কমর্স অমসুং ইন্দস্ত্রী মন্ত্রালয়
কোবিদ-১৯গী বেক্সিনশিং অমসুং হিদাক-লাংথকশিং মরাং কাইনা অমসুং অহোংবা মমলশিংদা মতম চানা অমসুং চপ মান্ননা ফংহন্নবা মালেমদা লৈরিবা মীয়ামদা শ্রী পিয়ুশ গোয়লনা ফোঙদোকখি
মন্ত্রীনা মালেমগী ত্রেদিং সিস্তেম অসিদা শোত্থরিবা অমসুং অৱাবা অসি কোকহন্নবা মতাং শাংনা চৎকদবা পোরম অমা য়াৎনবা ফোঙদোকখি
Posted On:
27 OCT 2020 7:25PM by PIB Imphal
কম্মর্স অমসুং ইন্দস্ত্রীগী কেন্দ্রগী মন্ত্রী শ্রী পিয়ুশ গোয়লনা মালেমগী মীয়ামদা মরাং কাইনা অমসুং অহোংবা মমলশিংদা কোবিদ-১৯গী বেক্সিনশিং অমসুং হিদাক-লাংথকশিং মতম চানা অমসুং চপ মান্ননা ফংহন্নবা ফোঙদোকখ্রে। দবল্যু.তি.ও.গী মন্ত্রীশিংগী ভর্চ্যুএল ওইনা ঙসি পাঙথোকপা ইনফোর্মেল ওইবা মীফম অমদা ৱা ঙাংলদুনা মহাক্না হায় মদুদি মেদিকেল সপ্লাইশিং অসি ফংহনবদা মেন্যুফেকচরিং কেপাসিতী য়াম্না লৈজদবা লৈবাকশিংনা থেংনগদবা অৱাবশিং অদু কোকহন্নবা ভারত অমসুং খা অফ্রিকানা ত্রিপ্স মতম খরা কোমথোকপিনবা প্রপোজেল পুখৎলকখি। মসিগী মতাংদা এম.সি.১২না ঙন্না ৱারেপ অমা লৌনবা মহাক্না মেম্বর পুম্নমক্না প্রপোজেল অসি শৌগৎপীনবা ফোঙদোকখি।
শ্রী গোয়লনা হায়খি কোবিদ-১৯ লায়চৎ অসিনা মালেমগী শেন্মীৎলোন অমসুং ত্রেদিং সিস্তেমদা মশাগী লৈজরক্লবা অশোনবশিং অমসুং অৱাৎপশিং অদু উবা ফংহখি। হৌজিক অথুবদা মথৌ তারিবা অসি খুদোংচাদবশিং অসি খুদক্তা কোকহন্নবা কান্নগদবা খোঙথাংশিং লৌখৎপা অমসুং মালেমগী ত্রেদিং সিস্তেম অসিদা শোত্থরিবা অমসুং অৱাবা অসি করম্না কোকহনগনি হায়বগী মতাং শাংনা চৎকদবা পোরম অমা য়াৎপা অসিনি।
অৱাবা তারকপা মতম খুদিংদা খুমাং চাউশিন্নবা অনৌবা অমসুং ইনোবেতিব ওইবা লম্বীশিংগী অচৌবা খুদোংচাবশিং পী হায়না ভারতনা থাজৈ হায়না শ্রী গোয়ল হায়খি। মহাক্না হায়খি অফবা অমসুং পুম্নক্তা চপ মান্ননা ফংহনগদবা অহোংবা অসিনা ঐখোয়দা মল্তিলেতরেল ত্রেদিং সিস্তেম অসি শেমদোকপা অমসুং হৌখিবা চহি ২৫ অসিদা তৌরমদবা কয়া তৌবা মথৌ তাহল্লি। শ্রী গোয়লনা হায়খি, “মীওইবগী পুন্সি ঙাক শেন্নবা অমসুং ইনক্লুসিব অমসুং সস্তেনেবল গ্লোবেল ইকনোমিক গ্রোথ অমুক হন্না ফগৎহন্নবা অতোপ্পা দবল্যু.তি.ও. মেম্বরশিংগা লোয়ননা কান্নগদবা থবক তৌনবা শেম শাদুনা অদুম লৈরি।”
লায়চৎ অসিনা মরম ওইরগা চান্নবা চীঞ্জাক্কী অমসুং হিংনবগী পাম্বৈগী সেক্যুরিরীদা থেংনরিবা অৱাবশিং অসিগী মতাংদা চান্নবা চীঞ্জাক্কী সেক্যুরিতীদা থেংনরিবা অৱাবা অসি কোকহন্নবা খুদক্কী ওইবা খোঙথাং অদুদি চান্নবা চীঞ্জাক্কী সেক্যুরিতীদা থেংনরিবা অৱাবা অসিগী হিরমশিংগীদমক পব্লিক স্তেকহোল্দিং (পি.এস.ঐচ.)কী তুংকোইগদবা পাম্বৈ অমা শেমদুনা কান্নবা ফল পুরকপা অসিনা হায়না মন্ত্রীনা এম.সি.১২তা অপাম্বা ফোঙদোকখি।
শ্রী গোয়লনা হায়খি লায়চৎ অসিনা হেল্থ কিয়র প্রোফেস্নেলশিংনা ঙমখৈ লোন্নবা মফমশিংদা লাইনা চত্থোক-চৎশিন তৌহনবা মথৌ তাই হায়বসু তাকখি। মোদ-৪গী মখাদা মেদিকেল সর্ভিসশিং লাইনা ফংহন্নবগীদমক মল্তিলেতরেলগী ওইবা থৌরাং অমা খুদক্তা হৌদোকপা মথৌ তাই অমসুং এম.সি.১২না ফল অসি ফংহন্নবা ঐখোয়না পান্দম থমগদবনি।
হৌজিক চত্থরিবা ফিসরীসকী সবসিদীগী সমস্যা অসিদা য়াশিন্নবা পুরক্নবা ৱারী শাবা অসিগী মতাংদা মন্ত্রীনা হায়খি য়াশিন্নবা পুরক্নবা হোৎনবা অসিদা লৈবাক খরানা ইন্দস্ত্রীএলগী মওংদা ঙা ফাদুনা মালেমগী ঙাগী স্তোক অসি চাউনা হন্থহল্লিবা সমস্যা অসি কোকহন্নবা ফোঙদোকখি। শ্রী গোয়লনা অচৌবা সবসিদীশিং পীরিবা অমসুং মখা তানা পীগদবা মেম্বরশিংনা “পোলুতর পেস”কী প্রিন্সিপল অসিগা লোয়ননা চাউনা শরুক তমগদবনি হায়না হায়খি। “অখন্নবা মেম্বরশিংদা মান্নদবা মওংদা অমসুং ত্রেদ-দিস্তোর্তিং ফংহনবা য়াহন্দুনা মতম অদুদা লৌমীশিং শৌগৎপা ঙম্বগী থাক য়ৌদ্রিবা চাউখৎলক্লিবালৈবাকশিংগী মেম্বরশিংদা মীচং মীখাই নাইদুনা মসি ঙাক্না চৎহনখিবা উরুগ্বে রাউন্দ নেগোসিএসনশিংদা শোইখিবশিং অদু অমুক হন্না থোকহল্লোইদবনি,” হায়না মহাক্না হায়খি।
চাউখৎপা ৱাৎলিনা লৈবাকশিংগী চুনবা অমসুং মপুং ফাবা স্পেসিএল অমসুং দিফরেন্সিএল ত্রীৎমেন্তগী মতাংদা ফিসরীশিংগী ৱারেপকী এস.দি.জি. ১৪.৬ অমসুং এম.সি.১১ অনিমক্কী মেন্দেৎ অসি ময়েক শেংই অমসুং নাথৈদুনা থম্লোইদবনি হায়না শ্রী গোয়লনা হায়খি। মহাক্না হায়খি মালেমগী ত্রেদিং সিস্তেমগা লোয়ননা অফবা মওংদা পুনশিন্নবা চাউখৎলক্লিবা লৈবাকশিংনা শেমদোক-শেমজিন তৌবশিং অমসুং পোলিসী স্পেস লৈবদা অথিংবা পীনবা হোৎনরকপশিং ভারতনা য়াবা ঙম্লোই। “তশেংবদি, মালেমগী ত্রেদ অসি ফগৎনবা অমসুং সস্তেনেবল ওইনবা লৈবাকশিংগী মরক্তা লৈরিবা য়াইফ থৌরাংবনি, বাকশিংগী খুদোংচাবশিং ফংহসুং চাউনবা মগী খেৎনবা থাকশিং, শেন্মীৎলোনগী চাউখৎ থৌরাংগী মান্নদবা থাকশিং অমসুং চাউখৎত্রিবা অমসুং মীওইবগী চাউখৎ থৌরাংগী ইন্দিকেতরশিংদা চাউনা খেৎনরিবা অসি য়েংলগা চাউখৎলক্লিবা লৈবাকশিংগী খুদোংচাবশিং হেন্না ফংহনগদবনি, ”, হায়না মন্ত্রীনা ফোঙদোকখি।
***
(Release ID: 1668030)
Visitor Counter : 176