ଅର୍ଥ ମନ୍ତ୍ରଣାଳୟ
2019-20 ନିମନ୍ତେ ଉତ୍ପାଦକତା ଓ ଅଣଉତ୍ପାଦକତା ଭିତ୍ତିକ ବୋନସ ପ୍ରଦାନକୁ କେନ୍ଦ୍ର କ୍ୟାବିନେଟର ଅନୁମୋଦନ
प्रविष्टि तिथि:
21 OCT 2020 3:25PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ 2019-20 ଆର୍ଥିକ ବର୍ଷ ନିମନ୍ତେ ଉତ୍ପାଦକ ଭିତ୍ତିକ ବୋନସ (ପିଏଲବି) ପ୍ରଦାନକୁ ଅନୁମୋଦନ କରାଯାଇଛି । ଏହାଫଳରେ ରେଳବାଇ, ଡାକ, ପ୍ରତିରକ୍ଷା, ଇପିଏଫଓ, ଇଏସଆଇସି ଇତ୍ୟାଦି ସଂସ୍ଥାର 16.97 ଲକ୍ଷ ଅଣଗେଜେଟେଡ କର୍ମଚାରୀ ଉପକୃତ ହେବେ । ଏଥିପାଇଁ ସରକାରଙ୍କୁ 2,791 କୋଟି ଟଙ୍କାର ଆର୍ଥିକ ବୋଝ ପଡିବ । ସେହିପରି ଅଣଉତ୍ପାଦକତା ଭିତ୍ତିକ ବା ଆଡହକ ବୋନସ ମଧ୍ୟ 13.70 ଲକ୍ଷ ଅଣଗେଜେଟେଡ କେନ୍ଦ୍ର ସରକାରୀ କର୍ମଚାରୀଙ୍କୁ ପ୍ରଦାନ କରାଯିବ । ଏବାବଦ 946 କୋଟି ଟଙ୍କାର ଅତିରିକ୍ତ ବ୍ୟୟ ଭାର ବହନ କରିବାକୁ ପଡିବ ।
ଏହି ବୋନସ ଘୋଷଣା ଦ୍ଵାରା ମୋଟ 30.67 ଲକ୍ଷ କର୍ମଚାରୀ ଉପକୃତ ହେବେ । ଏବାବଦ ସରକାରଙ୍କୁ 3,737 କୋଟି ଟଙ୍କା ଅତିରିକ୍ତ ବ୍ୟୟ କରିବାକୁ ପଡିବ ।
ପୂର୍ବ ବର୍ଷ ମାନଙ୍କରେ ଅଣଗେଜେଟେଡ କର୍ମଚାରୀଙ୍କୁ ସେମାନଙ୍କ କାର୍ଯ୍ୟ ଦକ୍ଷତା ଲାଗି ବୋନସ ସାଧାରଣତଃ ଦଶହରା ପୂର୍ବରୁ ପ୍ରଦାନ କରାଯାଇଥାଏ । ଉଭୟ ଉତ୍ପାଦକ ଭିତ୍ତିକ ଓ ଆଡହକ ବୋନସ ଅଣଗେଜେଟେଡ କର୍ମଚାରୀଙ୍କୁ ତୁରନ୍ତ ପ୍ରଦାନ କରିବା ପାଇଁ ସରକାର ଘୋଷଣା କରିଛନ୍ତି ।
**********
(रिलीज़ आईडी: 1666603)
आगंतुक पटल : 180
इस विज्ञप्ति को इन भाषाओं में पढ़ें:
हिन्दी
,
Marathi
,
Telugu
,
Kannada
,
Manipuri
,
Bengali
,
Assamese
,
English
,
Urdu
,
Punjabi
,
Gujarati