজেন্তেতিবশিংনা ওনলাইন ওইনা পাংথোকপা থৌরম অদুদা শরুক য়াখি৷

মখাগী অসি ৱারোল অদুগী মপুং ওইবা তেক্সনি-

“অফাওবা ফ্রীদম ফাইতর, লৌমীশিংগী লুচিংবা, সোসিয়েল রিফোমর অমসুং কা হেন্না হৈ শিংলবা পার্লিয়ামেন্তরিয়ন অমা ওইরম্বা অচরিয়া এন.জি. রঙ্গগী ১২০শুবা পোকপগী নুমিৎ পাংথোক্নবা রঙ্গ ত্রস্তকী অসিগুম্বা থৌরম অসি হৌদোকপদা ঐহাক অসুক্কী মতিক নুংঙাইবা ফাওজৈ৷

মরুপশিং, গোগিনেনি রঙ্গ নয়াকুলু গারু ময়াম্না এন.জি. রঙ্গ হায়না খঙনবা মীওই অসি লৌউবা ইমুং অমদগী হৌরকখিবনি৷ ওক্সফোর্দ য়ুনিভর্সিতীদগী ইকোনোমিক্সতা মহাক্কী বি.লিত ফংলবা মতুংদা মহাক ভারততা হল্লকখি৷

১৯৩০দা মহত্ম গান্ধীনা কৌরকখিবা অদুদা পুক্নিং শুমহৎখিদুনা মহাক ফ্রিদম মুবমেন্তদা শরুক য়াখি৷ ১৯৩৩দা আন্ধ্রদা মহাক্না লৌমীশিংগীদমক ৱাকৎ মীফম ফমখি৷ লৌমীশিংগীদমক, মখোয়গী ইকাইখুম্নবা অমসুং ইকেনোমিক ফ্রীদম অদুগীদমক মহাক্না লান্থোংনখি৷ সোইল অসিগী অশেংবা মচা অমা ওইরুবনা মহাক অসি “স্বামি সহাজানন্দ সরস্বতি”গা লোইননা ইন্দিয়ন কিসান মুবমেন্তগী মপা হাইনা খঙনখ্রে৷

অচরিয়া রঙ্গ য়াম্না মমিং লৈরবা পার্লিয়ামেন্তরিয়ন অমা ওইখি৷ পার্লিয়ামেন্তদা মহাক অসি লৌমীশিংগী ভোইস ওইখি৷ মহাক অসি দিগনিতীগী ময়েক লারবা খুদম অমনি অমসুং মহাক মতম পুম্নমক্তা ভেল্যু-বেস পোলিতিক্স মতুং ইল্লি৷ মহাক্না লৈবাক অসিদা পোলিতিকেল কয়ামরোম ত্রেন তৌখ্রে অমসুং তেলিগু রাজ্যশিংদনা হেন্না ত্রেন তৌখ্রে৷

ইয়াম্বশিং অমসুং ইচেশিং,

লৌউ-শিংউ অসি ঐগী থমোইগা অশু্ক্কী মতিক নক্নৈ৷ ঐখোয় পুম্নমক্না খঙলে ভারত অসি ঙল্লিঙৈ মতমদগী হৌনা এগ্রারিয়ন ইকোনোমী ওমা ওইরি৷ লৌউ-শিংউ অসি ঐখোয়গী সিবিলাইজেসন অমসুং ইকোনোমী অসিগী বেদরোক্ত ওই৷ কুমগী নোং অমসুং সোইল অসিদা নেচরেল রিসোর্স মরাং কাইনা ফংবা অসিনা মরম ওইরগা লৌউ-শিংউ অসিনা মতম পুম্নমক্তা ঐখোয়গী ইকোনোমী অসি চাওখৎহনবদা য়াম্না মরু ওইবা থৌদাং লৌখি৷ মসিনা মমাংগী চহীশিংদা জি.দি.পি. নম্বর অসি লমজিংদুনা চৎত্রবসু, মসিদা ঐখোয়না দাইরেক্লী অমসুং ইন্দাইরেক্লী মখা পোল্লি হায়বসি হায়মনবা থোকলোই৷

মমাংগী চহী খুজিং খরা অসিদা য়াম্না শাথিবা ইশিং-নুংশিৎকী ফিভমশিং খুদম ওইনা সাইক্লোনিক স্তোর্মশিং, ইশিং ইচাউ অমসুং ইকং কা হেন্না থোকপা ঐখোয়না উরে৷ থৌদোক খুদিংমক্তা লৌমীশিংনা খ্বাইদগী হেন্না শোকহল্লি৷ অসিগীসু মথক্তা, লৌমীনা চহী চুপ্পা তোঙান তোঙানবা প্রোব্লেমশিং খুদম ওইনা ইশিংগী অৱাৎপা, ফার্ম লেবর, ক্বালিতী লৈবা ইনপ্যুতশিং ৱাৎপা, মেকানাইজেসন ৱাৎপা, কোল্দ স্তোরেজ ফেসিলিতীশিং অমসুং ইফেক্তিব ওইবা মার্কেতিং সিস্তেম নিংথীজনা লৈতবা ময়াম অসিনা লৌমীশিংনা মখোয়গী মপুং ফাবা তৌবা ঙম্বা অদু য়ৌবা ঙমহন্দে৷

অসুম্না ইন্দিয়ন এগ্রিকল্চর অসি সস্তেনেবল ওইনা অমসুং শেন্দোং লৈহন্নবা মল্তি প্রোঙ্গ ইফোর্ত অমা তহাই ফদে৷ লৌমীশিং য়াইফনবগীদমক লৌমীশিংনা মশাগী পোত্থোক অদু মশাগী অপাম্বা মফমদা য়োঞ্জনবা অমসুং ইন্তর-স্তেত ত্রেদতা লৈরম্নবা অথিংবা অদু লৌথোক্লিবা মমাংগী রিভোলুসনরী লেজিস্লেসনশিং য়াওনা খোংথাং কয়া অমা ভারত সরকার অসিনা লৌখৎখ্রে৷

মথংগী চহী ৩০ অসিদা লৈবাক অসিদা অতোপ্পা অহেনবা মীওই কোতি ৩০ হোন্না চাবা হেঙ্গৎলগনি৷ মহৈ-মরোং, মনা-মশিং থানবা মফমদি হেঙ্গৎলোই৷ মসিনা মরম ওইরগা অপীকপা লম খরা অসিদা হান্না পুথোকলম্বা পোত্থোক অদুদগী হেন্না পুথোকপা অসি নত্তনা লৈতে অতোপ্পা ওপ্সন লৈতে৷ ঐখোয়গী থবক থৌরমশিং অমসুং খোংথাংশিং: লৌউ-শিংউ অসি রিসাইলেন্ত, সস্তেনেবল অমসুং শেন্দোংদা অহোংবা লাকপা মতম খক্তদা মসি ওইথোক্কনি৷

অৱাং-নোংপোক অরুনাচলদা, এপতানিসনা অমু্ক্তদা ফৌ থাবা অমসুং ঙা য়োকপগী থবক অসি পাংথোকই৷ এগ্রিকল্চর কম্ম্যুনিতী অমা ওইরিবা এপতানিস অসি মখোয়গী লৌউ-শিংউদা য়াম্না এদভান্স অমসুং সস্তেনেবল ওইরবা থবকশিং অদুদা মালেম অসিনা মখোয়বু মশক খঙখ্রে৷ চহী চা কয়া অসিদা চপ মান্নবা মফম অমদা ঙা অমসুং ফৌ পুন্না য়োকমিন্নবগী অখন্নবা থবক অসিদা মখোয়দি নিংথীনা হৈ শিংলে৷ অতোপ্পা মফম অমদা পাংথোকপা য়ানবা অসিগুম্বা লোকেল ইন্নোভেসনশিং অসি ঐখোয়না ময়ামদা খঙহনবা তঙাই ফদে৷

অদুগা অমরোমদা এগ্রি-ফিল্দদা তেক্নোলোজী শিজিন্নবা অসিসু পুক্নিং থৌগৎকদবনি৷

২০১৯গী এন.এ.এস.এস.সি.ও.এম. রিপোর্তকী মতুং ইন্না ভারতনা চহীদা ২৫% গী চাংদা চাৎখৎলক্তুনা এগ্রি তেক্ত ৪৫০ হেন্না লৈ৷

ক্লাইমেৎ-রিসাইলেন্ত সিদ ভেরাইতীশিং অসি ঐখোয়না শেংগৎকদবনি অমসুং শিজিন্নগদবনি৷

হৌজিক্তি লৌউ-শিংউবদা আর্তিফিসিয়েল ইন্তিলিজেন্স ফাওবা শিজিন্নরে! জপান্দা লৈবা লৌমী অমনা মহাক্কী থবীগী পোত্থোকশিং অদু থবী অদুগী সাইজ, কল্লর অমসুং তেকচর অদুগী মতুং ইন্না মহাক্কী পোত্থোক অদু মখল নাইনা খন্দোক্নবা এ.আই. শিজিন্নখ্রে হায়না রিপোর্ত লাকখ্রে, মসিনা শিন্মী কয়াগী মতম অমসুং শেল কল্লি৷ অসিগুম্বা তেক্নোলোজীশিং অসি মফম অসিদা শিজিন্নবদা ঐখোয় থেংথরোইদবনি৷

কোবিদ-১৯ লাইনা-লাইচৎ অসিনা মরম ওইরগা হৌজিক লৈহল্লিবা ফিভম অসিনা লৌউ-শিংউদা অতোপ্পা চেলেঞ্জ অমা হাপচিল্লক্লে৷ অদুমওইনমক কম্পেনী ময়াম অমনা অসিগুম্বা মতম অসি অনৌবা অমসুং হেন্না ফবা সপ্লাই চেন শেমবদা শিজিন্নখ্রে৷

নুংশিরবা ইচে অমসুং ইয়াম্বশিং,

লৌমীশিংনা মখোয়না হোৎনরিবা অদুগী মহৈ অমসুং শেন্দোং ফংবা ঙম্নবসু ঐখোয়না হোৎনগদবনি৷ মসিনা লৌউ-শিংউবদা খ্বাইদগী মরু ওইবা ওপরেতিং প্রিন্সিপল ওইরগনি৷

বেত্তর প্রাইস দিস্কোভরী মেকানিজমশিং খুদম ওইনা সরকার অসিগী ই-নাম পোর্তেল অসি থাগৎপা য়াবা ইন্নিসিয়েতিবশিংনি অমসুং মশাগী ৱারেপ লেপচদুনা করম্বা মতমদা, করম্বা মফমদা অমসুং কনাদা পোত্থোকশিং য়োনগদগে হায়বা অদু খঞ্জনবা লৌমীশিংদা মনিং মখা তম্বা পীগদবনি৷

মখোয়গী ইনকম অদু হেন্না হেন্না লাক্নবা এলাইদ এক্তিবিতীশিং খুদম ওইনা হোর্তিকল্চর, সেরিকল্চর, এক্বাকল্চর, দাইরী, পোল্ত্রী অমসুং ফুদ প্রোসেসিংগী থবকশিং তৌবদা লৌমীশিংবু পুক্নিং থৌগৎপীগদবনি৷ অসিগুম্না  দাইভর্সিফিকেসনগীদমক লৌমীশিংগী মরক্তা এৱেয়র্নেস পাংথোকপগী তঙাই ফদে৷ চেং-হৱাই, মরু-মরাং থাবা অসিদগী হেন্দোক্তুনা কম্মর্সিয়েল ক্রোপশিং থানবা লৌমীশিংবু পুক্নিং থৌগৎপীগদবনি৷

পোস্ত হার্ভেস্ত ফেসিলিতীশিং খুদম ওইনা ৱেয়র হাউসশিং অমসুং কোল্দ স্তোরেজশিং শেমগৎন্নবগীদমক ফুদ প্রোসেসিংদা লৈরিবা প্রাইভেৎ সেক্তর অসিবু পুক্নিং থৌগৎপীগদবনি৷ মসিনা মখোয়গী পোত্থোক অদুগী মমল হঞ্জিলহনবদা লৌমীশিংবু মতেং পাংলগনি অমসুং থবক ফংহল্লগনি৷

সরকারগী ইন্সুরেন্স স্কিমশিং খুদম ওইনা ফসল বিমা য়োজনা অচুম্বা মাইকৈদা চৎলিবা খোংথাংশিংনি অমসুং মসি য়ুনিভর্সেলাইজ তৌগদবনি৷

তেক্নোলোজিকেল ইন্তরভেন্সনশিং অমসুং সস্তেনেবল প্রেক্তিসশিং অসিগা লোইননা খোংথাং পুম্নমক অসিনা লৌমীশিংগীদমক ফুদ সেক্যুরিতী খক্তমক লৈরম্বা অদুদগী ইনকম সেক্যুরিতীদা লাকহন্দুনা অহোংবা অমা পুরক্লগনি৷ লৌমীশিংগী য়াইফ থৌরাং অসিনা অচরিয়া রঙ্গ গারুগী মরু ওইবা এস্পিরেসন ওইখি অমসুং লৌমীশিংদা ইনকম সেক্যুরিতী লৈহন্নবা অসিনা হায়রিবা মংলান অসি ফংবগী লম্বী ওই৷

নুংশিরবা ইচে অমসুং ইয়াম্বশিং,

মমাংগী চহীশিং অসিদা এগ্রি-সাইন্সেস অমসুং এগ্রিকল্চরেল য়ুনিভর্সিতীশিং হেন্না হেন্না ফগৎলকখিবা অসি উরবদা অসু্ক্কী মতিক নুংঙাইবা ফাওই৷ মখোয়না তেলেন্ত লৈবা মীওই কয়া চিংশিল্লগনি অমসুং ভারতকী এগ্রিকল্চর অসি হেন্না ফগৎনবা অমসুং শেন্দোং লৈহন্নবা ইন্নোভেতিব রিসর্চকা লোইননা থোক্লক্লগনি৷ রিসর্চ অসি লৌমীশিংদা কান্নবা ফংহনবা হায়বা ৱাখল্লোন অসিদা মীৎয়েং থমগদবনি অমসুং লেব-তগী-লেন্দ অসিনা এগ্রিকল্চরেল য়ুনিভর্সিতীশিং অসিগী মন্ত্র ওইগদবনি৷

অসিগুম্বা প্রোগ্রাম অসি শিনবা অসিগীদমক অমসুং এগ্রিকল্চরদা খ্বাইদগী নৌবা অমসুং ফবা তেক্নোলোজিকেল এদভান্সমেন্তশিং শিজিন্নদুনা অচরিয়া রঙ্গগী মিসন অসি মখা চৎথবা অসিগীদমক রঙ্গ ত্রস্তপু ঐনা থাগৎলি৷ মখোয়শিং অসিনা মরু ওইনা কোবিদ-১৯ লাইনা-লাইচৎ অসিগী মনুংদা লৌখৎলিবা তোঙান তোঙানবা সোসিয়েল ৱেল্ফিয়র এক্তিবিতীশিং অদু ঐনসু শিন্থাখ্রে৷

নুংশিরবা ইচে অমসুং ইয়াম্বশিং,

ইরোই-লোইবদা, মসি ঐনা হঞ্জিন হঞ্জিন হায়বা পাম্মী৷ ক্লাইমেৎ চেঞ্জ অমসুং অতোপ্পা খুদোংথীবশিং থোক্লকপা মতমদা, ঐখোয়না হায়রিবা মন্ত্রা অহুম অসি নিংশিংদুনা থমগদবনি:

ইন্নোভেসন—ত্রেদিস্নেল প্রেক্তিসশিং অসি মখাতানা চৎথবা মতমদা ঐখোয়না তেক্নোলোজী ইন্নোভেসনশিং শিজিন্নগদবনি৷

জেনেরেসন- অসিগুম্বা চেলেঞ্জ অসি পাংথোক্নবা মথাংদা লাক্কদৌরিবা জেনেরেসন অসি ঐখোয়না পুক্নিং থৌগৎকদবনি৷ অসিগীসু মথক্তা মসিনা মখোয়গী ফ্যুচরনি অমসুং মখোয় অসি খ্বাইদগী চাওবা স্তেকহোল্দরশিংনি৷

মোতিভেসন—ঐখোয়গী লৌমীশিং অসিদা ঐখোয়গী সপোর্ত পুম্নমক পীগদবনি—মখোয়না থেংনরিবা খুদোংথীবশিং অমসুং কৎথোক্লিবা অদুগীদমক মখোয়দা ফাইনান্স, পোলিসী সপোর্ত, সি.এস.আর. এক্তিভিতীশিং অসিদা মতেং পাংগদবনি৷ ঐখোয়গা মখোয়গা লোইননা মতম পুম্বদা লৈমিন্নরি হায়বা অসি মখোয়দা ঐখোয়না উৎকদবনি৷

অমু্ক্কা হন্না, থৌরম অসিদা মফম অসিদা নখোয় ময়াম পুম্নমক্কা অসি শরুক য়াবা ফংবা অসি ঐ য়াম্না নুংঙাই৷  শরুক য়ারিবা মীওইশিং—লৌমীশিং, মহৈরোইশিং অমসুং সরকারগী ফঙ্কসন্নরীশিংনা ঐখোয়গী মংলানশিং অসিগী অত্ম-নির্ভর ভারত শেমগৎনবা মখোয়না হোৎনরিবা অসিদা ঐনা ইকাই খুম্নবা অমসুং থৌজাল পীজরি৷

জই জৱান, জই কিসান!

জই হিন্দ!”

*****