খুঙ্গংগী মফমশিংদা খুঙ্গংগী য়ুমথোং লাখ ২.৩০ মনুং চন্দুনা মাই পাক্না ফঙ্কস্নেল হাউসহোল্দ তেপ কন্নেক্সন্স(এফ.ঐচ.তি.সি.) ১০০% ফংহনবা অসিনা মরম ওইরগা লৈবাক অসিদা গোৱানা ইহান হানবা 'হর ঘর জল' রাজ্য ওইখ্রে৷ পুন্সিগী ক্বালিতী হেন্না ফগৎনবা অমসুং খুঙ্গংগী কম্মুনিতীশিংনা য়াম্না লাইনা হিংবা য়ানবগীদমক পান্দম থম্লিবা জল জীভন মিসন(জে.জে.এম.)গী কান্নবশিং অদু শিজিন্ননবগীদমক গোৱাগী মুখ্য মন্ত্রী শ্রী প্রমোদ সাৱন্তনা অসুম্না ফোংদোকখ্রে মদুদি রাজ্য অসিদা লৈরিবা খুঙ্গংগী য়ুম পুম্নমক হৌজিক্তি তোতিগী ঈশিং ফংহল্লগনি৷ রাজ্যগী মশা খিংনা থবক তৌবা অমসুং কন্না হোৎনবা অসিনা তার্গেতশিং অসি মতম চানা ফংবা ঙমখ্রে৷

২০২০গী জুন থাদা, জল শক্তিগী কেন্দ্রগী মন্ত্রী শ্রী গজেন্দ্র সিংহ শেখৱতনা ২০২১ ফাওবগী মনুংদা খুঙ্গংগী মফমশিংদা ফঙ্কস্নেল হাউসহোল্দ তেপ কন্নেক্সন্স(এফ.ঐচ.তি.সি.) ১০০% ফংহন্ননবগীদমক রাজ্যগী এনুয়েল এক্সন প্লান(এ.এ.পি.) অসিদা গোৱাগী মুখ্য মন্ত্রীদা চথী ইদুনা হরাউ নুংঙাইবা ফোংদোকখ্রে অমসুং কেন্দ্র সরকার অসিগী নেস্নেল প্রাইয়োরিতী অমা ওইরিবা থকপা য়াবা ঈশিং ফংহনগদৌরিবা মিসন অসি চৎন্নবগীদমক মপুং ফানা মতেং পাংগনি হায়না মহাক্না মখা তাখি৷ মসিগী মতুং ইন্না ২০২০-২১দা গোৱাদা থাদগদৌরিবা ফন্দ এলোকেসন অসি লুপা কোতি ১২.৪০দা হেঙ্গৎখ্রে৷ অসিগীসু মথক্তা দ্রিঙ্কিং ৱাতর সোর্স হেন্না ফনা লৈনবা, ৱাতর সপ্লাই, গ্রে ৱাতর ত্রিতমেন্ত অমসুং রি-য়ুস অমসুং ওপরেসন অমসুং মেন্তেনেন্স অসি নিংথীজনা তৌন্নবগীদমক সরকার অসিনা তোঙান তোঙানবা প্রোগ্রামশিং খুদম ওইনা এম.জি.এন.আর.ই.জি.এস., এস.বি.এম.(জি), পি.আর.আই.দা ১৫শুবা এফ.সি.গ্রান্ত, দিস্ত্রিক মিনরেল দিভেলপমেন্ত ফন্দ, কেমপা, সি.এস.আর. ফন্দ, লোকেল এরিয়া দিভেলপমেন্ত ফন্দ অসি পুনশিন্দুনা পুথোক্নবা হোৎনরি৷

গ্রাম পঞ্চয়ত ১৯১দা গোৱাগী জিলা অনি নোর্থ গোৱাগী খুঙ্গংগী য়ুমথোং লাখ ১.৬৫ অমসুং সাউথ গোৱাগী খুঙ্গংগী য়ুমথোং ৯৮,০০০দা মপুং ফানা পাইপ কন্নেক্সন তৌদুনা পাইপকী ঈশিং ফংহনখ্রে৷ ঈশিং তেস্ত তৌবগী সিস্তেম অসি হেন্না তৌন্নবগীদমক, এন.এ.বি.এল.না শকখঙলবা ঈশিং ক্বালিতী লৈনা তেস্ত তৌনবা লেবোরেতরী ১৪ শানবা থৌরাং তৌরি৷ খুঙ্গংশিংদা ঈশিং তেস্ত তৌবা য়ান্নবগীদমক ফিল্দ তেস্ত কিৎশিং অসি শিজিন্নবা মতমদা মরু ওইনা নুপীশিং অসি ত্রেন তৌন্নবগীদমক খুঙ্গং খুদিংমক্তা মীওই ৫ ত্রেনিং তৌনবা জল জীবন মিসননা য়াথং পীখ্রে৷

গোৱাগী মাই পাকপা অসিনা অতোপ্পা রাজ্যশিংনা মতৌ তমদুনা খুঙ্গংগী য়ুমশিংদা তোতিগী ঈশিং ফংহন্নবগী খুদম ওইরি অমসুং মরু ওইনা কোবিদ-১৯ লাইনা-লাইচৎ অসিগী মনুং অসিদা  য়ুমথোংশিংদা অফবা ঈশিং পীবা অসি য়াম্না মরু ওই৷ খুঙ্গংগী য়ুমথোং খুদিংদা তোতি ঈশিং শমদুনা ভারতকী খুঙ্গংশিংদা লাক্লিবা অওনবা অসি হৌজিক হৌজিক চৎথরিবা ‘ন্যু ইন্দিয়া’গী শরুক অমনি৷

খুঙ্গংগী য়ুমথোং খুদিংদা চাং নাইনা অমসুং লোঙ্গ তর্ম বেসিস্তা ফংহল্লিবা অফবা থকপা য়াবা ঈশিং অদুগী চাং অমসুং ক্বালিতী অদু য়েংশিন্ননবগীদমক হৌজিক্তি রাজ্য অসিনা সেন্সরদা বেস তৌবা সর্ভিস দেলিভরী মোনিতরিং সিস্তেমগীদমক প্লানশিং শেমখ্রে৷

******