রেজ ২০২০- ‘রেস্পোন্সিবল এ.আই. ফোর সোসিএল এম্পাৱর্মেন্ত ২০২০’ সম্মিৎকী অনিশুবা নুমিৎতা মালেমগী মফম কয়াদগী এক্সপর্ত ৫৫না সেসন ১০দা ৱা ঙাংখি, মসিদা ফাইনান্সিএল ইনক্লুজন হেনগৎহনবদা আর্তিফিসিএল ইন্তেলিজেন্সনা লৌবা য়াবা থৌদাং অমসুং অফবা অমদি হৌজিক লৈরিবা অসিদগী অহেনবা পব্লিক দিজিতেল প্লেৎফোর্মশিং শাবদা মতেং পাংদুনা ভারত বিলিয়ন কয়াদা থৌনা হাপ্পা ঙমগদবা মতিক ময়াই অসিগুম্বা হীরমশিং অসি খন্নখি।

নুমিৎ অসিগী প্রোসীদিং অসি দেতা অমসুং এ.আই.না পাৱর তৌবা ফাইনান্সিএল সর্ভিসশিংগী মতাংদা মরু ওইবা ৱারোল পীদুনা শ্রী মোহনদাস পাইনা হৌদোকখি। শ্রী পাইনা সরকারশিং অমসুং ওর্গনাইজেসনশিংনা মখোয়গী সিস্তেমশিংদা এ.আই. ইন্তিগ্রেদ তৌবদা ফংগদবা কান্নবা অদু থমখি।

"এস্তাব্লিশমেন্তগী ফন্দামেন্তেলশিং অমুক হন্না শেমদোক্তুনা তুংদা হৌগৎলক্কদৌরিবা ইন্তরপ্রাইজশিংগী এ.আই.না খুদুম চনবা ঙম্লগনি। ঐখোয়না এ.আই.গী অহানবা বিজিনেসশিং অসি মোনোপোলীশিং ওইরকপা উবা ফংলি,” হায়না মহাক্না হায়খি।

সেসন অসিদা মহাক্কী ৱারোলদা, শ্রী দিলিপ অস্বে, নেস্নেল পেমেন্তস কোর্পরেসন ওফ ইন্দিয়াগী এম.দি. অমসুং সি.ই.ও. ওইরিবা অসিনা হায়খি লৈবাক অসিগী ফাইনান্সিএল ইনক্লুজন তৌবদা এ.আই.না মরু ওইবা থৌদাং অমা লৌরি। “ঙসি ফাওবদা ফাইনান্সিএল সর্ভিসশিং অসি রুলদা য়ুম্ফম ওইখি। অদুম ওইনমক ফাইনান্সিএল ইন্সতিত্যুসনশিংনা ‘দিসিজন মেকিং সপ্পোর্ত’ ওইনা এ.আই.দা য়ুম্ফম ওইবা তেক্নোলোজীশিং শীজিন্নরি, মসিনা থবক থৌরম পুম্নমক হেন্না খোঙজেল য়াংহন্দুনা ঐখোয়বু মতেং পাংলি,” হায়না মহাক্না ফোঙদোকখি।

দা বিবেক রাঘবন, চীফ প্রদক্ত মেনেজর অমসুং বাইওমেত্রিক আর্কিতেক্ত, য়ুনিক আইদেন্তিফিকেসন ওথোরিতী ওফ ইন্দিয়া (য়ু.আই.দি.এ.আই.)না সেসন অসিদা সিস্তেমশিংদা এ.আই. য়াওনবগী কান্নবা অদুগী মতাংদা ফোঙদোকখি। মহাক্না ওপন সোর্স ইনফ্রাস্ত্রকচর শীজিন্নদুনা এ.আই.-পাৱর তুলশিং পুথোকপা মথৌ তাবা অমসুং হৌজিক লৈরিবা দিজিতেল ইকোসিস্তেম অসিগী মনুংদা এ.আই. সোলুসনশিং ইন্তিগ্রেৎ তৌনবা থবক লৌখৎপা মথৌ তাই হায়না ফোঙদোকখি।

“য়ু.আই.দি.এ.আই.না আধার হোল্দর পুম্নমক্তা ফেস ওথেন্তিকেসন সিস্তেম অমা পুথোক্লি। মসিগী পান্দমদি মসি হেন্না সেক্যুর ওইবা অমসুং লৈবাক অসিদা লৈরিবা স্মার্তফোন য়ুজর পুম্নমক্তা ফংহল্লি। সিস্তেম অসি মতম অদুদা অতোপ্পা ফাইনান্সিএল সর্ভিস প্রোবাইদরশিংনা মখোয় মশাগী এ.আই. ইকোসিস্তেম মপাঙ্গল কনখৎহনবদা শীজিন্নবা য়াগনি,” হায়না দা রাহবননা য়ু.আই.দি.এ.আই.না এ.আই. শীজিন্নদুনা অনৌবা সর্ভিস অমা পুথোকপগী মতাংদা ৱা ঙাংবদা ফোঙদোকখি।

শ্রী তি রবি শঙ্কর, এসিস্তেন্ত জি.এম., আর.বিআই.না মহাক্কী ৱারোলদা অফবা এ.আই. ফ্রেমৱার্কশিং পুথোকপা মথৌ তাবগী মতাংদা ফোঙদোকখি। “দেতেগী স্তেদপোইনদগী য়েংলকপদা, অফবা এ.আই. ফ্রেমৱার্ক অমা শেমগৎনবগী মরু ওইবা মরমশিংদি: দেতা সোর্সিংদা লেগেলিতী, ইফিসেন্সী অমসুং ত্রান্সপরেন্সী লৈহনবা, খোমগৎলকখিবা দেতাগী ইন্তিগ্রেতী, প্রাইবেসী অমসুং কনফিদেন্সিএলিতী ফংহন্নবা, রেস্পোন্সিবল অমসুং একাউন্তেবক দেতা একসেস তৌহনবা, অমসুং ওর্গনাইজ দেতা মোনিতাইজেসন ফ্রেমৱার্ক অমা শেম্নবা।”

অনিশুবা সেসনগী হীরম অসি মীওই বিলিয়ন কয়া থৌনা হাপ্পদা এ.আই.না লৌরিবা থৌদাং অসিনা ওইখি, মসি অখন্নবা খল্লবা নুপী পেনেলনা খন্নখি। সেসন অসিদা রিসোর্স মেনেজমেন্ত, সস্তেনেবিলিতী এন্দ পার্তনরশিপ্সকী এসিস্তেন্ত সেক্রেতরী-জেনরেল অমসুং য়ু.এন. ৱুমেনগী দিপুতী দিরেক্তর একজিক্যুতিব দিরেক্তর ওইরিবা মিস অনিতা ভাসিয়ানা নুপীশিংদা এ.আই. ফংহন্নবগী মতাংদা ৱা ঙাংখি।

“এ.আই. রিসর্চ অসি নুপাশিংনা অয়াম্বা ওইরি, এ.আই. প্রোফেসনেলগী ২২% খক্তনা নুপীশিং ওইরি। হৌজিক কোবিদ ১৯গী মতুংদা দিজিতাইজেসন হেনগৎলকখি হান্না ময়েক শেংদনা লৈরম্বা দিজিতেল ইনক্লুজন অসিদা মীৎয়েং চংবা মথৌ তারি,” মহাক্না মখা তাখি।

ভারত সরকারগী দিপার্তমেন্ত ওফ এম্পাৱর্মেন্ত ওফ পর্সন ৱিথ দিসএবিলিতীসকী সেক্রেতরী মিস শকুন্তলা দোলে গাম্লিননা মীমান্নদ্রবা মীওইশিংগীদমক সোলুসনশিং পুথোক্নবা এ.আই. শীজিন্নবা মথৌ তাবগী মতাংদা ৱা ঙাংখি। “মীমান্নদবা হায়বা অসি মতম চুপ্পগী, মতম খরগী নত্রগা ফীভম ওইহনবা ওইরম্বা য়াই। মীমান্নদবা মীওইশিংগীদমক অনৌবা কয়া পুথোক্তুনা ঐখোয়না ঐখোয় পুম্নমক্কী ওইনা অনৌবা পুথোকপনি। খুন্নাইগী মথৌ তারিবশিং অসি ফংহন্নবা ৱাশকখিবা অদু তেক্নোলোজীনা থুংহন্দুনা ঐখোয়না মীপুম খুদিংমক থৌনা হাপ্পা ঙমগনি – মীমান্নদ্রবা মীওইশিং খক্তা নত্তনা –হেন্না ফবা অমগীদমক,” হায়না মহাক্না ফোঙদোকখি।

চপ মান্নবা সেসন অসিদা, মিস জেন্নী লে-ফ্লুরী, মাইক্রোসোফকী চীফ একসেসিবিলিতী ওফিসর, অসিনা কেপসনিং অমসুং একসেসিবিলিতী চেকরগুম্বা তুলশিংনা করম্না মীমান্নদ্রবা মীওইশিং মতেং পাংনবা এ.আই. শীজিন্নগনি হায়বগী মতাংদা ৱা ঙাংখি। "ঐখোয়না মীমান্নদ্রবা মীওইশিংগীদমক হেন্না ইনক্লুসিব ওইবা, একসেসিবল অমসুং এফোর্দেবল ওইবা মালেম অমা ওইহন্নবা এ.আই. পুথোক্নবা হোৎনবদা মীৎয়েং চংবা মথো তাই,” হায়না মহাক্না হায়খি।

জেকলিন কের্নোৎ, পার্তনর, ফাইনান্সিএল সর্ভিসেস, সাইবর সেক্যুরিতী, ইর্নস্ত এন্দ য়ংনা নহাশিংদা এ.আই. শীজিন্ননবা ফোঙদোকখি। “চাউখৎলকপপা অমসুং অনৌবা তেক্নোলোজীশিং থোরকপগা ইরোইননা তেক্নোলোজীনা ইনক্লুসন ফংহন্নবা হোৎনবা তাই। নহাশিংদসু তেক একসেস তৌহনবা তাই,” হায়না মহাক্না ফোঙদোকখি।

সেসন অসিগী মতুংদা, ইলেক্ত্রোনিক্স অমসুং আই.তি. মন্ত্রালয়গী সেক্রেতরী শ্রী অজে প্রকাশ সৌনে অমসুং মেককিনসেগী সিনিয়র পার্তনর মিস্তর নোশির কাকাগা লোয়ননা তোঙান্না অচম্বা ৱারী ৱাতাই শান্নবা থৌরাং তৌখি।ৱারী শারিবা অসিগী হিরম এ.আই. শীজিন্নদুনা পব্লিক প্লেৎফোর্মশিং শেমগৎপনি অমসুং মসিগী মোদরেতর অসি ৱর্ল্দ ইকনোমিক ফোরম, সি.৪.আই.আর. ইন্দিয়াগী চীফ এদবাইজর শ্রী জে সত্যানরায়ননা ওইখি।ৱারী ৱাতাই শাবা অসিদা, মিস্তর কাকানা এ.আই. অমসুং দেতানা করম্না লৌউ-শিংউ অমসুং বেঙ্কিংদা কান্নবা ফংহল্লি হায়না ফোঙদোকখি।মহাক্না হায়খি এ.আই.না সেক্তর কয়াদা চাউনা খুমাং চাউশিনহনবা ঙম্নবা থৌনা লৈ।

"এ.আই. অমসুং দেতা পুনশিন্নবনা ঐখোয়গী শেন্মীৎলোনদা য়ু.এস.দি. ১০ ত্রিলিয়নগী ফংবা ঙম্বদা ১০% মতেং পাংগনি, নত্রগা লাক্কদৌরিবা চহি ৪-৫ অসিদা য়ু.এস.দি. ৫০০ বিলিয়নগী ভেল্যু য়ৌবা ঙমহনগনি।মালেমগী ওইনা লৈরিবা লৈবাকশিংগী মরক্তা ভারত খক্তনা লৌউ-শিংউদা এ.আই.না পীরিবা খুদোংচাবা অসি বেঙ্কিংদা পীরিবা অদুগুম্না চাউনা পীরি।,” হায়না মিস্তর কাকানা ফোঙদোকখি।

মিস্তর কাকানা হায়রিবা অসিদা পাউখুম পীরদুনা শ্রী সৌনেন হায়খি ভারতনা লৌউ-শিংউগী দিজিতেল প্লেৎফোর্ম অমগী ব্লু প্রিন্ত অমা শেম্বগী এদবান্স স্তেজতা লৈরি। “এ.আই. সর্ভিসেসনা মীপুম খুদিংমক কান্নবা ফংহন্দুনা হিংবদা লায়থোকহন্নবা পান্দম থম্লি। মখা তাআ তিম ইন্দিয়া ওইনা চংশিন্দুনা এ.আই.গী কান্নবশিং অসি লৌমীশিং, মহৈরোয়শিং, হেল্থক্যের পর্সনেল অমসুং প্রজা মীয়ামদা ফংহন্নবা হোৎনগনি," হায়না শ্রী সৌনেনা ফোঙদোকখি।

ইন্দিপেন্দেন্ত স্তদীশিংগী মতুং ইন্না, এ.আই.না ভারতকী চহিগী গ্রোথ রেৎ অসি ১.৩% হেনগৎহন্নবা পোতেন্সিএল লৈ অমসুং ২০৩৫ ফাওবদা লৈবাক অসিগী শেন্মীৎলোন্দা য়ু,এস.দি. বিলিয়ন ৯৫৭ হাপচিনবা ঙমহল্লগনি।মালেমগী থাক্তা, এ.আই.না ২০৩০ ফাওবদা প্রদক্তিবিতীদা য়ু.এস.দি. ১৫.৭ ত্রিলিয়ন ফংহনবা ঙমগনি হায়না পান্নরি।

শ্রী সত্যানরায়ননা ভারতকী আই.তি.গী মপাঙ্গল অসি থাগৎলদুনা হায়খি লৈবাক অসিনা এ.আই. শীজিন্নদুনা পব্লিক দিজিতেল প্লেৎফোর্মশিং শেমগদবনি। " ভারতনা ইনক্লুসিব ইকনোমিক গ্রোথ পুরকপা ঙম্নবা পব্লিক দিজিতেল প্লেৎফোর্মশিং হেন্না শেম্বা মথো তাই। মসিগী প্লেৎফোর্মশিং অসিনা মীয়ামদা খুদোংচাবাশিং ফংহন্নবা পান্দম থম্লি অমসুং ভারতকী পব্লিক অমসুং লনাই সেক্তরশিং অসি পুনশিন্নদুনা ইন্নোবেতিব ওইবা ফলশিং ফংহনগদবনি," হায়না মহাক্না ফোঙদোকখি।

সম্মিৎ অসিগী শরুক অমা ওইনা ভারতকী স্তার্ত—অপশিংনা পুথোকপা ইনোবেতিব এ.আই. সোলুসনশিং প্রমোৎ তৌনবা অমসুং উৎনবা পান্দমগা লোয়ননা ভারত সরকারনা আত্মানির্ভর ভারত এ.আই. সোলুসন চেলেঞ্জ শিনবনি। চেলেঞ্জ অসিদা তোঙান তোঙানবা কেতগোরীদা পুন্না এন্ত্রী ২৯৯ লাকখি। সোলুসনশিং অসিদগী খনগৎলবা ২১না ঙসি সম্মিৎ অসিদা মালেমগী মীয়ামদা উৎখি। এ.আই.সোলুসনশিং ফীচরশিং অসি কর্নাতকাদগী স্তার্ত-অপ মাপল, দিল্লীদগী স্তার্ত-অপ অহুম, হরিয়ানাগী অনি. মহারাস্ত্রদগী অনি, অমসুং উত্তর প্রদেশ, তামিল নাদু, তেলঙ্গনা, ঝারখন্দ অমসুং কেরেলাদগী স্তার্ত-অপ অমমম্না পুথোকপনি।

সম্মিৎ অসিদা এজুকেসন এন্দ এৱ্যেরনেস ফোর রেস্পোন্সিবল এ.আই.দা সেসন অমু পাংথোকখি। শ্রী রাহুল শর্ম, প্রসিদেন্ত, এ.আই.এস.পি.এ. পব্লিক সেক্তর, ভারত অমসুং সাউথ এসিয়া, দা. রাহুল পেনিক্কর, চীফ রিসর্চ অমসুং ইনোবেসন ওফিসর, ৱাধ্বানি এ.আই., দা. রোহিনি শ্রিবত্সা স.তি.ও., মাইক্রোসোফ্ত ইন্দিয়া, অমসুং মিস্তর কাই এন্দর্সন, স্ত্রেতেজিস্ত, মেজর ইম্পেক্ত ইনিসিএতিবশিং, এ.আই. স্বিদেন অমসুং অতোপ্পা কয়ানা সেসন অসিদা শরুক য়াখি।

নুমিৎ অদুগী নুমিদাং ৱাইরমদা রোল ওফ রিগুলেসন্স ফোর রেস্পোন্সিবল এ.আই. হায়বা সেসন অমদা ৱা ঙাংলদুনা ব্রেদ স্মিথ, প্রসিদেন্ত অমসুং চী লিগেল ওফিসর, মাইক্রোসোফ্ত কোর্পোরেসন্না অফবা নেস্নেল এ.আই. স্ত্রেতেজী অমা শেম্বগী ভারতকী খোঙথাংশিং অসিবু থাগৎপা ফোঙদোকখি।  “এ.আই.না শেন্মিৎলোন হীরম খুদিংমক্তা অওনবা পুরকপা ঙম্মি অমসুং শেন্মিৎলোন চাউখৎহনবা ঙম্মি। ঐনা খনবদা ঙসিদগী হৌরগা চহিচা অসি তঙ্খাই চল্লকপদা ভারত অসি শুংশোই শোইদনা মালেমগী এ.আই.গী সুপর্পাৱর অমা ওইরগনি হায়বদা হায়মনবা থোক্লোই” হায়না মহাক্না ফোঙদোকখি।

রেজ ২০২০ অসি ওক্তোবর ৫দগী ৯ ফাওবদা শিনগনি। হৌজিক ফাওবদা লৈবাক ১৪৪দগী একাদেমিয়া, রিসর্চ ইন্দস্ত্রী অমসুং স্তেকহোলদর ৭০,০০০না সম্মিৎ অসি য়াওনবা রেজিস্তর তৌখ্রে। 

ভারতনা পুন্সিগী হীরম খুদিংমক্তা লেপ্পা লৈতনা আর্তিফিসিএল ইন্তিলিজেন্স শিজিন্নরি। ভারতকী তেক্নোলোজীগী হৈশিংবা অমসুং মসিগী দেতা মরাং কায়না ফংবা অসিনা কত্তিং-এজ তেক্নোলোজিকেল সোলুসনশিং পীদুনা মালেমগী এ.আই. গরাজ ওইবদা মতেং পাংলগনি। রেজ ২০২০ সম্মিৎ (http://raise2020.indiaai.gov.in/)না মালেমগী কম্ম্যুনিতীগী এ.আই. পুথোকপদা মতেং পাংগদবা দেতা মরাং কায়না ফংবা ইনভাইরন্মেন্ত অমা শেমগৎপদা মতেং পাংনবা ৱা তানবা অমসুং য়ান্নবশিং পুরক্নবা প্লেৎফোর্ম অমা ওইনা মথৌ তৌই।  

রেজ ২০২০গী মরমদা:

রেজ ২০২০ অসি মখল অসিগী ওইনা অহানবনি, আর্তিফিসিএল ইন্তিলিজেন্সনা মালেমগী ৱাখল মান্নবশিং পুনশিল্লি অমসুং সমাজ অমা ওল্লকপদা আর্তিফিসিএল ইন্তিলিজেন্স শীজিন্নরি। ভারত সরকার অমসুং লোয়ননা ইলেক্ত্রোনিক্স অমসুং ইনফোর্মেসন তেক্নোলোজি অমসুং নিতি আয়োগকা পুন্না শিনবা অসিনা মালেমগী ইন্দস্ত্রীগী মকোক থোংবা, মরুওইবা ৱাখল্লোন পুথোকপশিং, সরকারগী মীহুৎশিং অমসুং একাদেমিয়া কয়া অমা পুনবা ফংলি।

ৱেবসাইত: http://raise2020.indiaai.gov.in/

অহেনবা ই-পাউগী:

aiforall@digitalindia.gov.inদা কন্তেক্ত তৌবীয়ু

*****

(Release ID: 1662240) Visitor Counter : 107