ভারত-ওমান জোইন্ত কম্মিসন মীফমগী ৯শুবা সেসন ওক্তোবর ১৯, ২০২০দা ভর্চুএল প্লেৎফোর্মগী থোংদা পাঙথোকখ্রে। মীফম অসিদা শ্রী হর্দীপ সিংহ পুরী, কম্মর্স অমসুং ইন্দস্ত্রীগী রাজ্যগী মন্ত্রী অমসুং হীজ এক্সিলেন্সী শ্রী কাস বিন মোহমদ অল য়ুসেফ, ওমানগী সুলতানেৎকী কন্মর্স, ইন্দস্ত্রী অমসুং ইনভেস্তমেন্ত প্রোমোসন মন্ত্রীনা পুন্না ময়াই তাংবল লৌখি। মীফম অদুদা নাকল অনিমক্কী তোঙান-তোঙানবা সর্কারগী বিভাগ/মন্ত্রালয়শিংগী মীহুৎশিংনা শরুক য়াখি।

মীফম অদুগী মনুংদা, নাকল অনিমক্না লল্লোন ইতীক অমসুং ইনভেস্তমেন্তকী মরীদা নৌনা লাক্লিবা খুমাং চাওশিল্লিবশিং য়েংশিনখি অমসুং মখোয়না নাকল অনিগী মরী পাকথোক চাউথোকহন্নবা হোৎনবদা অমসুং শীজিন্নদনা লৈরিবা কম্মর্সিএল অমসুং ইকোনোমিক্কী মরীগী পাঙ্গল হেন্না কলহন্নবা লল্লোন ইতীক তৌবশিংনা লৈবাক অনিমক্না শেল থাদনবদা য়ানখি।

নাকল অনিমক্না, অতোপ্পা হীরম কয়া য়াওনা লৌউশিংউ অমসুং ফুদ সেক্যুরিতী, স্তেন্দার্দ অমসুং মেত্রোলোজী, তুরিজম, ইনফোর্মেসন তেক্নোলোজী, হেল্থ অমসুং ফার্মাস্যুতিকেল, এম.এস.এম.ই., স্পেস, সিবিল এবিএসন, রিন্যুএবল ইনর্জী য়াওনা ইনর্জী, কলচর, মাইনিং অমসুং হায়র এজুকেসনগী হীরমদা মতেং পাংনবদা য়ানখি।

নাকল অনিমক্না মাইনিং, স্তেন্দার্দ অমসুং মেত্রোলোজী, ফাইনান্সিএল ইন্তেলিজেন্স, কলচর একচেঞ্জ, অমসুং ইনফোর্মেসন তেক্নোলোজীদা লৈরিবা মেমোরেন্দম ওব অন্দর্স্তেন্দিং (এম.ও.য়ূ.)শিং খুমাং চাওশিল্লিবগী ফিবম য়েংশিনখি, অমসুং মখোয়বু থিন্থদনা লোইশিনবদা য়ানখি। নাকল অনিমক্না ভারত-ওমান দবল তেক্সেসন এগ্রীমেন্ত খুৎয়েক পীনবা অমসুং চৎনহন্নবা মনুংগী ওইবা থবকশিং থিন্থদনা লোইশিনবা অমসুং ভারত-ওমান বাইলেতরেল ইনভেস্তমেন্ত ত্রিতী লোইশিনবদা য়ানখি।

নাকল অনিমক্না কোবিদ-১৯ লাইচৎনা মরম ওইদুনা ওইরক্লিবা মালেমগী হকশেল অমসুং শেন্মিৎলোনগী অনৌবা ফিবমগী মতাংদা ফোংদোক্নখি।

ভারতকী নাকলদগী ওমানবু ইন্তর্নেসনেল সোলার এলাইএন্স (আই.এস.এ. )ফ্রেমৱার্ক  এগ্রীমেন্ত খুৎয়েক পীনবা অমসুং চৎনহনখিবগীদমক থাগৎপা ফোংদোকখি।

শ্রী পুরিনা সরকার অসিনা ভারত্তা তোঙান-তোঙানবা সেক্তরশিংগী প্রদক্সন-লিঙ্ক ইন্সেন্তিব (পি.এল.আই.) স্কিম য়াওনা লমদম অসিদা লল্লোন ইতীক তৌবা লায়নবা অমসুং পোত্থোক পুথোকপা হেনগৎনবগীদমক খোঙথাং কয়া লৌখৎলিবশিংগী মতাংদা পাউদমখি, অমসুং ওমানি সোবরিন ৱেল্থ ফন্দ অমসুং প্রাইবেৎ বিজিনেসশিংবু ভারত্তা ইনভেস্ত তৌবীনবা পুক্নিং চিংশিনখি।

ভারত অমসুং ওমান্না মতম চুপ্পদা চহী কয়াগী মমাংদগী লৈরক্লবা নক্নবা মরী অমসুং মরুপ মপাং ওইবগী মরী অসি নুংঙাইনা লোইনদুনা লাক্লি। লৈবাক অনিগী নক্নবা মরী, মশক থোকপা লল্লোন ইতীক অমসুং কলচরেল একচেঞ্জ অসি হৌজিক্তি থাজবা অমসুং অনিমক্না ইকাইখুম্নবা স্ত্রেতেজিক পার্ত্নর্শিপ অমা ওইনা পাক চাউথোক্লে। নাকল অনিগী মরী হেনগৎলকপা অমসুং লৈবাক অনিগী মরক্তা ইনভেস্তমেন্ত হেনগৎপা হায়বসি স্ত্রেতেজিক পার্ত্নর্শিপকী মরুওইবা মচাক অমনি।

ভারত অমসুং ওমানগী মরক্তা লৈবা শেন্মিৎলোন অমসুং লল্লোন ইতীক্কী মরী অসি মপাঙ্গল কল্লি অমসুং ফজৈ। ভারত অসি ওমানগী মকোক থোংবা লল্লোন ইতীক্কী মরুপ মপাংশিংগী মরক্তা অমনি। ওমানগী ওইনদি ভারত অসি মখোয়গী ইম্পোর্তকী খ্বাইদগী চাউবশিংগী মরক্তা ৩শুবনি অমসুং থাউ নত্তবা এক্সপোর্তশিংগী খ্বাইদগী চাউনা এক্সপোর্ত তৌবা লৈবাক ৩শুবনি। ভারত অমসুং ওমানগী লৈবাক অনিগী লল্লো ইতীক অসি ২০১৯-২০দা মমাং চহীদগী চাদা ৮.৫ হেনগত্তুনা য়ু.এস. দোল্লর  বিলিয়ন ৫.৯৩ য়ৌখি। অদুগা ভারতকী ওমান্দা এক্সপোর্ত তৌবগী চাংনা য়ু.এস. দোল্লর বিলিয়ন ২.২৬ য়ৌখি, ভারতকী ওমান্দগী ইম্পোর্ত তৌরকপগী চাংনা ২০১৯-২১দা য়ু.এস. দোল্লর বিলিয়ন ৩.৬৭ য়ৌখি।

লৈবাক অনিগী ইনভেস্তমেন্তকী ঈচেল অসি মপাঙ্গল কল্লি। ভারতকী ইভেস্তরশিংনা আইরন অমসুং স্তীল, সিমেন্ত, ফর্তিলাইজর, তেক্সতাইল, কেবল, কেমিকেল, ওতোমোতিব অসিনচিংবদা চাউনা থাদরি। ওমান্দা ভারতকী ইন্তর্প্রাইজ অমসুং ইস্ত্রাব্লিশমেন্ত ৪১০০ হেন্না লৈদুনা চাউরাক্না য়ু.এস.$ বিলিয়ন ৭.৫কী ইনভেস্তমেন্ত তৌরি। ওমান্দগী ভারত্তা এপ্রিল ২০০০-জুন ২০২০ ফাওবদা লাকপা অপুনবা এফ.দি.আই. ইক্বিতী ইনফ্লো অসি য়ু.এস.দি. মিলিয়ন ৫৩৫.০৭ য়ৌখি।

নাকল অনিমক্না খন্ন-নৈনখিবা অমসুং জে.সি.এম.গী মনুংদা লৌখিবা ৱারেপশিংগী মতুংদা তৌগদৌবশিং মখোয়গী মরী লৈনবা কম্মর্স অমসুং ইন্দস্ত্রী মন্ত্রালয়না পায়খৎনবা মীৎয়েং চঙবা হায়না য়ানখি।

মীফম অদুদা য়ানখিবা অকুপ্পা মরোলশিং নাকল অনিমক্কী মন্ত্রীশিংনা লৌনখি।

***************