ঙসি এন.সি.আর.তি.গী ৬০শুবা মপোক নুমিৎকী থৌরম অসিদা মহৈ-মশিংগী কেন্দ্রগী মন্ত্রী শ্রী রামেশ পোখ্রিয়াল ‘নিশঙ্ক’ অমসুং সোসিয়েল জস্তিস অমসুং এমপৱারমেন্তগী কেন্দ্রগী মন্ত্রী দা.থাৱরচান্দ গেহলোনা ভর্চুয়েল্লী ওইনা শরুক য়াখ্রে৷

থৌরম অসিদা এজুকেস্নেল মেতরিয়েলশিং অসি ইন্দিয়ন সাইন লেঙ্গুৱেজ শিজিন্নদুনা না তাথীরবা অঙাংশিংনা মখোয় মখোয়গী হৈনজবা পাও ফাওনবগী মওং অদুদা ফাওনবা য়ান্নবগীদমক এন.সি.ই.আর.তি.(এজুকেসন মন্ত্রালয়গী নেস্নেল ইন্সতিত্যুত অমা) অমসুং ইন্দিয়ন সাইন লেঙ্গুৱেজ রিসর্চ অমসুং ত্রেনিং সেন্তর-আই.এস.এল.আর.তি.সি.(সোসিয়েল জস্তিস অমসুং এমপৱার্মেন্ত মন্ত্রালয়গী দি.ই.পি.দবল্যু.দি.গী নেস্নেল ইন্সতিত্যুত অমা) অনিগী মরক্তা ইতিহাসিক ওইরবা মিমোরেন্দম ওফ আন্দরস্তেন্দিং(এম.ও.য়ু.) অমা সহি পীনখ্রে৷ কেন্দ্রগী মন্ত্রীশিং দি.ই.পি.দবল্যু.দি.গী সেক্রেতরী শ্রীমতি শাকুন্তালা দোলী গেমলিন অমসুং মহৈ-মশিং মন্ত্রালয়গী সেক্রেতরী (এস.ই. অমসুং এল.)শ্রীমতি অনিতা করৱালনা ভর্চুয়েল্লী ওইনা শরুক য়াদুনা হায়রিবা এম.ও.য়ু. অদু সহি পীনখি৷ দি.ই.পি.দবল্যু.দি.গী জোইন্ত সেক্রেতরী অমসুং আই.এস.এল.আর.তি.সি.গী দাইরেক্তর দা.প্রবোধ সেথ  অমসুং এন.সি.ই.আর.তি.গী দাইরেক্তর প্রোফেসন হরুশিকেশ সেনাপথীনা মরী লৈনবা ইন্সতিত্যুতশিংদগী এম.ও.য়ু. অদু সহি পীখ্রে৷ থৌরম অদুগী মনুংদা নিশথা ত্রেনিংগী ওনলাইন ফোর্মেত অদুসু পুথোকখ্রে৷

এন.সি.ই.আর.তি.গী ৬০শুবা মপোক নুমিৎকী থৌরম অসিদা শ্রী রামেশ পোখ্রিয়াল ‘নিশঙ্ক’না ৱা ঙাংলদুনা এন.সি.ই.আর.তি.বু থাগৎখ্রে অমসুং এন.সি.ই.আর.তি. এজুকেস্নেল মেতরিয়েলশিং অসি ইন্দিয়ন সাইন লেঙ্গুৱেজতা ওন্থোক্নবা এন.সি.ই.আর.তি. অমসুং আই.এস.এল.আর.তি.সি.গী মরক্তা এম.ও.য়ু. সহি পীনবা অসিনা ২০২০গী ন্যু এজুকেস্নেল পোলিসী(এন.ই.পি.) অসিদা মরু ওইনা য়াওরিবা ইন্দিয়ব সাইন লেঙ্গুৱেজকী এজুকেস্নেল স্তেন্দরদাইজেসন শোইদনা থোক্লগনি  হায়না ফোংদোকখ্রে৷ মমাংগী চহি ৬ অসিদা লৈবাক অসিদা দিভিয়ঙ্গজনগী য়াইফ থৌরাংগীদমক অমসুং মখোয়বু হেন্না ফিভম ফনা লৈন্নবগীদমক সোসিয়েল জস্তিস অমসুং এমপৱারমেন্ত মন্ত্রালয়গী মখাদা দি.ই.পি.দবল্যু.দি.না য়াম্না মগুল লৈবা থবক থৌরমশিং তৌখ্রে অমসুং মিংচৎ কয়ামরোম ফংদুনা অনৌবা রেকোর্দ কয়ামরোম থম্বা ঙমখ্রে হায়না মহাক্না ফোংদোকখি৷ শুংশোই শোইদনা মসিগী এম.ও.য়ু. অসিনা লৈবাক অসিদা লৈরিবা না তাথীরবা অঙাংশিংদা কান্নবা ফংহল্লগনি৷ ২০২০গী অনৌবা এজুকেস্নেল পোলিসী অসিনা ঐখোয়গী লৈবাক অসি শেমদোক্লগনি হায়না মহাক্না অশা তৌখ্রে৷

ঙসি এন.সি.ই.আর.তি. অমসুং আই.এস.আর.তি.সি. অনিগী মরক্তা সহি তৌনরিবা এম.ও.য়ু. অসি ইন্সতিত্যুসন অনি অসিগী মরক্তা লৈরিবা কোওপরেসন পেক্ত অদু খক্তা নত্তে, মসিনা মহৈ-মশিং মন্ত্রালয় অমসুং সোসিয়েল জস্তিস অমসুং এমপৱারমেন্তগী মন্ত্রালয় অনি অসিগী মরক্তা হেন্না মতেং পাংন্দুনা পুন্না চংশিনমিন্নবগী খোংথাং অমসু ওইরি হায়না শ্রী পোখ্রিয়ালনা ফোংদোকখ্রে৷ এম.ও.য়ু. অসিগী মতেংদগী ২০০৯গী রাইত তু এজুকেসন(আর.তি.ই.) অমসুং ২০১৬গী রাইতস ওফ পর্সন্স ৱিথ দিসএবিলিতী এক্ত(আর.পি.দবল্যু.দি.) অমসুং ২০২০গী ন্যু এজুকেস্নেল পোলিসী(এন.ই.পি.)দা য়াওরিবা প্রোভিজনশিং খুদম ওইনা সাইন লেঙ্গুৱেজ অসিগী অফবা মফম অমা লৈন্নবগীদমক পাউ ফাওদোক ফাওজিন তৌবা মতমদা চান্নবা অমসুং অতোপ্পা উপাই শিজিন্নবা অসি ঐখোয়না  খংবা হৌরক্লে হায়না শ্রী নিশঙ্কনা ফোংদোকখি৷

নিশথা ত্রেনিংগী ওনলাইন ফোর্মেত থাদোরকপা অদুদা মহৈ-মশিংগী মন্ত্রীনা ৱা ঙাংলদুনা অসুম্না ফোংদোকখ্রে মদুদি ভারততা লৈরিবা এজুকেসনগী সিস্তেম অসি ওজা লাখ ৮৫ অমসুং মহৈরোই কোতি ২৬ লৈদুনা য়াম্না চাওই৷ মখোয় পুম্নমক্তা অফবা অমসুং ক্বালিতী লৈবা এজুকেসন পীবা অসিনা ঐখোয়গী পান্দমনি৷ কোবিদ-১৯ অসিনা মহৈলোইশঙশিং/কোলেজ পুম্নমক চাং নাইনা তাকপি তম্বীবা অমসুং লর্নিং এসেসমেন্তগী থৌওংশিং অদু লেপহল্লে৷ ইলিমেন্তরী এজুকেসন লেভেল(ক্লাস ১দগী ৮ ফাওবা)দা লৈরিবা ওজা লাখ ৪২গীদমক( শক-শক উনবা মওং অমদা প্লান তৌখিবা) নিশথাগী ইন্তিগ্রেতেদ ত্রেনিং অদুদা য়াওখি৷ শক-শক উনবা নিশথাগী ত্রেনিং অদুগী মখাদা রাজ্য/য়ু.তি. ৩৩গী রাজ্য সরকারশিং অদুগী মহৈলোশঙশিংদা থবক তৌরিবা এস.আর.জি. ২৩,১৩৭ অমসুং ওজা ১৭,৭৪,৭২৮ অমসুং হেদ ওজাশিং অদু থা নিপানগী মতম অসিদা য়াওদুনা শরুক য়াখি৷ ওজাশিং অমসুং মহৈরোইশিং মখাতানা তম্নবা মতম অদু লোক-দাউন অসি থেংনবা ৱাৎপা অমসুং মী য়াম্না য়াম্বা অসিনা মরম ওইরগা য়েংশিনবা ঙমখিদ্রে৷ মরম অদুনা  এন.সি.ই.আর.তি.না দিকশা প্লেতফোর্ম অসি শিজিন্নদুনা নিশথা-ইন্তিগ্রেতেদ ওজাশিংগী ত্রনিং অসি মখাতানা তৌদুনা ইলিমেন্তরী মহৈলোইঙগী ওজা লাখ ৪২ ত্রনিং তৌনবা প্লান তৌখ্রে৷

থৌরম অদুদা ৱা ঙাংলদুনা দা. থাৱরচান্দ গেহসোতনা অসুম্না ফোংদোকখ্রে মদুদি ইন্দিয়ন সাইন লেঙ্গুৱেজ(আই.এস.এল.) অসিদা এন.সি.ই.আর.তি.গী লাইরিকশিং ফংহল্লকপা অসিনা হৌজিক্তি তাবগী পাঙ্গল ৱাৎলবা অঙাংশিংনা ইন্দিয়ন সাইন লেঙ্গুৱেজতা এজুকেস্নেল রিসোর্সশিং শিজিন্নবা য়াহন্নবা এম.ও.য়ু. সহি পীনবা ইতিহাসিক ওইরবা খোংথাং অমনি অমসুং মসিনা য়াম্না কান্নহন্দুনা তাবগী পাঙ্গল ৱাৎ মহৈরোইশিং, ওজাশিং, ওজা তাপিরিবশিং, মমা-মপাশিং অমসুং তাবগী পাঙ্গল ৱাৎলবা মীওইশিংদা দরকার লৈরিবা রিসোর্সশিং অদু ফংহন্দুনা লৈবাক অসিদা লৈরিবা তাবগী পাঙ্গল ৱাৎলবা অঙাংশিংনা মহৈ-মশিং তম্বদা অচৌবা শাফু অমা পীরগনি৷ এম.ও.য়ু. অসিগী মতুং তারকপদা এন.সি.ই.আর.তি. এজুকেস্নেল লাইরিকশিং অমসুং মেতরিয়েলশিং অসি লৈবাক অসিদা চপ মান্ননা ইন্দিয়ন সাইন লেঙ্গুৱেজতা ফংহল্লগনি, হায়বদি লৈবাক অসিদা লৈরিবা তাবগী পাঙ্গল ৱাৎলবা মহৈরোই পুম্নমক নোংপোক নত্রগা নোংচুপ নত্রগা অৱাং নত্রগা মখাদগী ওইরবসু মখোয় পুম্নমক লোন অমা খক্তা হায়বদি ইন্দিয়ন সাইন লেঙ্গুৱেজতা এন.সি.ই.আর.তি. লাইরিকশিং মখোয় পুম্নমক্না পাবা ঙম্লগনি৷ ইন্দিয়ন সাইন লেঙ্গুৱেজ অসিনা খুৎশিং শিজিন্নদুনা য়ুনিতী ইন দাইভর্সিতী উৎলি অমসুং মীৎশিং শিজিন্নদুনা গ্যান তাহল্লি অমসুং লৈবাক অশিদা লৈরিবা তাবগী পাঙ্গল ৱাৎলবা মীওই পুম্নমকপু অমতা ওইনা পুনশিনহল্লি৷

মসিগী এম.ও.য়ু. অসিগী শরুক অমা ওইনা ক্লাস I-XII  ফাওবগী মনুংদা লৈরিবা হিন্দী অমসুং ইংলিস মেদিয়মদা তম্লিবা সবজেক্ত পুম্নমক্কী এজুকেস্নেল প্রিন্ত মেতরিয়েলশিং খুদম ওইনা এন.সি.ই.আর.তি. লাইরিকশিং, ওজাশিংগী হেন্দবুকশিং অমসুং অতোপ্পা সপ্লিমেন্তরী মেতরিয়েলশিং অমসুং রিসোর্সশিং অদু দিজিতেল ফোর্মেততা ইন্দিয়ন সাইন লেঙ্গুৱেজতা ওন্থোক্লগনি হায়না শ্রী গেহলোতনা ফোংদোকখ্রে৷

২০২০গী অনৌবা এজুকেস্নেল পোলিসী অসি মল্তি লিঙ্গুয়েল এজুকেসনদা মীৎয়েং থমখ্রে হায়না অনিতা করৱলনা ফোংদোকখ্রে৷ হৌজিক্তি মহৈ-মশিংগী মন্ত্রালয়গী মখাদা এন.সি.ই.আর.তি.না ইন্দিয়ন সাইন লেঙ্গুৱেজকীদমক সাইন লেঙ্গুৱেজ মোদ্যুল অমা শেমলগনি৷ এন.সি.ই.আর.তি.গী ৬০শুবা মপোক নুমিৎ অসিদা এন.সি.ই.আর.তি.বু মহাক্না থাগৎখ্রে অমসুং  এন.সি.ই.আর.তি. এজুকেস্নেল মেতরিয়েলশিংবু ইন্দিয়ন সাইন লেঙ্গুৱেজতা ওন্থোক্ননবগীদমক আই.এস.এল.আর.তি.সি.গা সহি তৌনখিবা ইতিহাসিক ওইরবা এম.ও.য়ু. অদুগীদমক মহাক্না মখাতানা নুংঙাইবা ফোংদোকখ্রে৷

অঙাং ওইরিঙৈগী মতমদা অঙাংশিংগী কোগনিতিব স্কিলশিং শেমবা লোইখ্রে অমসুং মখোয়শিংদা মখোয়শিংগী লাইরিক তম্বদা দরকার লৈরিবশিং অদুগীদমক মখোয়দা এজুকেস্নেল মেতরিয়েলশিং পীবা য়াম্না মরু ওই হায়না শ্রীমতি শাকুন্তালা দি.গেমলিননা মহাক্কী ৱাঙাংদা ফোংদোকখ্রে৷ হৌজিক ফাওবদা তাবগী পাঙ্গল ৱাৎলবা অঙাংশিংনা খোঞ্জেল অমসুং অইবা মেদিয়ম খক্তমক শিজিন্নদুনা লাইরিক পারম্মী অদুবু মসিগী এম.ও.য়ু. অসি সহি তৌনখ্রবা মতুংদগীদি মখোয়না ইন্দিয়ন লেঙ্গুৱেজ অমা খক্তমক শিজিন্নদুনা লাইরিক তম্বা য়ারগনি৷ মসিনা মখোয়গী ভোকেবুলরী খক্তা ফগৎহনবদা নত্তনা মখোয়না কন্সেপ্তশিং অদু গ্যান তাবা ঙম্বগী পাঙ্গল অদুসু হেঙ্গলগনি৷ মসিগী এম.ও.য়ু. সহি পীনখিবা অসি য়ুনিসেপকী ইনিসিয়েতিব “এসেস্সিবল দিজিতেল তেক্সবুক্স ফোর ওল” অসিগী মনুংদা ইল্লি অমসুং মসি লেন্দমার্ক ওইদুনা লৈহৌরগদবা ৱারেপ অমনি৷

ইন্দিয়ন সাইন লেঙ্গুৱেজ রিসর্চ এন্দ ত্রেনিং সেন্তর(আই.এস.এল.আর.তি.সি.) অসি ইন্দিয়ন সাইন লেঙ্গুৱেজতা রিসর্চ পাংথোক্নবা, তাকপি তম্বীনবা অমসুং পাক শন্না শিজিন্ননবগীদমক মেন-পৱার শেমগৎন্নবা লৈরিবা দি.ই.পি.দবল্যু.দি.,এম.এস.জে.ই.গী ওতোনোমস নেস্নেল ইন্সতিত্যুত অমনি৷ এন.সি.ই.আর.তি. অসি স্কিল এজুকেসনগা মরী লৈনবা মফমশিংদা রিসর্চশিং চৎথনবা অমসুং য়োকখৎতুনা ক্বালিতী হেন্না লৈহন্নবা, লাইরিকশিং শেম্নবা অমসুং ফোংনবা, সপ্লিমেন্তরী মেতরিয়েল, ন্যুসলেতরশিং, জর্নেলশিং অমসুং এজুকেস্নেল কিৎশিং শেম্নবা, মল্তি দিজিতেল মেতরিয়েলশিং, অনৌবা এজুকেস্নেল তেক্নিকশিং শেম্নবা অমসুং পাংথোক্নবা অমসুং ইলিমেন্তরী এজুকেসনগী য়ুনিভরসেলাইজেসনগী পান্দম অদু ফংবা ঙম্ননবগীদমক কন্না হোৎনরিবা নোদেল এজেন্সী অমা ওইনা এম.ঐচ.আর.দি.গী মখাদা লৈবা ওতোনোমস ওর্গনাইজেসন অমনি৷  

(Release ID: 1665778) Visitor Counter : 137