পৱারগ্রীদনা ভারত লৈঙাক্কী পৱার মন্ত্রালয়গা ২০২০-২১গী পান্দমশিং য়াওবা এম.ও.য়ু. খুৎয়েক পীনখ্রে

পৱার গ্রীদ কোর্পোরেসন ওফ ইন্দিয়া লিমিতেদ (পৱারগ্রীদ)না সেপ্তেম্বর ২৯, ২০২০দা ভারত লৈঙাক্কী পৱার মন্ত্রালয়গা মেমোরেন্দম ওফ অন্দরস্তেন্দিং (এম.ও.য়ু.) অমা খুৎয়েক পীনখ্রে‍। এম.ও.য়ু. অদু এম.ও.পি. অমসুং পৱারগ্রীদকী মকোক থোংবা ওফিসিএলশিংনা শরুক য়াদুনা ভারত লৈঙাক্কী সেক্রেতরী (পৱার) শ্রী সঞ্জিব নন্দন সহাই অমসুং পৱারগ্রীদকী চেয়রমেন অমদি মেনেজিং দাইরেক্তর শ্রী কে. স্রীকান্তনা খুৎয়েক পীনখি‍।

এম.ও.য়ু. অদুদা শেনবা চহী ২০২০-২১ মনুংদা পৱারগ্রীদনা ফংগদবা শেনথুম, ফিজিকেল, প্রোজেক্ত পায়খৎপনচিংবা তোঙান তোঙানবা পেরামিতরশিংগা মরী লৈনবা পান্দমশিং য়াওরি‍।

মহারত্ন কম্পেনী অমা ওইরিবা অমদি লৈবাকসিগী সেন্ত্রেল ত্রান্সমিসন য়ুতিলিতী ওইরিবা পৱারগ্রীদনা অহানবা এম.ও.য়ু. শেনবা চহী ১৯৯৩-৯৪দা খুৎয়েক পীনখিবা মতুংদগী হৌজিকফাওবদা এম.ও.য়ু.গী মখাদা খ্বাইদগী ৱাংবা রেতিং চাং মান্ননা ফংদুনা লাক্লি‍। মার্চ ৩১, ২০২০ ফাওবদা কম্পেনী অসিনা ১৬৩,২৮২ সি.কে.এম. হেনবগী ত্রান্সমিসন লাইন, ৪,০৯,৮৯৯ এম.ভি.এ. হেনবগী ত্রান্সফোর্মেসন কেপাসিতী লৈবা ই.ঐচ.ভি. সব-স্তেসন ২৪৮ লৈদুনা চলাইরি‍।

******