ঙাকশেল মন্ত্রালয়
আরমী স্তাফকী চীফনা সেকন্দ্রবাদ কেন্তনমেন্ততা লৈবা কোলেজ ওফ দিফেন্স মেনেজমেন্ত অমসুং বিসোন দিবিজন্দা চৎখ্রে
Posted On:
21 OCT 2020 5:46PM by PIB Imphal
চীফ ওফ দি আর্মী স্তাফ (সি.ও.এ.এস.)কী জেনেরেল মনোজ মুকুন্দ নারাভাবেনা ওক্তোবর ২১, ২০২০দা সেকন্দ্রবাদতা লৈবা কোলেজ ওফ দিফেন্স মেনেজমেন্ত অমসুং বিসোন দিবিজন্দা চৎখ্রে। কোলেজ অসিদা সি.ও.এ.এস.না ইকায়-খুম্ননিংঙাই ওইরবা হাইয়র দিফেন্স মেনেজমেন্ত কোর্সকী ওফিসরশিংগা ৱারী শাখি। ৱারী শাবগী মনুং অসিদা মহাক্না হৌজিক থেংনরিবা ঙাক-শেলগী ফিভমগী মতাংদা ৱা ঙাংখি অমসুং তৌবা ঙম্বগী মতিক শেমগৎপদা জিও-স্ত্রেতজিক ওইবা থৌওংনা কান্নহনবা অমসুং লৈবাক্কী অপাম্বা পীনবগীদমক্তা ইন্দিয়ন আর্মীগী লান্মীশিং শিজিন্নবগী মতাংদা মিৎয়েং চঙখি।
ওফিসর-মহৈরোয়শিং অমসুং সি.দি.এম.গী ফেকলতীশিংদা ৱা ঙংবদা মহাক্না আর্ম্দ ফোর্সকী অপুনবা ওইনা অমসুং ইনিয়ন আর্মীগী অকক্নবা ওইনা পুন্সিনবা, থীএতরাইজেসন অমসুং মতমগা চান্নহনবগী হীরমশিংগী মতাংদা পনখি। চীফ ওফ দিফেন্স স্তাফ (সি.দি.এস.) অমা খন্নবা অমসুং দিপার্ত্মেন্ত ওফ মিলিতরী এফিয়র্স (দি.এম.এ.) শেম্নবা সরকারনা ৱারেপ অমা লৌখিবগী মতাংদা মহাক্না মসিবু “নীংশিনিংঙাই ওইবা থৌওং অমনি” অমসুং মসিগী সর্বিসশিং অসিনা “আর্ম্দ ফোর্সকী মতম কুইনদগী লৈরক্লবা অপাম্বা ওইরিবা সি.দি.এস. অমা লৈহন্নবা লৌশিং লৈবা অমসুং মীয়ামগী হীরমশিং নীংথিনা শেন্নবা ঙম্বগী মওং উৎফম থোকই” হায়না মহাক্না হায়খি।
ঙাক-শেলগী থৌওং শেমদোকপগী মতাংদা মথংদা পাঙথোক্কদবা ৱাখল লৈবা খোঙথাং অসিনা “লান অমসুং তংদু-লৈতানা লৈবা মতমশিংদা সর্বিস অহুম অসিগী লান-শোক্নবগী অমসুং অতোপ্পা তৌবা ঙম্বশিংবু পুন্না তাশিন্নবা পুন্সিনবা থীএতর কম্মান্দ অমা শেম্বা” অসিনি। অদুম ওইনমক মসিগী থৌওং অসি “অতম্ননা, ৱাখল খন্থদুনা অমসুং নীংথিনা খন্নরবা মতুংদা পাঙথোকপা” ওইগদবনি অমসুং মসিগী মহৈ চাবা অসিদা “চহি কয়া অমা” চঙগনি হায়না ফোঙদোকখি।
সি.ও.এ.এস.না ওফিসরশিংদা হায়খিবদা মীয়াম্না অপুনবগী ইথিল অমগা লোয়ননা থবক তৌফম থোকই অমসুং লৈবাক্কী ওইবা ঙাক-শেলগী মরমদা য়াম্না থাজফম থোকই হায়না হায়খি। মহাক্না চেকশিনৱা ওইনা মখা তানা হায়খিবদা “কোর্সকী মরক্তা চুম্থোকপগী” থৌওংগী তঙাই ফদবা লাকপা য়াই হায়নসু ফোঙদোকখি।
সি.ও.এ.এস.না তুংদা লাক্কদৌরিবা মতমদা আর্ম্দ ফোর্সশিংনা পুন্সিল্লকপগী থৌওং অসি “শোইদ্রবনি” অমসুং মসিনা “সর্বিস অহুমগী পুন্সিন্নবা” থৌওং ওইহন্দুনা রিসোর্সশিংবু নীংথিনা শিজিন্নবা ঙম্বগী ফিভম লাক্কনি হায়বগী থাজবা থম্বগী ৱাখল্লোন ফোঙদোকখি।
মহাক্না সি.দি.এম.বু তেক্নোলোজী শিজিন্নবা, নীংথিনা শেন্নবা অমসুং খোঙজেল থুবা অমসুং স্ত্রেতজিক ওইবা অৱাংবা থাক্কী লুচিংবগী থৌওং কয়া পাঙথোকপগীদমক্তা থাগৎপা ফোঙদোকখি। মহাক্না থৌরম অসিদা গোল্দন জুবিলী কম্মেমোরেতিব কোফী তেবল বুক অমসু পুথোকখি।
বিসোন দিবিজন্দা লৈরিঙৈদা সি.ও.এ.এস.পু জেনেরেল ওফিসর কম্মান্দিং-ইন-চীফ- সাউদর্ন কম্মান্দ, ল্যুতনেন্ত জেনেরেল সি.পি. মোহান্তীগী মমাংদা জেনেরেল ওফিসর কম্মান্দিং, বিসোন দিবিজন, মেজর জেনেরেল অলোক জোশিনা শেম-শারিবা অসিগী ঙাক-শেনবা অমসুং থবক পাঙথোকপগী শেম-শাদুনা লৈবগী থৌওংগী মতাংদা পাউদমখি।
সি.ও.এ.এস.না শেম-শারিবা অসিবু মখোয়গী থবক তৌবগী মতাংদা থাক-ৱাংনা শেম-শাদুনা লৈবা অসিবু থাগৎখি অমসুং রেঙ্ক খুদিংগী মীওইশিংদা থৱাই চঙবগা লোয়ননা ত্রেনিং তৌনবা অমসুং তুংদা লাকপা শিংনবা খুদিংমক থেংনবা ঙম্নবা শেম-শাদুনা লৈনবা হায়খি। য়ুনিৎ অসিনা হন্দক্তা পাঙথোকখিবা ইচাউ-থোকপগী তেংবাং অমসুং কোবিদ-১৯গা লান্থেংনবদা ঙাক-শেনবগী থৌদাং কয়া পায়খৎখিবা অসিগীসু থাগৎখি।
সি.ও.এ.এস.না মতুং তারকপদা সেকন্দ্রবাদতা লৈবা সাইম্যুলেতর দিভেলপমেন্ত দিবিজন (এস.দি.দি.) অমসুং অপাচে হেলিকোপ্তর-৬৪ খুৎশম্নদুনা শানবা বোইং অমসুং তাতা এদভান্স সীস্তেমগী জোইন্ত ভেঞ্চর ওইরিবা হায়দ্রবাদতা লৈবা তাতা বোইং এরোস্পেস লিমিতেদ (তি.বি.এ.এল.)তা চৎখি। সি.ও.এ.এস.না ‘মেক ইন ইন্দিয়া’গী খোঙথাং অমসুং লমদম অসিদা পোত্থোক পুথোকপগী হীরমদা মপাঙ্গল হাপ্পা অমসুং অপাম্বা তেক্নোলোজীশিংগী ওইনা ‘আত্মানির্ভর’ ওইবগীদমক্তা থাগৎপা ফোঙদোকখি।
*****
(Release ID: 1666759)
Visitor Counter : 154