লৌউ-শিংউ অমসুং লৌমীশিং চাওখৎপা অসিনা অত্ম নির্ভর ভারতকী পান্দম অদু ফংবদা য়াম্না মরু ওই হায়না রুরেল দিভেলপমেন্ত, লৌউ-শিংউ অমসুং লৌমীশিংগী য়াইফ থৌরাং, পঞ্চয়তি রাজ অমসুং ফুদ প্রোসেসিং ইন্দস্ত্রীশিংগী কেন্দ্রগী মন্ত্রী শ্রী নরেন্দ্র সিংহ তোমারনা ফোংদোকখ্রে৷ আই.আই.এফ.পি.তি.দা লৈরিবা মহৈরোইশিংগী রিসাইদেন্সিয়েল কমপ্লেক্স অমসুং পাইলোত ফুদ প্রোসেসিং প্লানশিং অদু শঙ্গাবগী থৌরম অদুদা, প্রধান মন্ত্রী শ্রী নরেন্দ্র মোদীগী মখাদা কেন্দ্র সরকারনা ফুদ প্রোসেসিং অসি সরকার অসিগী তৌদ্রবা য়াদ্রবা সেক্তর অমনি হায়না খন্দোকখ্রে অমসুং অত্ম নির্ভর ভারত ইনিসিয়েতিবকী ফোকস সেক্তরশিংগী মনুংদা অমা ওই হায়না মহাক্না হায়খ্রে৷ প্রধান মন্ত্রীগী শান্না উবা ঙম্বা ৱাখল্লোন অসিগী মখাদা ফুদ প্রোসেসিং ইন্দস্ত্রীশিংগী মন্ত্রালয়না লৌউ-শিংউগী সেক্তর অসি হেন্না চাওখৎনবা অমসুং লৌমীশিংগী চাগা অদু হান্নদগী শরুক অনি য়ৌনা হেঙ্গৎপা ঙম্নবা ফুদ প্রোসেসিং ইন্দস্ত্রীশিংদা হেন্না মতেং পাংনবা অচৌবা পান্দম থম্লি হায়না মহাক্না ফোংদোকখি৷ ইকোনোমী, ইনফ্রাস্ত্রকচর, সিস্তেম, দেমোগ্রাফী অমসুং দিমান্দ অসিদা মতেং পাংবা ঙম্নবা স্তেকহোল্দর পুম্নমক পুন্না থবক তৌমিন্ননবা শ্রী তোমারনা হায়জখ্রে৷

নৌনা লৌশিল্লবা লম অসিদা শানবা হৌদোরকখিবা অনৌবা ইনফ্রাস্ত্রকচর অদু ঙসি ভিদিও কনফরেন্সিংগী খুৎথাংদা শ্রী তোমারনা উরেপ-উয়ুং তমখ্রে৷ ইন্সতিত্যুত অদুদা শাগৎলবা মহৈরোইশিংগী রিসাইদেন্সিয়েল কমপ্লেক্স অমসুং পাইলোত ফুদ প্রোসেসিং প্লানশিং অদুবুসু মহাক্না শঙ্গাখ্রে৷ ফুদ প্রোসেসিং ইন্দস্ত্রীগী রাজ্যগী মন্ত্রী শ্রী রামেস্বর তেলি, এম.ও.এফ.পি.আই.গী সেক্রেতরী পুশপা সুব্রাহমনিয়ম, এম.ও.এফ.পি.আই.গী জোইন্ত সেক্রেতরী শ্রী মিনহাজ অলামনা শঙ্গাবগী থৌরম অদুদা শরুক য়াখি৷

আই.আই.এফ.পি.তি.বু থাগৎলদুনা ইন্সতিত্যুত অসি ১৯৬৭দা ফৌগী ক্বালিতী তোস্ত তৌনবা ওইনা হৌদোকখি অমসুং চহী কয়া অমা মথৌ তৌদুনা লাক্লি হায়না শ্রী তোমারনা ফোংদোকখি৷ হন্দক্তা ইকুই কুইদ্রিঙৈদা ইন্সতিত্যুত অসিগী এপগ্রেদেসন অমসুং স্কোপ চাওথোকহনবা অমসুং শঙ্গোম, শা, ঙা অমসুং য়েন্নচিংবা য়াওনা ফুদ প্রোসেসিংগী মফম পুম্নমক্তা লৈরিবা সর্ভিস অদু মশক খঙনবা ইন্সতিত্যুত অসি ইন্দিয়ন ইন্সতিত্যুত ওফ ফুদ প্রোসেসিং তেক্নোলোজী হায়না মমিং হোংখ্রে৷ আই.আই.এফ.পি.তি.দা তৌরিবা রিসর্চ অসি লেবশিংদা তৌবা নত্তে অমসুং লৌমীশিং অমসুং সমাজ অসিদা পাক শন্না তৌবা য়ানবা মহাক্কী হোরাইজন অদু হেন্না পাকথোক চাওথোকহনখ্রে হায়না মহাক্না মখাতানা ফোংদোকখ্রে৷ ইন্সতিত্যুত অদু চাওথোকপগী প্লান অদু শ্রী তোমারনা য়াখ্রে অমসুং রিসর্চ অমসুং দিভেলপমেন্ত, কেপাসিতী বিল্দিং, কনসল্তেন্সী অমসুং মহৈ-মশিংগী থবকশিংগীদমক অনৌবা আর্তমী মখল অমা শেম্নবা মসিনা লম্বী য়াৎলগনি হায়না মহাক্না ফোংদোকখি৷

সপ্লাই চেন ইনফ্রাস্ত্রকচরদা লৈরিবা গেপশিং, প্রদক্সন অমসুং প্রোসেসিংদা লৈরিবা চান্নদবা লিঙ্ক, ওপরেসনশিং শিজন নাইবা অমসুং লো কেপাসিতী য়ুতিলাইজেসন, ক্বালিতী অমসুং সেফতী স্তেন্দর্দশিংদা থম্লিবা চান্নদবা ফোকস, প্রদক্ত দিভেলপমেন্ত অমসুং ইন্নোভেসন ৱাৎপা, অমসুং সপ্লাই চেন ইন্সতিত্যুস্নেল গেপশিং অসি চাওখৎপা পুরক্নবা সরকার অসিনা অখন্নবা মরু ওইবা মফমশিং খন্দোকখ্রে হায়না শ্রী নরেন্দ্র তোমার সিংহনা ফোংদোকখ্রে৷ হায়রিবা থবকশিং অসি পাংথোক্নবগীদমক মমাংদা ভারত মচা খুদিংমক্তা কান্নবশিং অসি য়ৌহন্নবগী পান্দম তোঙান তোঙানবা স্কিমশিং লোঞ্চ তৌখ্রে হায়না মহাক্না ফোংদোকখি৷ ইন্সতিত্যুতস্নেল স্কিমশিংগী মখাদা ইন্দিয়ন ইন্সতিত্যুত ওফ ফুদ প্রোসেসিং অসিনা লৈবাক অসিদা য়াম্না মরু ওইবা থৌদাং লৌখ্রে হায়না মহাক্না মখাতানা ফোংদোকখি৷

ফুদ প্রোসেসিং সেক্তরদা লৈরিবা অচৌবা পোতেন্সিয়েল অসিদা ৱা ঙাংলদুনা মহৈ-মরোং পুথোকপদা রিসোর্চ মরাং কাইনা ফংবা অসিনা তোঙান তোঙানবা চিঞ্জাক মখল কয়া পুথোকপদা ভারতনা মালেমগী মকোক ওইরি হায়না শ্রী তোমারনা ফোংদোকখি৷ লৌউ-শিংউ অমসুং এলাইদ সেক্তরশিংদগী ফংলকপা গ্রোস ভেল্যু অদু এফ.ৱাই. ২০২০ অসিদা চাওরাক্না লুপা কোতি লাখ ১৯.৪৮ ওই অমসুং শেনফম অসি হান্নদগী চাদা ৪ %গী চাংদা হেঙ্গৎলে হায়না মহাক্না মখাতানা ফোংদোকখ্রে৷ ভারতকী চিঞ্জাক্কী ইন্দস্ত্রী অসি মালেমগী চিঞ্জাক্কী ত্রেদতা শন্দোক্তুনা কা হেন্না চাওখৎনবা হোৎনরি হায়না মহাক্না ফোংদোকখি৷ ফুদ প্রোসেসিং অসিনা লৈবাক অসিদা লৈরিবা অপুনবা ফুদ মার্কেৎকী ৩২% ওইদুনা লৈবাক অসিদা খ্বাইদগী চাওবা ইন্দস্ত্রীশিংগী মনুংদা অমা ওইদুনা পোৎ পুথোকপা, শিজিন্নবা, মপান্দা থাদোকপা অমসুং চাওখৎলকপদা ৫শুবা ওইরি হায়না মহাক্না মখাতানা ফোংদোকখি৷ অদুমওইনমক হোর্তিকলচরগী মহৈ-মরোংশিংদা মাংহল্লিবা চাং অদু চাওরাক্না চাদা ৩-৯% অমসুং ৫-১৬% ওইখি অমসুং ঙা, শা অমসুং য়েন্নচিংবদনা চাদা ২.৫ অমসুং ১০.৫২% ওইখি৷

ফুদ প্রোসেসিং ইন্দস্ত্রীশিংগী রাজ্যগী মন্ত্রী শ্রী রামেস্বর তেলিনা ইন্সতিত্যুত অদু ভারততা লৈরিবা ইঞ্জিনিয়রিং কোলেজশিংগী মরক্তা ২০২০গী নেস্নেল ইন্সতিত্যুস্নেল রেঙ্কিং ফ্রেমৱর্ক(এন.আই.আর.এফ.) রেঙ্কিংদা ৭৪শুবা মফম কনবা ঙম্বগীদমক ইন্সতিত্যুত অদুবু থাগৎখ্রে৷ ২০২০গী অতল ইন্নোভেসন রেঙ্কিংদা লৈবাক অসিদা লৈরিবা সরকারগী অমসুং সরকারদা এদেদ তৌরিবা ইন্সতিত্যুসনশিংগী মরক্তা রেঙ্ক বেন্দ ৬-২৫ ফাওবগী মনুংদা চল্লকপা অসিদগী হেন্দোক্তুনা ৱুমেন এমপৱারমেন্ত অমসুং সোসিয়েল রেস্পোন্সিবিলিতীদা ফংলকপা এচিভমেন্তশিং অদুগীদমক ইন্সতিত্যুত অদুবু থাগৎখ্রে৷

আই.আই.এফ.পি.তি.গী এক্সপান্সন প্লান অসিনা স্তেকগোল্দরশিং হেন্না লাইহল্লগনি হায়না এম.ও.এফ.পি.আই. সেক্রেতরী শ্রীমতি পুশপা সুব্রাহমনিয়মনা ফোংদোকখ্রে৷ ইন্সতিত্যুত অসিদা তৌরিবা প্লেসমেন্ত চাদা ১০০দি য়াম্না চাওথোকচনিংঙাই ওইবা মওং অমদা তৌই হায়না মহাক্না ফোংদোকখ্রে৷ থৌরম অদুদা আই.আই.এফ.পি.তি.গী দাইরেক্তর দা. সি.অনন্দরমকৃস্ননসু ৱা ঙাংখ্রে৷

আই.আই.এফ.পি.তি.গী মরমদা

থঞ্জভরদা লৈরিবা ইন্দিয়ন ইন্সতিত্যুত ওফ ফুদ প্রোসেসিং তেক্নোলোজী(আই.আই.এফ.পি.তি.) অসি ভারত সরকারগী ফুদ প্রোসেসিং ইন্দস্ত্রীশিংগী মন্ত্রালয়(মোফপি)গী মখাদা মখাদা লৈরিবা নেস্নেল আর.দি. অমসুং ইজুকেস্নেল ইন্সতিত্যুত অমনি৷ হায়রিবা ইন্সতিত্যুত অসিনা ফুদ প্রোসেসিংদা রিসর্চশিং পাংথোকই অমসুং একাদেমিক প্রোগ্রামশিং পী৷ ইন্সতিত্যুত অসিদা হাই-তেক্ত রিসর্চ ফেসিলিতীশিং, ব্যুজিুনেস ইনকুবেসন সেন্তর অমসুং চিঞ্জাক তেস্ত তৌনবা লেব য়াওরি৷ আই.আই.এফ.পি.তি.না ভারততা অমসুং অতোপ্পা মালেমগী ইন্দস্ত্রিয়েল কম্ম্যুনিতীগা অচেৎপা মরী থমখ্রে৷ ইন্সতিত্যুত অসিনা মহাক্কী লৈরিবা রিসর্চ অমসুং একাদেমিক এক্তিবিতীশিং অসি চাওথোক্নবা ইনফ্রাস্ত্রকচর শেম্ননবা হৌজিক লৈরিবা মফম অসিগা থংননা ইকুই কুইদ্রিঙৈদা লম একর ১৪.৫০ লৌশিনখ্রে৷

*****

(Release ID: 1664196) Visitor Counter : 99