স্পোর্তস মিনিস্তর শ্রী কিরেন রিজিজুনা ওলিমপিক্কী ক্বালিফিকেসন ওইগদৌরিবা ওক্তোবরগী তাং ২৩ অমসুং ওক্তোবরগী তাং ২৫গী মরক্তা পাংথোক্কদৌরিবা বুদাপেস্ত গ্রান্দ স্লাম অসিগীদমক ভারতকী জুদো তীমনা হঙ্গরিদা চৎত্রিঙৈগী মাংওইননা মহাক্কী লৈফম অদুদা মেম্বরশিং অদু উন্নখ্রে৷ কন্তিঞ্জেন্ত অদুদা জুদো শান্নরোই মঙা অমসুং কোচ জিৱন শর্ম য়াওই৷

স্পোর্তস মন্ত্রী অসিনা তোর্নমেন্ত অসিগীদমক কন্তিঞ্জেন্ত অদুগী য়াইফ থৌজাল পীখ্রে অমসুং ২০২৪ অমসুং ২০২৮ ওলিমপিক্স অসিগীদমক হেন্না ফবা তেলেন্ত পুল অমা থোকলক্ননবগীদমক শেম শাবা লোইরে হায়না মহাক্না ফোংদোকখি, “ ঙসি তীম অসি হঙ্গরী থাদোক্লগনি অমসুং শান্নরোই খরা ক্বালিফাই ওইবা ঙম্লক্কনি হায়না ঐনা থাজৈ৷ জুদো অসি ঐখোয়গী য়াম্না মরু ওইবা মশান্না অমনি অমসুং ঐখোয়না ত্রেনিং ফেসিলিতীশিং অমসুং কোচশিংগী কেপাসিতী অদু হেঙ্গৎহল্লগনি৷ হায়রিবা ৱাখল্লোন অসি ২০২৪ অমসুং ২০২৮তা পাংথোক্কদৌরিবা ওলিমপিক্স অসিদা মাই পাক্না শরুক য়াবা ঙমগদবা নহা ওইরিবা অফবা শান্নরোইশিংগী তেলেন্ত পুল অদু শেমগৎতুনা অফবা শান্নরোইশিং অদু মপুং ফানা মতেং পাংনবা পান্দম থম্লি৷ ঐখোয়না ফেদেরেসন অসিগা৩ হেন্না মপুং ফাবা রোদমেপ অমসুং প্লান খন্নরগনি৷”

মসিনা কোরোনা লাইনা লাইচৎ অসিনা মরম ওইরগা লৈবাক অসি শিনবা থুংনা চৎথরিবা লোকদাউন তৌখিবদগী ত্রেনিং অমসুং ইন্তরনেস্নেল এয়র ত্রাভেল লেপতুনা লৈরক্লবা মতুং অসিদা ভারতকী জুদো শান্নরোইশিংনা ইহান হান্না শান্নগদবা তোর্নমেন্ত ওইরগনি৷ “স্পোর্তস মন্ত্রী অসি উন্নরবা মতুংদা ঐহাক অসুক্কী মতিক নুংঙাইবা হেন্না ফবা ৱাখল্লোন ফাওই” হায়না মালেমগী ৫৬শুবা মফম কল্লিবা অমসুং লাক্কদৌরিবা ওলিমপিক্স অসিগীদমক ক্বালিফাই ওইবা ঙমগনি হায়না চাউনা থাজবা থম্লিবা ভরতকী নুপা জুদো শান্নরোই জসলীন সিংহ সাইনি ফোংদোকখ্রে৷ মহাক্না ঐখোয়দা য়াম্না কান্নগদবা মহাক্কী ৱাখল্লোন অদু ঐখোয়দা ফোংদোরকখি৷ মসিনা কোবিদ লোকদাউন অসিগী মতুং তারকপদা ঐখোয়না শান্নগদবা ইহান হানবা তোর্নমেন্ত ওইরগনি৷ ঐখোয়না মমাংদা থা খুদিংগী শান্নৈ, মরম অদুনা অমুক হন্না শান্নবা মতমদা মসিনা অসু্ক্কী মতিক কান্নবা পীরগনি৷ মপুং ওইবা জুদো ফ্রাতর্নিতী অসিদগী স্পোর্তস মন্ত্রালয়, স্পোর্তস ওথোরিতী ওফ ইন্দিয়া অমসুং ঐখোয়গীদমক্তা অসিগুম্বা থৌরম অসি শিনবী লাংবিরিবা ভারতকী জুদো ফেদেরেসনবু থাগৎপা পামজৈ৷”

তোর্নমেন্ত অসিদা লৈবাক ৮১দগী শান্নরোই ৬৪৫রোম্না শরুক য়ারগনি অমসুং মতম কুইনা লেপ্লুরবা মতুং অসিদা কন্তিনঞ্জেন্ত অসিনা কমপিতিতিব স্পোর্ত অসিদা অমুক হন্না হান্নগী ফিভম হঞ্জিন্নবা থৱাই য়াওনা হোৎনরি৷ “ঐখোয়না স্পোর্তস মন্ত্রী উন্নবা অসি হন্দক্কি অসিনা অহানবনি অমসুং মহাক্না ঐখোয়বু থৌনা হাপ্পিদুনা ভারততা মহাক্না স্পোর্তসকিদমক থবক ময়াম অমা তশেংনা তৌরি অমসুং মসিনা ঐখোয়বু অসুক্কী মতিক নুংঙাইবা অপেনবা ফাওহল্লি” হায়না মালেমগী ৪১শুবা মফম কল্লিবী অমসুং ওলিমপিক্কী অশা লৈরিবী কন্তিনঞ্জেন্ত অসিদা খ্বাইদগী ৱাংবা মফম কল্লিবী নুপী জুদো শান্নরোই সুশিলা দেবীনা ফোংদোকখ্রে৷ লোকদাউন অসিগী মতুং অসিদা অমুক হন্না শান্নবা অসি য়াম্না অফবা অমনি অমসুং  ঐখোয়গীদমক অসিগুম্বা ইন্তনেস্নেোল এক্সপোজর অসি শিনবি লাংবিরিবা সাইবু ঐখোয়না থাগৎপা ফোংদোকচবা পামজৈ৷ ঐখোযনা হেক ঙমজবা অদু পাংথোক্ননবা ঐখোয়না কন্না হোন্নগনি”

উনবগী থৌরম অদুদা শরুক য়াখিবা অতোপ্পা জুদো শান্নরোইশিং অদুদি তুলিকা মেন, এভতার সিংহ অমসুং ভিজে য়াদবনি৷

*****