نئی دہلی، 23 اکتوبر 2020، بھارت سرکار نے  (i) 'نئے سرکاری اسٹاک 2023' کی فروخت (ایشو/ری ایشو) کے لیے 6 ہزار کروڑ روپے نوٹیفائیڈ رقم  کی پیداوار پر مبنی نیلامی (ii) 3 ہزار کروڑ روپے (قیمت اصلی) نوٹیفائیڈ رقم کی 'فلوٹنگ ریٹ بانڈز ، 2033' کے ذریعے قیمت پر مبنی نیلامی (iii) 9 ہزار کروڑ  روپے (قیمت اصلی) کی نوٹیفائیڈ رقم  کی 'نئے سرکاری اسٹاک ، 2035' کے لیے پیداوار پر مبنی نیلامی،  اور (iv) 5 ہزار کروڑ روپے (قیمت اصلی) کی نوٹیفائیڈ رقم  کی 'نئے سرکاری اسٹاک ، 2050' کے لیے پیداوار پر مبنی نیلامی کا اعلان کیا ہے۔ سرکار کے پاس مذکورہ بالا سیکیورٹیز کے مقابلے میں 2000 کروڑ روپے تک کی اضافی سبسکرپشن برقرار رکھنے کا اختیار ہوگا۔ نیلامی کا انعقاد ریزرو بینک آف انڈیا ، ممبئی آفس ، فورٹ ، ممبئی کے ذریعہ 29 اکتوبر ، 2020 (جمعرات) کو کثیرقیمت کے طریقےکے ذریعے کیا جائے گا۔

سرکاری سیکیورٹیز کی نیلامی میں غیر مسابقتی بولی کی اسکیم کے مطابق اسٹاک کی فروخت کی نوٹیفائیڈ رقم کا 5 فیصد تک اہل افراد اور اداروں کو الاٹ کیا جائے گا۔

نیلامی کے لیے مسابقتی اور غیر مسابقتی بولیاں دونوں 29اکتوبر ، 2020 کو ریزرو بینک آف انڈیا کور بینکنگ سولیوشن (ای۔کبیر) سسٹم پر الیکٹرانک شکل میں جمع کی جائیں۔ غیر مسابقتی بولیاں صبح  10.30 بجے سے صبح  11 بجے کے درمیان جمع کروائی جائیں، اور مسابقتی بولیاں صبح 10.30 بجے سے صبح 11.30 بجے کے درمیان جمع کروائی جائیں۔

نیلامی کے نتائج کا اعلان 29 اکتوبر ، 2020 (جمعرات) کو کیا جائے گا اور کامیاب بولی لگانے والوں کے ذریعہ ادائیگی 2 نومبر ، 2020 (پیر) کو کی جائے گی۔

اسٹاک 'مرکزی حکومت کی سیکیورٹیز کے لین دین جب وہ جاری کی جائیں' ریزرو بینک آف انڈیا کے ذریعہ سرکلر نمبر RBI/2018-19/25 مجریہ مورخہ 24 جولائی ، 2018 کے رہنما خطوط کے مطابق  " جاری کیے جانے " کے  لیے ٹریڈنگ کے اہل ہوں گے ، جس میں وقتا فوقتا ترمیم کی جاتی ہے۔

م ن۔ ع-ا

U-6670