এজুকেসনগী য়ুনিয়ন মিনিস্তরন শ্রী রামেশ পোখ্রিয়াল ‘নিশাঙ্ক’ অমসুং কেরলাগী মুখ্যা মন্ত্রী শ্রী পিনারায়ি বিজায়ান্না ঙসি ওনলাইনগী থৌরম অমদা পালাকাদ আই.আই.তি.গী মপুংওইবা কেম্পসগী উরেপ উয়ুং তমখ্রে অমসুং নিলা কেম্পস শঙ্গাখ্রে। থাগৎ ৱাহৈশিং অসি এক্সতর্নেল এফিয়র্স অমসুং পার্লিয়ামেন্তরি এফিয়র্সগী মিনিস্তর ওফ স্তেত শ্রী ভি. মুরালীধারন; হায়র এজুকেসন কেরলাগী মিনিস্তর ওফ স্তেত দাঃ কে.তি. জালিল,কেরলাগী এস.সি., এস.তি., বেকৱার্দ ক্লাসেস, লো,কলচর অমসুং পার্লিয়ামেন্তরি এফিয়র্সগী স্তেত মিনিস্তর শ্রী এ.কে. বালন, কেরলাগী ৱাতর রিসোর্সগী মিনিস্তর ওফ স্তেত শ্রী কে. কৃষ্ণনকুত্তি অমসুং পালাকাদকী মেম্বর ওফ পার্লিয়ামেন্ত শ্রী বি. শ্রীকান্তন্না থৌরম অসিদা শরক য়াখি। ওনলাইন ওইবা থৌরম অসি পালাকাদ আই.আই.তি.গী বোর্দ ওফ গবর্নর, চেয়রমেন শ্রী রামেশ ভেনকাতেস্বারন, পালাকাদ আই.আই.তি.গী বোর্দ ওফ গবর্নর শ্রী প্রোফেসর পি. বি. সুনিল কুমার, দাইরেক্তর, পালাকাদ আই.আই.তি.,  অমসুং ফেকলতি, স্তাফ  পালাকাদ আই.আই.তি.গী মহৈরোইশিংনা শরুক য়াখি।

থৌরম অসিদা ৱা ঙাংলদুনা মিনিস্তরনা হায়খি মদুদি ইন্দিয়ন ইন্সতিত্যুৎ ওফ তেক্নোলোজি পালাকাদনা ২০১৫দা হায়র এজুকেসন অসি লনাইগী ওইবা হৌখিবদগী লেপ্পা লৈতনা চাওখৎলক্লি। ইন্সতিত্যুৎ অসি হৌখিবা দিকেত অমা মখায় অসিনা হায়নিংঙাই লৈতনা চাওখচৎসক্লি অমসুং হৌজিক্তি ছাত্র ৬৪০ হেন্না গ্রেজুএত থাক্কী কোর্সশিংদা মহৈ তম্লি, ছাত্র ২২৫ পোস্ত-গ্রেজুএত থৌরমশিংদা মিং-চল্লি অমসুং ১৩২ অমনা দোক্তোরেল ওইনা য়াম্না আশা লৈনা তম্নরি হায়না মহাক্না হায়খি। হায়রিবা অসি একাদেমিক অমসুং রিসর্সগী লমদা থৌদাং চাওনা লৌরি অমসুং ঐখোয়গী প্রধান মন্ত্রী শ্রী নরেন্দ্র মোদীগী মিয়েং ‘অনৌবা ইন্দিয়া’ অসিদা মপুং ফানা শরুক য়ারি।  

মিনিস্তর অসিনা মখা তানা হায় মদুদি হায়র এজুকেসন ফন্দিং এজেন্সি (ঐচ.ই.এফ.এ.) অসি ২০২০গী বজেৎতা লুপা করোর ২২০০ কাইথদুনা ঐচ.ই.আই.দা রিসর্স তৌবা অমসুং এজুকেসনগী মপোৎ-মচৈ অসিদা পীরি।পান্দম অসিনা চহী ৩৪শুরবা নেস্নেল পোলিসি ওন এজুকেসন (এন.পি.ই.) ১৯৮৬ অসি মহুৎ শিন্দুনা হন্দক্তা ঐখোয়গী সরকার অসিনা ন্যু এজুকেসন পোলিসি (এন.ই.পি.) ২০২০ অসি পুথোক্লি। মিনিস্তরনা আশা থম্লি মদুদি অসিগুম্বা খুদোংচাবা অসি মপুং পারকপা অসিনা লৈবাক অসিগী এজুকেসন সিস্তেম অসিদা অওনবা অমসুং ন্যু এজুকেসন পোলিসি অসিদা হেন্না খুদোংচাবা পীরগনি।   

শ্রী পোখ্রিয়ালনা উৎখি মদুদি এন.ই.পি.না স্কুল অমসুং হয়র এজুকেসন অসিদা খুমাং চাওশিনবা অমা পীরদুনা হেন্না হোলিস্তিক ওইবা, মল্তিদিসিপ্লিনরি অমসুং ফ্লেক্সিবল ওইহল্লি। মিনিস্তরনা মখা তানা উৎলি মদুদি অম্ব্রেলা বোদিগী মখাদা হেন্দোক্তুনা হায়র এজুকেসন কম্মিসন ওফ ইন্দিয়া (ঐচ.ই.সি.আই.)না পুখৎকনি অমসুং ‘লাইতলি বৎ তাইতলি’ লৈবাক অসিগী হায়র এজুকেসন্দা চৎনরি। মহাক্না মখা তানা হায় মদুদি চান্নবা তেক্নোলোজি অমা শিজিন্নদুনা এজুকেসনগী থাক খুদিংদা ওতোনোমস বোদী অমা লিংখৎপা হায়বদি নেস্নেল এজুকেসনেল তেক্নোলোজি ফোরুম (এন.ই.তি.এফ.) অসিনি। স্কুল অমসুং হায়র এজুকেসন অনিগী  ই-এজুকেসন পায়বা ঙম্বা কৎথোক্লবা য়ুনিৎ অমা তঙাইফদনা লৈরি।  

থৌরম অসিদা ৱা ঙাংলদুনা শ্রী বিজায়ান্না হায়খি মদুদি ইন্সতিত্যুৎ অসিনা থৱায় য়াওবা অমসুং শরুক য়াদুনা মখল কয়াগী সেন্ত্রেল অমসুং স্তেত্না স্পোনসর তৌবা অমগী তঙাইফদবা লৈ। মহাক্না হায়খি মদুদি মতম পুম্বগী ওইবা কেম্পস অমা একর ৫০০ মফম অমা ৱেস্তর্ন ঘাত, য়ু.এন.ই.এস.সি.ও.গী ৱার্লদ হেরিতেজ সাইত অসিনা এজুকেসন অসি পুখৎতুনা রিসর্সগী লমদা কান্নবা পীরি।

হৌজিক্কী ওইনা আই.আই.তি. পালাকাদ অসিনা ইঞ্জিনিয়রিংগী লম মরিদা বি. তেক্ত প্রোগ্রামশিং মদুদি সিবিল, মেকানিকেল, ইলেক্ত্রিকেল অমসুং কম্পুতর সাইন্স অসিদা লৈরি। মখা তানা, ইন্সতিত্যুৎ অসিদা মাস্তর প্রোগ্রামশিং এম.এস. (রিসর্স), এম.তেক্ত অমসুং এম.এস.সি. য়াওরি। এম.এস. প্রোগ্রাম অসি ২০১৭দা হাপচিনবনি অমসুং এম.তেক্ত অমসুং এম.এস.সি.গী প্রোগ্রাম অসিনা ২০১৯দী হাপচিনবনি। এম.তেক্ত প্রোগ্রামশিং থেমাতিক মফমশিংদা জিওতেক্নিকেল ইঞ্জিনিয়রিং, মেনুফেকচরিং অমসুং মেতরিএল ইঞ্জিনিয়রিং, কম্প্যুতিং অমসুং মেথমেতিক্স, দেতা সাইন্স, পাৱর ইলেক্ত্রোনিক্স অমসুং পাৱর সিস্তেম অমসুং সিস্তেম-ওন-চিপ দিজাইন অসিনচিংবা। এম.এস. প্রোগ্রাম অসিনা ইঞ্জিনিয়রিংগী মশা মরিদা লৈরি, এম.এস.সি.না ফিজিক্স, কেমিস্ত্রী অমসুং মেথমেতিক্সতা পীরি। দোক্তোরেল প্রোগ্রামশিং অসিনা ২০১৭দগী হৌদুনা দিসিপ্লিন ৮দা ইঞ্জিনিয়রিংদগী সাইন্সতগী হ্যুমেনিতি ফাওবা লৈরি।

*****