ইন্তর্নেস্নেল ফাইনেন্সিএল সর্বিস সেন্তরস ওথোরিতী (আই.এফ.এস.সি.এ.)না গান্ধীনগর (গুজরাত, ভারত)গী জি.আই.এফ.তি. সিতীদা লৈবা আই.এফ.সি.দা. মালেমগী থাক্তা লৈবা ফিন্তেক হব অমা শেম্নবা পান্দমগা লোয়ননা বেঙ্কিং, ইন্স্যুরেন্স, সেক্যুরিতী অমসুং ফন্দ শেন্নবগী হীরম খুদিংগী মনুং চনবা শেল-থুমগী পোত্থোক অমসুং সেবাশিংগী মতাংদা ফাইনেন্সিএল তেক্নোলোজী (ফিন্তেক)গী খোঙথাং অমা খুমাং চাউশিলহন্নবা পুক্নিং থৌগৎপগী থৌওং পাঙথোক্লি।

পান্দম অসিবু ফংনবা পাঙথোকপা থৌওং অমা ওইনা আই.এফ.এস.সি.এ.না “রীগ্যুলেতরী সেন্দবোক্স”কী ফ্রেমৱর্ক অমা পুথোকখ্রে। সেন্দবোক্সকী ফ্রেমৱর্ক অসিগী মখাদা কেপিতেল মার্কেৎ, বেঙ্কিং, ইন্স্যুরেন্স অমসুং শেল-থুমগী সেবাশিংগী হীরমদা থবক তৌরিবা এন্তাইতীশিংদা অকক্নবা মতমগী মনুংদা তসেং-তসেংবা অকক্নবা কস্তমর খরগা লোয়ননা লাইব ইনবাইরনমেন্ত অমদা ফিন্তেক সোল্যুসনগী অনৌবা থৌওং অসিবু চাংয়েং তৌনবা অখন্নবা খুদোংচাবা অমসুং নিং-খা তম্বগী মওং খরা পীগনি। মসিগী মওং-মতৌশিং অসি শেল-থাদবশিংবু ঙাক-শেন্নবা অমসুং রিস্ক হন্থহন্নবা তঙাই ফদ্রবা ঙাক-শেনবগী মওংশিংগা লোইনগনি। রীগ্যুলেতরী সেন্দবোক্স অসিনা জি.আই.এফ.তি. সিতীদা লৈরিবা আই.এফ.এস.সি.গী মনুংদা থবক তৌগনি।

ভারত অমসুং এফ.এ.তি.এফ.কী কাঙলোন ইন্দুনা চৎপা কেপিতেল মার্কেৎ, বেঙ্কিং, ইন্স্যুরেন্স অমসুং পেন্সন সেক্তরদা থবক তৌবা এন্তাইতীশিং (রীগ্যুলেতেদ অমসুং নন-রীগ্যুলেতেদ)গা লোয়ননা তোঙানবা মীওই অমসুং স্তার্ত-অপশিং অসিনা রীগ্যুলেতরী সেন্দবোক্স অসিদা শরুক য়াবা য়াগনি। সেন্দবোক্স অসিদা য়াওদুনা মখোয়-মখোয়গী অনৌবা ফিন্তেক্কী ৱারোইশিনশিং, মওং-মতৌশিং অমসুং ব্যুজিনেস মোদেল উৎনিংবা এন্তাইতীশিংনা আই.এফ.এস.সি.এ.দা চে-থাবা য়াগনি।

আই.এফ.এস.সি.এ.না এপ্লিকেসনশিং অসি য়েংশিনগনি অমসুং সেন্দবোক্স অসিদা অকক্নবা মওংদা চাংয়েং তৌবা হৌনবা মতিক চাবা কোম্থোকপগী কাঙলোনশিং পীগনি। থৌওং অসিদা শরুক য়াবগী তঙাই ফদবা হীরমশিং, চে-থাবা অমসুং অয়াবা পীবা অমসুং সেন্দবোক্স অসিগী থবক তৌবগী অতোপ্পা ৱাফমশিং অসি সর্ক্যুলার অসিদা পীরি।

আই.এফ.এস.সি.দা অনৌবা থৌওং পাঙথোকপদা য়ুম্ফম ওইবা ইকোসীস্তেম অমা শেম্নবগীদমক্তা লৌখৎপা অহেনবা খোঙথাং অমা ওইনা আই.এফ.এস.সি.এ.না “ইন্নোবেসন সেন্দবোক্স” অমা হৌদোক্নবা ৱাফম হৌদোকখ্রে অমসুং মসিনা আই.এফ.এস.সি.দা থবক তৌরিবা মার্কেৎ ইনফ্রাস্ত্রকচর ইন্সতিত্যুসনশিং (এম.আই.আই.)না ফংহনবা মার্কেৎকা মরী লৈনবা দেতাদা য়ুম্ফম ওইদুনা ফিন্তেক ফর্মশিংনা  লাইব মার্কেত্তগী তোখায়না লৈদুনা মখোয়গী ৱারোইশিন পুরকপগী থৌওং অসিবু চাংয়েং তৌবগী অকোয়বা অমা ওইহনগনি। ইন্নোবেসন সেন্দবোক্স অসি আই.এফ.এস.সি.গী মনুংদা চলায়রিবা এম.আই.আই.শিংনা শেন্নবা অমসুং য়েংশিনবগী থৌওং পাঙথোক্কনি।

রীগ্যুলেতরী সেন্দবোক্স অসিগী ফ্রেমৱর্ক্কী মখা তাবা অকুপ্পা ৱারোলশিং অসি আই.এফ.এস.সি.এ.গী ৱেবসাইত্তগী (https://ifsca.gov.in/Circular) ফংগনি।

****