হকশেল অমসুং য়াইফ য়ুম্বালগী কেন্দ্রগী মন্ত্রী দা হর্শ বর্ধন্না ঙসি ভিদিও কনফরেন্সকী খুত্থাংদা পার্নর্শিপ ফোর মেতর্নেল, ন্যুবোর্ন এন্দ চাইল্দ হেল্থস (পি.এম.এন.সি.ঐচ.) ‘একাউন্তেবিলিতী ব্রেকফাস্ত’তা শরুক য়াখ্রে। থৌরম অসি হ্বাইৎ রিবন এলাইন্স (দবল্যু.আর.এ.) অমসুং এব্রী ৱুমেন এব্রী চাইল্দ (ই.দবল্যু.ই.সি.)না পুন্না হোস্ত তৌখিবা থৌরমনি। চহি অসিগী থিম অসি কোবিদ লায়চৎ অসিদগী চাবোকপী অমদি অঙাংশিংগী হকশেলগী লমদা ৱানা ফংলকখিবা কান্নবশিং অদু ঙাক্নবা হোৎনবগী মতাংদনি।

চাবোকপী অমসুং অঙাংগী হকশেলগী লম অসিদা কোবিদ-১৯না পীরিবা চৈথেংগী মতাংদা ৱা ঙাংলদুনা, দা হর্শ বর্ধন্ন হায়খি “নুপীশিং, অঙাংশিং অমসুং ইখৎলক্লিবশিংনা খ্বাইদগী হেন্না চৈথেং ফংলি অমদি অথুবদা খোঙথাং লৌখৎপা মথৌ তারি।” মহাক্না হায়খি জাতিগী থাক্তা, হকশেল অমসুং য়াইফ য়ুম্বাল মন্ত্রলায়না রাজ্যশিংদা নুপী, অঙাং অমদি ইখৎলক্লিবশিংদা হেল্থক্যের সর্ভিস পুম্নমক লেপ্তনা ফংহন্নবা হোৎন্নবা য়াথং পীখি অমসুং মহাক্না মসি হকথেংননা রাজ্য পুম্নমক্কী হকশেল মন্ত্রীশিংগা লোয়ননা লৌখৎখিবনি; “কোবিদ লায়চৎ অসিনা মরম ওইদুনা অৱাবা কয়া হেল্থ সিস্তেমদা পীজরবসু ঐখোয়না সর্ভিসশিং অসি নুপী, অঙাং অমদি ইখৎলক্লিবশিংদা লেপ্তনা ফংহন্নবা মীৎয়েং থম্নবা চাং নাইনা দাইলোগ চত্থরি।” মন্ত্রীনা সরকারনা কোবিদ লৈরবসু রিপ্রদক্তিব মেতর্নেল ন্যুবোর্ন, চাইল্দ এন্দ এদোলেসেন্স হেল্থ (আর.এম.এন.সি.এ.ঐচ.), ত্যুবর্ক্যুলোসিস, কেমোথেরপী, দাইলাইসিস অমসুং অহল ওইরবশিংগী লায়েংগুম্বা ইসেন্সিএল সর্ভিসশিং অসি লেপ্তনা ফংহন্নবা পোসিলীগী মতাংদা ফোঙদোকখি, খুন্নাইগী শোত্থরবা মীওই কাংলুপদগী মীওই মিলিয়ন ৫০০রোমদা কান্নবা পীরিআ সরকারগী অয়ুশমান ভারত - পি.এম. জে.এ.ৱাই.গী মখাদা লেম্না তেস্ত তৌরি অমসুং সরকারগী হেল্থ ফেসিলিতীশিংদা কোবিদকী লায়েং চত্থরি অমসুং মেদিকল কন্দিসনশিংদা কোবিদসু চাহল্লি। মহাক্না হায়খি খোঙথাংশিং অসিনা শোত্থরবা মীওইশিংনা মখোয় মশাগী ফুরিৎ খাওদগী চাদিং তৌবা হন্থহনবদা মতেং পাংবা অসিদা অপেনবা পোকই।

দা হর্শ বর্ধন্না নুপীশিংনা মেতর্নেল ক্যের পীবা মতমদা অপাম্বা খনবগী মতাংদা ৱাহং অমা হংবদা পাউখুম পীরদুনা মহাক্না হায়খি মেতর্নিতী ক্যের অসি হেল্থক্যের সর্ভিসকী ৱা খক্তা নত্তনা মসিনা নুপী অমনা মহাক্কী মথৌ তারিবশিং অদু ফংনবা রেস্পোন্সিব সিস্তেম অমগী মখা পোনদুনা অমদি মহাক্কী ইজৎ লোয়ননা অঙাং অদুগী লনাইগী ৱাফম, অরোৎপা, অপাম্বা অমসুং মহাকপু ইজৎ তৌবীবা মথৌ তাই “মসি প্রোভাইদর অমা নত্রগা ক্লাইন্ত অমা খক্কী ৱাফম নত্তনা মসি মীওইবগী মীনুংশিগী ৱাফম অমনি”. ৱাখল্লোন অসিগী মতাংদা ৱা ঙাংলদুনা, মহাক্না হা্য়খি “নুপী কয়াদা মখোয়না ফংফম থোকপা সর্ভিস লেম্না ফংহন্দুনা হোস্পিতালশিংদা অঙাং উন্নবা হেনগৎনবা লমচৎ-শাজৎতা অহোংবশিং পুরক্নবা হোৎনবদগী হৌরগা, ঐখোয়না লাক্ষ্যা অমসুং মিদৱাইফরী ক্যেরগুম্বা খোঙথাংশিংগা লোয়ননা মীরোনবী অমসুং অঙাং পোকপগী খুত্থাংদা অফবা ক্যের ফংহন্নবা হৌজিক খোঙথাংশিং লৌখৎলি”

মহাক্না মখা তারদুনা হায়খি হৌখিবা চহিদা মহাক মশানা হৌদোকখিবা “সেফ মাদর্হুদ এসুরেন্স (সুমান)” থৌরাং অসিনা অমব্রেলা অমগী মখাদা সর্ভিস পুম্নমক ফংহল্লি। “হৌজিক ঐখোয়না মীরোনবী নুপীশিং অমসুং মখোয়গী নৌনা পোক্লিবা অঙাংশিংদা সর্ভিস অসি লেপ্তনা ফংহল্লি অমসুং ঐখোয়গী সিস্তেম অসি ফগৎহনদুনা ক্লাইন্তদগী ফীদবেক লৌরি অমদি ৱাকৎশিং কোকহন্দুনা হেন্না একাউন্তেবিলিতী অমদি ত্রান্সপরেন্সী লৈবা হেনগৎহল্লি। ৱাখল্লোন অসিনা হেল্থ সিস্তেম অসি মপুং ফানা থৌদাং য়াবা অমসুং অফবা হেল্থ সিস্তেম থমহনবা ঙম্বতা নত্তনা অঙাং উন্নবগী অফবা মফম অমা ওইহন্দুনা মীরোনবী অমসুং পোক্তঙাইরিবা অঙাংশিং শিবা হন্থহনবদা মতেং পাংলি। ” হায়না মহাক্না মখা তাখি।

মন্ত্রীনা শীবগী চাং হন্থহনবা খক নত্তনা শাফবা মওংদা অঙাং উন্নবা থৌরাং লৌখৎপগী মতাংদা ফোঙদোকখি,, “নুপীশিংবু মখোয় মশাগী ওইবা ৱারেপ লৌজনবা থৌনা হাপকদবনি মরম অসিনা এন্তিনেতেল অমসুং অঙাং পোক্লিঙৈ মতমদা নুপীশিংনা অফবা মওংগী অঙাং উন্নবগী ৱারেপ লৌজনবা, অঙাং উন্নবা মতমদা লোয়নগদবা মীওইশিং খঞ্জনবা, অপাম্বা ত্রান্সপোর্ত রিফরেল খঞ্জনবা অমসুং পোস্ত-পর্তম কনত্রাসেপসনগী মতেং পীবগী খুত্থাংদা ঐখোয়না কন্তেক্ত পোন্ত কয়া শীজিন্ননবা হোৎনরি।” মহাক্না হায়খি ভারত অসি অওনবা লাক্লে “অঙাং উন্নবদা শিবগী চাং হন্থরকপগী থাক্তা লৈরে অমসুং এনালাইসিসশিংনা উৎলি মদুদু ওবস্তেরিক ক্যের মপুং ফানা মতম চানা ফংহনদবনা মরম ওইরগা অয়াম্বা অঙাং উন্নবদা শীরিবা।” মসি ঙাকথোকপা য়াবা পোৎ অমনি। মহাক্না মখা তারদুনা হায়খি মদুদি পব্লিক হেল্থক্যের ফেসিলিতীশিংগী ক্বাইলিতী ফগৎহনবা, চাং নাইনা সিজেরিয়ন সেক্সনগী ওদিৎশিং তৌবা, অফবা স্ত্রকচ থম্বগী খুত্থাংদা লেবর রুমদা এস.ও.পি.শিং ঙাক্না চৎপগা লোয়ননা ভারতনা সমস্যাশিং অসি মপুং ফানা কোকহনবা ঙমগনি। স্কিল বার্থ ক্যেরগী য়ুনিবর্সেলাইজেসনগী মরু ওইবা খোঙথাং অমগী মতাংদা মন্ত্রীনা থমখি, “ভারত্তা নর্দ প্রেক্তিসনরশিংগী মশিং মরাং কায়না লৈহন্নবা হোৎনরি।” মহাক্না হায়খি মন্ত্রালয় অসি অকুপ্পা মরোল য়াওবা রোদমেপ অমা হান্না শেমখ্রে লোয়ননা লৈবাক শিনবা থুংনা মিদৱাইফরী সর্ভিসশিং ফংহন্নবা পান্দম অমা থম্লি।

মন্ত্রীনা লায়চৎ অসিদগী প্রাইমরী হেল্থ ক্যের ৱার্করশিং ঙাক-শেন্নবা ৱাখল্লোন অদু ফোঙদোক্লদুনা হায় “ঐখোয়না ইসেন্সিএল লোজিস্তিক্স, পর্সনেল প্রোতেক্তিব গিয়র লেপ্পা লৈতনা সপ্লাই তৌবগী খুত্থাংদা কোবিদ ৱারিয়রশিংগী শাফবা ৱার্ক ইনবাইরন্মেন্ত অমা শেম্নবা থবকশিং লৌখৎলে অমসুং কোবিদ অমসুং হেল্থক্যের সর্ভিসশিংদা কত্থোক্লবা মীওইশিংগী লাইফ ইন্সুরেন্স কবরসু পীরে। কোরোনা ৱারিয়রশিংবু থাগৎপা ফোঙদোক্নবা অমসুং লায়না অসিগা মরী লৈননা থোরকপা হন্থনা য়েংবা অমসুং তুহৎপীবা কোকহন্নবা ঐখোয়না থৱাই হকচাং য়াওনা কেম্পেন অমসু পাংথোক্লি। মসি বিভাগ অমখক্তনা হোৎনবা নত্তে তশেংবদি পন্থুং অসি য়ৌবা ঙম্নবা হোৎনবদা সরকারগী অপুনবা খোঙথাংনা মতেং পাংখি হায়না ঐহাক্না থমজনিংই”।

পি.এম.এন.সি.ঐচ.কী কোল তু এক্সন ভারতনা লৌরিবা থৌদাংদা মহাক্না পুম্নমক্তা হায় পি.এম.এন.সি.ঐচ.কী কোল তু এক্সন হৌদোকপদা অচৌবা থৌদাং লৌখিবা লৈবাকশিংগী মনুংদা ভারত অসি অমনি। “ঐখোয়না ভারতকী নুপী, অঙাং অমসুং ইনখৎলক্লিবা নহাশিংগী হন্নবা লৈতনা হোৎনরি অমসুং ঐখোয়না মখোয়গী হকশেল অমসুং পুন্সি মহিং ফগৎহন্নবা লেপ্পা লৈতনা হোৎনখিগনি”। মহাক্না পাক চাঊরবা পি.এম.এন.সি.ঐচ. কম্ম্যুনিতীদা মসিগী কোল তু এক্সন অসিগী মতাংদা ফোঙদোক্নবা অমসুং মখোয়গী মতেং পাংনবা অমসুং অফবা পুরক্নবা হায়খি: “কনাগুম্বা অমত্তা হুন্দোক্লমদনা পুম্নমক্তা অফবা হকশেল ফংহল্লসি”।

****