ইন্দিয়ন নেভী (আই.এন.) – বঙ্গলাদেশ নেভী (বি.এন.)গী অনিশুবা অপুনবা লান ওরাইবগী থৌওং ‘বোঙ্গোসাগর’ অসি ওক্তোবর ৩, ২০২০দগী অৱাংথংবা বে ওফ বেঙ্গোলদা হৌরগনি। বোঙ্গোসাগর লান ওরাইবগী অহানবা থৌওং অসি ইং ২০১৯দা পাঙথোকখি অমসুং মসিনা সমুদ্রগী থবক অমসুং ওপরেসন মখল কয়া অমা পাঙথোকপগী খুত্থাংদা থবক তৌমিন্নবা য়াবা অমসুং ওপরেসন পাঙথোকমিন্নবগী মহৈ কয়া হেনগৎহবগী পান্দম থম্মি। হৌজিক পাঙথোক্কদবা বোঙ্গোসাগর অসিদা নেভী অনিমক্তগী জহাজ কয়া অমনা কংফালদা লান শোক্নবগী দ্রিল, সীমেনশিপ ইবোল্যুসন অমসুং হেলিকোপ্তরগী ওপরেসন কয়াদা শরুক য়ামিন্নগনি।

লান-ওরায়বা অসিগী মতুংদা আই.এন.-বি.এন. কোর্দিনেতেদ  পেত্রোল (কোরপাত)গী অহুমশুবা থৌওং অসিনা ওক্তোবর ৪-৫দা অৱাংথংবা বে ওফ বেঙ্গোলদা পাঙথোক্তুনা তুং ইনগনি অমসুং মসিদা আই.এন. অমসুং বি.এন.গী য়ুনিৎশিংনা ইন্তর্নেস্নেল মেরিতাইম বাউন্দরী লাইন (আই.এম.বি.এল.)দা পুন্না পেত্রোল্লিং চৎমিন্নগনি। কোরপাত পাঙথোকপা অসিনা নেভী অনি অসিগী মরক্তা ভাব তামিন্নবা হেনগৎহন্দুনা আইন্না য়াদবা থৌদোকশিং থিংবগী থৌওং কয়া পাঙথোকহনবদা তেংবাংলি।

ভারত্তা শাজবা এন্তি-সবমেরিন ৱারফ্যার,  ইন্দিয়ন নেভেন শিপ (আই.এন.এস.) কিলতন অমসুং ভারত্তা শাজবা গাইদেদ-মিসাইল কোর্ভেৎ, আই.এন.এস. খুক্রিনা গাইদেদ মিসাইল ফ্রিগেৎ, বঙ্গলাদেশ নেভেল শিপ (বি.এন.এস.) অবু বাকর অমসুং গাইদেদ মিসাইল কোর্ভেৎ বি.এন.এস. প্রোত্তোয়গা লোয়ননা শরুক য়াগনি। মসিগী মথক্তা নেভী অনিদগী মেরিতাইম পেত্রোল এয়রক্রাফৎ অমসুং ইন্তিগ্রেল হেলিকোপ্তরশিংনা থৌওং অসিদা শরুক য়াগনি।

ভারত অমসুং বঙ্গলাদেশনা চহি চহিগী ওইনা চেৎশিনবা হেনগৎলক্লিবা মখল কয়াগী থবক থৌরমশিং পাঙথোকমিন্নদুনা নক্নবা অমসুং অশাংবা মরী অমা লৈনৈ। লৈবাক অনি অসিগী মীওইশিংগী মরক্তা নক্নবা নাৎকী থৌওং কয়া লৈদুনা গনতন্ত্রা অমসুং কাঙলোন্দা য়ুম্ফম ওইবা খুন্নাই অমা লৈবগী মান্নবা ৱাখল্লোন লৈ।

হন্দক পাঙথোক্কদবা বোঙ্গোসাগর এক্সরসাইস অসি অসি বঙ্গাবন্ধু শৈখ মুজিবু রেহমানগী ১০০শুবা মপোক কুমওন, মুজিব বারশোগী মনুংদা পাঙথোকপা ওইবনা য়াম্না মশক থোকপা থৌওং অমা ওইগনি।

এক্সরসাইস বোঙ্গোসাগর অমসুং আই.এন.-বি.এন. কোরপাত অসি নুমিৎ হুম্নিগী মনুংদা পাঙথোক্কনি অমসুং মসিনা প্রধান মন্ত্রী শ্রী নরেন্দ্র মোদীগী এস.এ.জি.এ.আর. (সেক্যুরিতী অমসুং গ্রোথ ফোর ওল ইন দি রীজন)গী শরুক অমা ওইনা  ইন্দিয়ন নেভীনা বঙ্গলাদেশ নেভীদা পীবা মরু ওইবা অসি উবা ফংগনি।

*****