অৱাং নোংপোক লমদমগী চাউখৎ থৌরাংগী, এম.ও.এস. পি.এম.ও., পর্স্নেল গ্রীবান্সেস, পেন্সন্স, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী (মনিংতম্বা চার্জ) দা. জিতেন্দ্র সিংহনা অৱাং নোংপোক লমদমগী রাজ্যশিংনা কোবিদ হেন্না মপুং ফানা লাকশিনবগীদমক থাগৎপা ফোঙদোকখি, মসিনা মরম ওইরগা মরী লৈনবা রাজ্য সরকারশিং অমসুং সিবিল সোসাইতীশিংবু মায়কৈ পুম্বদগী থাগৎনরক্লি। ইম্পার্সিএল এজেন্সীশিংনা লৈবাক পুম্বগী পাঙথোকপা সর্ভেদনা মসি অচুম্বনি হায়না উৎলি হায়না মহাক্না ফোঙদোকখি।

দোনর মন্ত্রীনা মসিগী ওবজর্বেসনশিং অসি মেঘালয়গী হকশেল মন্ত্রী এ.এল. হেক্না কোবিদকা মরী লৈনবা সমস্যা কয়া খন্ননবা কৌরকপদা খংবা ঙমখিবনি।  

কোবিদ লায়চৎ অসি হৌবদগী লায়না অসি শন্দোকপা থিংনবা মেঘালয় সরকার অমসুং অতোপ্পা রাজ্যগৌ সরকারশিংনা প্রোএক্তিব ওইবা খোঙথাংশিং লৌখৎপা অমসুং কেসশিং হেনগৎলকপদা মায়োক্নবা ঙম্নবা লৈরিবা হেল্থ সিস্তেমশিং অসি ফগৎহনবগীদমক দা. জিতেন্দ্র সিংহনা থাগৎখি। মহাক্না হায়খি, লোকদাউনগী মতমগী মনুংদা অৱাং নোংপোক থংবা রাজ্য নিপানগী মনুংদা মঙাদি কোরোনা নাখিদবা অসি অচৌবা অচম্বা মাই পাকপা নত্তে অমসুং মীওইশিংনা চত্থোক-চৎশিন তৌবা হৌরবা মতুংদা খক্তা কোরোনাগী পোজিতিব কেসশিং থেংনবা হৌখি।

দোনর মন্ত্রীনা হায়খি মদুদি হৌখিবা চহি ৬ অসিদা অৱাং নোংপোক থংবা শরুক অসিনা চাউখৎ থৌরাংগী মোদেল অমা ওইখিবগুম্না হৌখিবা থা তরুক অসিদা কোরোনা মপুং ফানা লাকশিনবগী মোদেল অমা ওইরক্লি।

দা. জিতেন্দ্র সিংহনা হায়খি অমরোমদা নোর্থ ইস্তকী মন্ত্রালয়না লোকদাউন মমাংদা প্রি-এম্পতিব ওইনা অৱাং নোংপোক রাজ্যশিংদা অহানবা ওইনা লুপা করোর ২৫গী তেংবাং পীখি, তোঙান তোঙানবা অৱাং নোংপোক রাজ্যশিংগী সরকারশিংনা কান্নগদবা খোঙথাংশিং ঙন্না লৌখৎপা হৌখি। হীরম অসিদা অৱাং নোংপোক থংবা রাজ্য অহুমদগী তুংলমচৎতা অসিগুম্বা শন্দোক্কনবা লায়চৎ অসি থেংনবা ঙম্নবা তুংলমচৎকী ওইবা খোঙথাং অমা ওইনা ইনফেক্সিয়স দিজিজ হোস্পিতালশিং লিংখৎনবা প্রপোজেলশিং লাকখি হায়না মহাক্না ফোঙদোকখি।

দা. জিতেন্দ্র সিংহনা হায়খি প্রধান মন্ত্রী নরেন্দ্র মোদীগী য়াথং মতুং ইন্না, অৱাং নোংপোক থংবা রাজ্যশিং লোয়ননা জম্মু অমসুং কাশ্মির অমদি লদাখক য়ুনিয়ন তেরিতরীশিং অসি য়াওনা চীদাইদা লৈরিবা লমদম পুম্নমক্তা মাংজৌননা ওক্সিজেন সপ্লাইশিং মরাং কায়না ফংহন্নবা হোৎনখি। অদুম ওইনমক মপুং ফানা শিল-লাংবা অমসুং বেন্তিলেতরশিং পীবনা মরম ওইরগা অৱাং নোংপোক্তগী অনাবা মীওইদগী ওক্সিজেন ফংদবগী অৱাবা মায়োক্নবগী ৱাকৎ অমা ফাওবা লাকখিদে।

অয়ুক নুংথিল খাক্তনা লোকদাউনগী অঙনবা শরুক্তা ফেস মাস্কশিং মরাং কয়ানা ফংহনবা হোৎনবতা নত্তনা তোঙান তোঙানবা মওং মতৌদা ফেস মাস্কশিং ফংহন্নবা থবক তৌখিবা ৱুমেন সেল্ফ হেল্প গ্রুপশিং য়াওনা সিবিল সোসাইতীনা লৌখিবা থৌদাংবু দা. জিতেন্দ্র সিংহনা থাগৎপা ফোঙদোকখি। 

অমরোমদা হকশেলগী মন্ত্রী এ এল হেকনা আশা ৱার্করশিং অমসুং অঙ্গনৱাদী ৱার্করশিংনা ফংহনখিবা সর্ভিসশিংবু রাজ্য সরকারনা থাগৎখিবগী রেকোর্দ পীরকপগা লোয়ননা দোনর মন্ত্রীনা হৌখিবা চহি ৬ অসিদা চাউখৎ থৌরাংদা মোদেল অমা ওইখিবা অৱাং নোংপোক লমদম অসিনা হৌখিবা থা তরুক অসিদসু চপ মান্না কোরোনাগী লায়চৎ অসি মপুং ফানা লাকশিনবগী মোদেল অমা ওইবা ঙমখ্রে হায়না ফোঙদোকখি।

<><><><><>