ঙাকশেল মন্ত্রালয়

চীফ ওফ আর্মি স্তাফ, জেনেরেল মনোজ মুকুন্দ নরবনে পি.ভি.এস.এম, এ.ভি.এস.এম, এস.এম, ভি.এস.এম, এ.দি.সিনা আই.এন.এস কবরত্তি থবক হৌহনখ্রে

Posted On: 22 OCT 2020 3:58PM by PIB Imphal

ঙসি ওক্তোবর ২২, ২০২০, বিসাখাপাতনমগী নেভেল দোকয়ার্দতা পাংথোকপা থৌরম অমদা প্রোজেক ২৮(কামোরতা ক্লাস)গী মখাদা শাবা এন্তি-সবমেরিন ৱারফিয়ার(এ এস দব্লিউ) স্তিল্থ কোর্বেত, আই.এন.এস কবরত্তি(পি ৩১) ভারত নেভিদা চীফ ওফ আর্মি স্তাফ, জেনেরেল মনোজ মুকুন্দ নরবনে পি.ভি.এস.এম, এ.ভি.এস.এম, এস.এম, ভি.এস.এম, এ.দি.সিনা মথৌ পাংথোকপা হৌহনখ্রে। থৌরম অদুদা ভাইস এদমিরেল অতুল কুমার জেন পি.ভি.এস.এম এ.ভি.এস.এম ভি.এস.এম, ফ্লেগ ওফিসার কমান্দিং-ইন-চীফ(এফ ও সি-ইন-সি), ইস্তর্ন নেভেল কমান্দ(ই এন সি), রিয়ার এদমিরেল পিবিন কুমার সক্সেনা(রিতয়ার্দ), সি.এম.দি, গার্দেন রিচ সিপবিল্দরস এন্দ ইঞ্জিনিয়ার্স লিমিতেৎ, কোলকাতা(জি আর এস ই), কোলকাতা অমসুং অতোপ্পা শক্নাইরবশিং শরুক য়াখি। ভারত নেভিগী মশাগী ওর্গনাইজেসন, দাইরেক্তোরেত ওফ নেভেল দিজাইননা নমুনা পুথোকপা অমসুং জি.আর.এস.ইনা শাবা এ.এস.দব্লিউ কোর্বেত মরিগী মনুংদা ইকোন কোনবা জহাজ অসি ভারত নেভিদা থৌরম অমা পাংথোক্তুনা হাপচিনবনি।
নেভেল জেত্তিদা থুংলবদা জেনেরেল
নরবনেদা গার্দ ওফ ওনর অমা পীখি। জি.আর.এস.ই, কোলকাতাগী সি.এম.দি, রিয়র এদমিরেল সক্সেনা(রিতায়ার্দ)না হৌদোকপগী ৱারোল পীখি। ভাইস এদমিরেল অতুল কুমার জেন এফ.ও.সি-ইন-সিনা মীয়ামদা ৱা ঙাংলবদা মতুংদা কমান্দিং ওফিসার, কমান্দর সন্দিপ সিংহনা জহাজ অদুগী কম্মিসন্নিং ৱারেন্ত পাথোকখি। মতুং তারকপদা, অহানবা ওইনা নেভেল ইনসাইন চিংখৎখি অমসুং মথৌ পাংথোকপা হৌবগী চৎনবী ওইনা জাতিগী ঈশৈগা লোয়ন্না জহাজগী ফিরাল চিংখৎখি। তুংদা আর্মি চীফনা প্লেগ মাইখুম হাংদোকখি অমসুং জহাজ অসি লৈবাক মীয়ামদা কৎথোকখি। থৌরম অদুদা তিল্লিবা মীয়ামদা মহাক্না ৱা ঙাংখি।

লক্ষদ্বিপ ইথৎশিংগী কোনুংগী মমিং লৌদুনা থোনবা আই.এন.এস কবরত্তি অসি ভারত্তা পুথোকপা মগুন লৈবা দি.এম.আর ২৪৯এ স্তিল শীজিন্নদুনা শাবনি। নাপ-নাপ লাওবা অমসুং চিংলেম্লবা জহাজ অসি মিতর ১০৯ শাংই অমসুং মিতর ১৪ পাকই অমসুং তন ৩৩০০ লুম্মি অমসুং ভারত্তা শাবা এন্তি-সবমেরিন ৱারসিপশিংগী মনুংদা খ্বাইদগী ফবা অমনি হায়না লৌনরি। তোঙান-তোঙানবা মচাক কয়া শীজিন্নদুনা জহাজ অসি শাবনি। জহাজ অসিদা দিজল ইঞ্জিন মরি য়াওরি। এক্স ফোর্মগী মওংদা শাদুনা রদার ক্রোস সেক্সন হন্থহন্দুনা জহাজ অসি মশক লোৎপা ঙম্বগী শক্তি হেনগৎহল্লে। জহাজ অসিগী অৱাংবা থাক্কী স্তিল্থগী খুদোংচাবশিং অসিনা য়েক্নবনা খঙবা ঙম্লোই। জহাজ অসিগী অঙকপা মগুন অমদি ‘অত্মনির্ভর ভারত’কী ঐখোয়গী লৈবাক্কী পান্দম মতুংইন্না লৈবাক অসিনা মশানা পুথোকচবা খুৎলায়শিংনা শাজবনি। নিউক্লিয়র, বাইওলোজিকেল অমসুং কেমিকেলগী লানগী ফিবমশিং থেংনবা ঙম্নবা অনৌবা খুৎলায়শিং শীজিন্নদুনা লৈবাক অসিনা পুথোকপা মচাকশিংনা জহাজ অসি শাবনি। খুৎলায়শিং অমসুং সেন্সরশিং লৈবাক অসিনা শাজবা ঙাক্তনি অমসুং হিরম অসিদা লৈবাক অসিগী তৌবা ঙম্বশিং অদু উৎলে। লৈবাক অসিনা মশানা পুথোকচবা মরুওইবা খুৎলায়শিংগী মনুংদা কম্বেৎ মেনেজমেন্ত সিস্তেম, তোর্পেদো তুব লঞ্চর অমসুং ইনফ্রা-রেদ শিঙ্গনেচর সপ্রেসন সিস্তেম য়াওরি।

লানগী জহাজ অমগী পাংথোকফম থোকপা মথৌ পাংথোক্নবা আই.এন.এস কবরত্তিদা তুতেল এদমোস্ফেরিক কন্ত্রোল সিস্তেম(তি এ সি এস), ইন্তেগ্রেতেদ প্লেতফোর্ম মেনেজমেন্ত সিস্তেম(আই পি এম এস), ইন্তেগ্রেতেদ ব্রিজ সিস্তেম(আই বি এস), বেত্তল দেমেজ কন্ত্রোল সিস্তেম(বি দি সি এস)অমসুং পর্সোনেল লোকেতর সিস্তেম(পি এস এস) য়াওরি। সমুদ্রদা মপুংফানা চাংয়েং পাংথোক্লবা মতুংদা, ভারত নেভিগী এ.এস.দব্লিউগী তৌবা ঙম্বা হেনগৎহন্নবা লানগীদমক মপুংফানা থৌরাং তৌরবা কবরত্তি মথৌ পাংথোকপা হৌহনখিবনি।
জহাজ অসি মতম অমগী অর্নালা ক্লাস মিসাইল কোর্বেত(আই.এন.এস কবরত্তি-পি ৮০)গী অনিসুবা মপোক্নি। কবরত্তিগী অহানবা মপোক্তা মশক থোকপা থবক পাংথোকখি অমসুং মহাক্না চহি ২০ রোম শিংথাবা য়াবা থবকশিং পাংথোকখি। মহাক্কী শিংথবা য়াবা থবকশিংগী মনুংদা ১৯৭১গী বঙ্গলাদেসগী নিংতম্বগী লানদা শরুক য়াখি অমসুং অতোপ্পা ওপেরেস কয়াদা শীজিন্নখি। ১৯৭১গী লান মনুংদা বে ওফ বেঙ্গল ঙাকপদা মহাক শীজিন্নখি অমসুং চিত্তাগোং চংলকফমশিংদা মাইন থম্বদা মতেং পাংখি। লানফম অসিদা মহাক্না পাকিস্থানগী মর্চেন্ত সিপ বগির ফাখি। হন্দক্কী মপোক অসিদা, কবরত্তি চপ মান্ননা শক্তি লৈরি অমসুং হেন্না শাথিবা খুৎলায় কয়া কয়া য়াওরি।  

মহাক্কী অহানবা কমান্দিং ওফিসার ওইনা কমান্দর সন্দিপ সিংহগা লোয়ন্না ওফিসার ১২ অমসুং হিরোয় ১৩৪গী অপুনবা কাংবু অমনা জহাজ অসি মথৌ পাংথোক্কনি। জহাজ অসি ইস্তর্ন নেভেল কমান্দগী মখাদা ইস্তর্ন ফ্লিৎকী তৎন থানবা য়াদ্রবা শরুক অমা ওইরগনি।

******

 



(Release ID: 1666828) Visitor Counter : 206