এম/ও লেবর অমসুং ইমপ্লোইমেন্তদা এতেচ তৌবা লোয়শঙ অমা ওইরিবা লেবর ব্যুরোনা লৈবাক অসিদা লৈরিবা ইন্দস্ত্রীএল ওইনা মরু ওইবা সেন্তর ৭৮দা লৈরিবা কৈথেল ২৮৯দগী খোমগৎলকপা অখন্নবা পোৎলমগী রিতেল প্রাইজশিংদা য়ুম্ফম ওইবা থা খুদিংগী ইন্দস্ত্রীএল ৱার্করশিংগী কঞ্জুমর প্রাইজ ইন্দেক্স শেম্লি। ইন্দেক্স অসি সেন্তর ৭৮ অমসুং ভারত পুম্বগী ওইনা শেম্বনি অমসুং মসি থাগী অরোইবা ৱার্কিং দেদা ফোঙলি। ওগস্ত, ২০২০গী থাগী ইন্দেক্স অসি প্রেস রিলিজ অসিদা ফোঙলি।

ওগস্ত, ২০২০গী ভারত পুম্বগী সি.পি.আই.-আই.দবল্যু. অসি পোইন্ত ২ হেনগৎখ্রে অমসুং ৩৩৮তা লৈখ্রে (চহুম কুন থ্রা নিপান)। থা-১গী চাদা হোংলিবা অসি মমাং চহিগী চপ মান্নবা থা অসিগী মরক্তা চাদা (+) ০.৬০  হেনগৎখিবা অদুগা চাংদম্নবদা ২০২০গী জুলাই অমসুং ওগস্তগী মরক্তা চাদা (+) ০.৩১ হেনগৎখ্রে।

হৌজিক লৈরিবা ইন্দেক্স অসিদা মথক্তা কাখৎহল্লিবা অসি চান্নবা চীঞ্জাক্কী গ্রুপনা অপুনবগী অহোংবদা চাদা (+) ১.১৪ পোইন্ত হাপকৎলি। পোৎলমশিংগী লেবেলদা চেং, হঙ্গাম থাও, শঙ্গোম (ইরোই), মরোক অতেকপা, তিলহৌ, খামেন, গজর, হৱাই অথুম্বী খোঙদ্রুম, ফদিগোম, বেলেনদ্রি, পালক, পারভাল, অলু, লফোই, হৈনৌ অমুনবা, চা (রেদীমেদ), লৈ/লৈ পরেং অসিনচিংবনা ইন্দেক্স হেনগৎহল্লি। অদুম ওইনমক, হেনগৎলিবা অসি গেহু, গেহু অত্তা, চেং, ঙা অতেকপা, হামেংগী শা, পোলত্রী (য়েন), খামেন অশিনবা, পুংদোন, অসিনচিংবদা ইন্দেক্স  হন্থরকপনা লেংদনা লৈহনখি।

সেন্তরগী লেবেলদা জমশেদপুরনা পোইন্ত ৩৬ হেনগৎতুনা খ্বাইদগী য়াম্বা ওইখি মতুংদা হালদিয়া (পোইন্ত ২৩), তিরুচিরাপল্লী (পোইন্ত ১৩), কোদর্মা অমসুং ফরিদবাদ (পোইন্ত ১২ অমমমদা), শ্রীনগর (পোইন্ত ১১), লখনৌ অমসুং দুম-দুম তিন্সুকিয়া (পোইন্ত ১০ অমমমদা)। অতোপ্পশিংগী মরক্তা সেন্তর ২দা পোইন্ত ৮ হেনগৎপা উবা ফংখি, সেন্তর ৫দা পোইন্ত ৭, সেন্তর ৮দা পোইন্ত ৬, সেন্তর ৭দা পোইন্ত ৫, সেন্তর ১০দা পোইন্ত ৪, সেন্তর ৯দা পোইন্ত ৩, অতোপ্পা সেন্তর ৯দা পোইন্ত ২, অমসুং অতোপ্পা সেন্তর ৯দা পোইন্ত ১ হেনগৎখি। অতোপ্পশিংগী মরক্তা, সেন্তর ১দা পোইন্ত ৩ হন্থখি, অতোপ্পা সেন্তর ১দা পোইন্ত ২ অমসুং সেন্তর ২দা পোইন্ত অমা হন্থবা উখি। লেমহৌরিবা সেন্তর ৬গী ইন্দেক্সশিং লেংদনা লৈখি। 

সেন্তরগী থাক্তা, কোইম্বতুরনা পোইন্ত ৯ হেনগৎতুনা খ্বাইদগী য়াম্না হেনগৎপগী রেকোর্দ থমখি, মতুংদা সেলেম (পোইন্ত ৭) অমসুং মধুরাই (পোইন্ত ৬) ওইদুনা মতুং ইনখি। তোপ্পাশিংগী মরক্তা, সেন্তর ৩দা পোইন্ত ৫ হেনগৎখি, অতোপ্পা সেন্তর ৩দা পোইন্ত ৪, সেন্তর ১২দা পোইন্ত ৩, সেন্তর ১৪দা পোইন্ত ২ অমসুং সেন্তর ১৬তা পোইন্ত ১ হেনগৎখি। মসিগী ওন্নতৈনবদা লাবাক-সিলচরদা পোইন্ত ৪ হন্থখি। অতোপ্পশিংগী মরক্তা সেন্তর ৩দা পোইন্ত ২ হন্থখি অমসুং সেন্তর ৮দা পোইন্ত ১ হন্থখি। লেমহৌরিবা সেন্তর ১৫গী ইন্দেক্সশিং অসি লেংদনা লৈখি।

সেন্তর ৩১গী ইন্দেক্সেশিং অসি ভারত পুম্বগী ইন্দেক্সকী মথক্তা লৈখি অমসুং সেন্তর ৪৭কী ইন্দেক্সশিং অসিনা লৈবাক্কী চাংচৎকী মখাদা লৈ।

পোৎলম পুম্নমক্তা য়ুম্ফম ওইবা ইয়র-ওন-ইয়রগী ইনফ্লেসন অসি মমাং থাগী চাদা ৫.৬৩ ওইখিবা অমসুং মমাং চহিগী থা অসিমক্তদা ওইখিবা চাদা ৫.৩৩ অদুগা চাংদম্নবদা ২০২০গী ওগস্ত থাদা চাদা ৬.৩১ ওইখি। মসিগা মান্ননা চান্নবা চীঞ্জাক্কী ইনফ্লেসন অসি মমাং থাগী চাদা ৬.৩৮ অমসুং মমাং চহিগী থা অসিমক্তদা চাদা ৫.১০ ওইখিবা অদুগা চাংদম্নবদা চাদা ৬.৬৭তা লৈখি।

সি.পি.আই.-আই.দবল্যু. (চান্নবা চিঞ্জাক অমসুং জেনরেল ইন্দেক্সশিং)দা য়ুম্ফম ওইবা ৱাই-ও-ৱাই ইনক্লেসন

ভারত পুম্বগী কাংলুপকী মতুং ইন্না জুলাই অমসুং ওগস্ত, ২০২০গী সি.পি.আই.-আই.দবল্যু.

সি.পি.আই.-আই.দবল্যু.: চান্নবা চীঞ্জাক অমসুং জেনরেল ইন্দেক্সশিং

হন্দক্কী ইন্দেক্স অসিগী মতাংদা ৱা ঙাংলদুনা লেবর অমসুং ইমপ্লোইমেন্তগী মিনিস্তর ওফ স্তেৎ (আই/সি) শ্রী সন্তোশ গঙ্গৱর হায়খি সি.পি.আই.-আই.দবল্যু.দা হেনগৎলকপা অসিনা সরকারগী ইমপ্লোইয়ীশিং অমসুং পেন্সনরশিংগী মথক্তা ওর্গনাইজ সেক্তরদা থবক তৌরিবা ইন্দস্ত্রীএল শিন্মীশিংগী খুৎশুমল/তোলোপশিংদা কান্নবা অমা ওইরগনি। মহাক্না হায়খি চহিগী ইনফ্লেসন ৱাংখৎলক্লিবা অসিগী মরু ওইবা মরমদি চেং, অলু, খামেন, তিলহৌ অসিনচিংবা পোৎলমশিংদা মমল ৱাংখৎলকপনা ওইহল্লি।

লেবর ব্যুরোগী দিরেক্তর জেনরেল শ্রী দি.পি.এস. নেগীনা ইন্দেক্স অসি রিজিজ তৌরদুনা হায়খি ভারত পুম্বগী ওগস্ত, ২০২০গী ইন্দেক্স অসি মমাংগী থাগা চাংদম্নবদা পোইন্ত অনি(০২) হেনগৎতুনা ৩৩৮তা লৈরে।চহিগী ইনফ্লেসন অসিগী চাং অসিসু মমাংগী থাদা চাদা ৫.৩৩ লৈরম্বদগী চাদা ৫.৬৩ হেনগৎখ্রে অদুবু চহি অমা মমাংগী থা অসিদা চাদা ৬.৩১ ওইখিবা অদুগা চাংদম্নবদা চাংচৎতা লৈখি।

মহাক্না মখা তারদুনা হায়খি লেবর ব্যুরো, ইন্তর-এলিয়ানা থা খুদিংগী সি.পি.আই.-আই.দবল্যু. অসি শেম্লি অমসুং ফোঙলি। সরকারগী ইমপ্লোইয়ীশিং খক য়াওদনা পি.এস.য়ু.শিং, বেঙ্কশিং অমসুং ইন্সুরেন্স কম্পনীশিং য়াওরগা ওর্গনাইজ সেক্তরগী শীন্মীশিংদা ইন্দেক অসি দিয়র্নেস এলাৱেন্স (দি.এ.) ওন্নবা অয়াম্বনা শীজিন্নৈ।

২০২০গী সেপ্তেম্বর থাগী সি.পি.আই.-আই.দবল্যু.গী অনৌবা ইসু অসি ইরাই নুমিৎ ওক্তোবর ২৯, ২০২০দা ফোঙগনি। হায়রিবা অসি লোয়শঙ অসিগী ৱেবসাইৎ www.labourbureaunew.gov.in. তা ফংবীগনি।

*****