অফবা হকচাং অমসুং অফবা পুক্নিং-ৱাখলগী মরুওইবগী মতাংদা ঙসি উপ-রাস্ত্রপতি এম.বেনিকাইয়া নাইদুনা হায়খি ঐখোয়না হকচাং ফবা পুন্সি মহিং অমা লৈনবা “দিনচার্য়া” অমসুং “রিতুচার্য়া”গী ৱাখল্লোল ইনগদবনি।

“কোবিদ মতুংদা মালেমগী অনা-লায়েং-নৌনা হৌদোকপা” হায়বা পান্দম অসিদা ভিদিও কনফরেন্সকী খুৎথাংদা এফ.আই.সি.সি.আই হিলগী ১৪সুবা ইদিসন হৌদোকপা থৌরমদা উপ-রাস্ত্রপতিনা হায়খি লাইচৎ অসিনা ঐখোয়দা হকচাং ফনা অমসুং পুক্নিং-ৱাখল ফনা লৈবগী মরুওইবা অদু তম্বীরে অমসুং লায়নাদগী ঙাকথোক্নবা মচি ওইবা  চীঞ্জাক চাদুনা হকচাং ফনা থমগদবনি।

মহাক্না হায়খি থবক-ইনখাং নোমদবা পুন্সি মহিং অসিনা লৈবাক অসিদা লৌনগন্দবা লায়নাশিং হেনগৎলকপগী মরুওইবা মরমনি। মীয়াম্না নুমিৎ খুদিংগী শাজেল শান্নদুনা হকচাং ফনা থমগদবনি। হকচাং ফনা লৈনবা দোক্তরশিং অমসুং মেদিয়ানা মীয়াম ৱাখল তাহনগদবনি।

শ্রী নাইদুনা হায়খি স্কুলশিং অমসুং কোলেজশিং হান্নগী ফিবমদা হল্লকপা মতমদা শান্নবশিংগা লোয়ন্না য়োগা অমসুং ধ্যান তৌবা নোংমগী পাংথোক্কদবা থবকশিংগী শরুক অমা ওইহনগদবনি। অনৌবা থবকশিং পায়খৎপা হৌবা অসিনা অরিবা চৎনবীশিং থাদোকপা ওইগদবনি। ঐখোয়গী ইপা-ইপুশিংনা ঐখোয়দা মচি ওইবা চীঞ্জাকশিং তাক্লমখি। ঐখোয়না ফাস্ত-ফুদ অমসুং পংচা-চাবা চাবা থাদোক্কদবনি।

মহাক্না হায়খি মীয়াম্না দাইত্ব লৈনা থবক তৌগদবনি অমসুং লাইচৎ শন্দোরকপা থিংনবা সরকার অমসুং হকশেলগী মীওইশিংনা পায়খৎলিবা থবকশিং শৌগৎকদবনি। ঐখোয়না কোমথোকপা তৌরোইদবনি। লৈবাক অসিনা মতম চুপ্পা লোকদাউনদা লৈবা য়ারোই। পুন্সি অসি য়াম্না মরুওই অদুবু মসিগা চপ মান্ননা হিংনবা লম্বী অসিসু মরুওই হায়না ঐখোয়গী প্রধান মন্ত্রীনা ফোঙদোক্লি।

শ্রী নাইদুনা হায়খি অথুবা মতমদা তিকাগী নুংঙাইবা পাউ তারগনি। মীয়াম্না মাক্স উপকদবনি,থাপ্না লৈগদবনি অমসুং তোইনা খুৎ হামগদবনি।

কোবিদ-১৯ অনাবশিং অমসুং মাংজিল থাদুনা থবক তৌরিবা লান্মীশিংদা হন্থনা য়েংবগী থৌদোকশিং য়ানিংদবা ফোঙদোক্লদুনা উপ-রাস্ত্রপতিনা হায়খি অসিগুম্বা থৌওংশিং য়ারোইদবনি অমসুং ফগৎলক্লিবশিং মাঙহনবনি। কোবিদ পোজিতিপ ওইবা নৎত্রগা কোবিদ অনাবা অমগা শম্নরুবশিং ঐখোয়না মীরাইরোইদবনি। ঐখোয়না মীনুংশি উৎকদবনি অমসুং কোবিদ-১৯গী মতাংদা অফবা পাউজেল শন্দোক্কদবনি।

লাইচৎ অসিনা মালেমগী ওইনা পুক্নিং-ৱাখলদা পীরিবা চৈথেংগী মতাংদা মহাক্না হায়খি অহলশিং, মখোয়গী সেবা তৌরিবশিং, ৱাখলগী লায়না লৈবা অনাবশিং অমসুং তোল্লবা মীওইশিংগী পুক্নিং-ৱাখল ফনা লৈনবা অখন্নবা মিৎয়েং চঙগদবনি। ঐখোয়না ভাইরস অসি মুৎথৎনবা লম্বীশিং থিবা খক নত্তনা, ঐখোয়না কোবিদ মতুংগী অৱাবশিং অমসুং তুংদা লাক্কদবা লাইচৎশিং থেংন্নবা থৌরাং তৌগদবনি।

উপ-রাস্ত্রপতিনা হায়খি তুংদা অসিগুম্বা শিংনবা অমা লাকপা মতমদা থেংন্নবা মীয়াম্না থৌরাং তৌবা দরকার ওই। মী খুদিংমক্তা অফবা মগুন লৈবা অমসুং মমল হোংবা অনা-লায়েংগী খুদোংচাবশিং ফংহনগদবনি। পি.পি.পি মোদেলগী মখাদা খুঙ্গংশিংদা অনৌবা মতমগী অনা-লায়েংগী খুদোংচাবশিং ফংহন্নবা লনাই কাংবুনা মাংজিল থানা থবক তৌগদবনি।

মহাক্না হায়খি ঐখোয়গী অনা-লায়েংগী থবকশিং মপাঙ্গল কনখৎহন্নবা ঐখোয়না মালেমগী খ্বাইদগী ফবশিং লৌশিনগদবনি। অৱাংবা থাক্কী তেক্নোলোজি অমসুং অফবা খুৎলায়শিং য়াওনা মেদিকেলগী খুৎলায়শিং শাবগী লমদা লৈরিবা অৱাৎশিং অসি মেনশিন্নবা লনাই কম্পেনিশিংনা অত্মনির্ভর ভারত অভিয়ানগী খুদোংচাবশিং লৌগদবনি।

লাইচৎ লাকশিন্নবা সরকারগী থবকশিং মতেং পাংবদা এফ.আই.সি.সি মেম্বরশিংনা লৌরিবা থৌদাংশিং উপ-রাস্ত্রপতিনা থাগৎখি। কোবিদ লায়েংবগী মতাংদা দোক্তর ৱারি শান্নবা ‘শ্বাস্থ’ তেলিমেদিসন প্লেতফোর্ম পুথোকপদা মহাক্না হরাওবা ফোঙদোকখি।

থৌরম অদুদা উপ-রাস্ত্রপতিনা এফ.আই.সি.সি বি.সি.জি রিপোর্ত “লিপফ্রোগগিং তু এ দিজিতেল হেল্থকিয়ার সিস্তেম: রিইমেজিনিং হেল্থকিয়ার ফোর ইভরি ইন্দিয়ান” ফোঙখি।

থৌরম অদুদা এফ.আই.সি.সি.আইগী প্রসিদেন্ত, দোক্তর সঙ্গিতা রেদ্দি, এফ.আই.সি.সি.আই হেল্থ সর্বিসেস কমিতিগী চিয়রমেন, দোক্তর অলোক রোই, এফ.আই.সি.সি.আই হেল্থ সর্বিসেস কমিতিগী কো-চিয়র দোক্তর হর্স মহাজন অমসুং অতোপ্পশিং শরুক য়াখি।

মখাগী অসি মপুংফাবা ৱারোলনি-

নুংশিরবা ইচলশিং অমসুং ইনাওশিং,

‘কোবিদ মতুংগী অনা-লায়েং-অনৌবা তাঙ্ক অমা হৌবা’ হায়বা পান্দম অসিদা মতাং চারবা থৌরম অসি পাংথোকপগীদমক ঐনা এফ.আই.সি.আই থাগৎলি।

মমাংদা অমুক্তা ওইখিদ্রিবা লাইচৎ অসিনা লৈবাক অয়াম্বদা অনা-লায়েংগী থবকশিংদা খুদোংচাদবশিং মায়োক্নরে। মসিগী তানফম অসিদা, সরকারশিং অমসুং হকশেলগী মরী লৈনবশিংনা ভাইরস শন্দোকপা লাকশিন্নবা, পুন্সি কয়া কন্নবা অমসুং তিকা পুথোক্নবা হোৎনরি। ইকুই কুইদনা তিকা পুথোরকপগী নুংঙাইবা পাউ তাগনি হায়বগী থাজবা ঐখোয় থমসি।

লাইচৎ অসিদা লৈবাক কয়াগী অনা-লায়েংগী থবকশিং অমসুং শেন-থুমদা অচৌবা চৈথেং পীরে। লায়না অসি য়াম্না লৌনগনবা অমসুং হৌজিক লায়েংবা ঙমদ্রিবা মরম্না মসি শন্দোকপা থিংনবা মীয়াম থাপ্না লৈবা, মাক্স উপ্পা, তোইনা খুৎহাম্বা অমসুং লোকদাউনশিং অসি তঙাইফদবা ওইরে। মখোয়গী মহৌশাগী পুন্সিদা অকাইবা পীরকপদগী খুন্নাইগী কাংলুপ খুদিংমক অৱাবা মায়োক্নরে।

অদুবু ভাইরস অসি মাইথিবা পীনবা ঐখোয় পুন্নবা ওইনা মাংলোমদা চঙশিনবা দরকার ওইরে। ঐখোয়না ভাইরস অসি মুৎথৎনবা লম্বীশিং থিবা খক নত্তনা, ঐখোয়না কোবিদ মতুংগী অৱাবশিং অমসুং তুংদা লাক্কদবা লাইচৎশিং থেংন্নবা থৌরাং তৌগদবনি।

নুংশিরবা ইচলশিং অমসুং ইনাওশিং,

মীয়াম্না দাইত্ব লৈনা থবক তৌগদবনি অমসুং লাইচৎ শন্দোরকপা থিংনবা সরকার অমসুং হকশেলগী মীওইশিংনা পায়খৎলিবা থবকশিং শৌগৎকদবনি। ঐখোয়না কোমথোকপা তৌরোইদবনি। লৈবাক অসিনা মতম চুপ্পা লোকদাউনদা লৈবা য়ারোই।

অহানবা লোকদাউনদগী তপ্না তপ্না কোমথোরক্লে, লাইচৎ শন্দোরকপা থিংনবা অমসুং মীয়ামগী অৱাবশিং কোকহন্নবা সরকারনা থবক কয়া পায়খৎলে। তাঙ্কক নাইনা অমসুং তপ্না তপ্না অমুক হন্না হাংদোকপা অসিনা লনাই মীওইশিং অমসুং মীয়াম অমসুং সিস্তেমশিংনা লাইচৎ অসি লোইনবদা মতেং পাংলে অমসুং মসিগা ইরোইননা শেন-থুমগী ফিবম অমুক ফগৎহনবদা মতেং পাংলে।

হকশেলগী অহেনবা মচাক-মথুমশিং শেমগৎনবা, মীওই কয়া ত্রেনিং পীনবা অমসুং লৈবাক অসিদা অরুবা মেদিকেলগী পোৎলমশিং হায়বদি পি.পি.ইশিং, এন-৯৫ মাক্সশিং অমসুং ভেন্তিলেতরশিং পুথোক্নবা সরকারনা থবকশিং পায়খৎলে। দরকার ওইবশিং কোন্ননবা দি.আর.দি.ও অমসুং লনাই ইন্দস্ত্রিশিংনা থবক পায়খৎপদা ঐ হরাওই।

কোবিদ-১৯ কেসশিং লায়েংনবা মরোল অহুম লৈবা কোবিদ খক্তগী ওইবা হকশেলগী খুদোংচাবশিং লিংখৎনবা ভারত সরকারনা রাজ্য সরকারশিংদা পাউতাক পীখ্রে।

নুংশিরবা ইচলশিং অমসুং ইনাওশিং,

কোবিদ-১৯না মালেমগী ওইনা পুক্নিং-ৱাখল লাংতক্নবা থোকহল্লে অমসুং মীওই খরদা ৱাখলগী লায়না নাহল্লে। অহলশিং, মখোয়গী সেবা তৌরিবশিং, ৱাখলগী লায়না লৈবা অনাবশিং অমসুং তোল্লবা মীওইশিংগী পুক্নিং-ৱাখল ফনা লৈনবা অখন্নবা মিৎয়েং চঙগদবনি। কোবিদ-১৯ অনাবশিং অমসুং মাংজিল থাদুনা থবক তৌরিবা লান্মীশিংদা হন্থনা য়েংবগী থৌদোকশিং থোক্লে। অসিগুম্বা থৌওংশিং য়ারোইদবনি অমসুং ফগৎলক্লিবশিং মাঙহনবনি।

কোবিদ পোজিতিপ ওইবা নৎত্রগা কোবিদ অনাবা অমগা শম্নরুবশিং ঐখোয়না মীরাইরোইদবনি। ঐখোয়না মীনুংশি উৎকদবনি অমসুং কোবিদ-১৯গী মতাংদা অফবা পাউজেল শন্দোক্কদবনি।

ভাইরস শন্দোকপা থিংনবা অমসুং থৱায় কয়া কন্নবা থবক তৌরিবা দোক্তরশিং, ত্রেনিং তৌরিবা দোক্তরশিং, নর্সশিং অমসুং অহল ওইরবা হকশেলগী অখঙ-অহৈশিং অমসুং অতৈ স্তাফশিং ঐনা থাগৎলি।

লাইচৎ অসি লাকশিন্নবা এফ.আই.সি.সি.আই মেম্বরশিংনা পাম্বৈশিং পুথোকপা খক নত্তনা অনা-লায়েংগী খুদোংচাবশিং ফগৎহন্নবা হিরম কয়াদা সরকারগী মতেং পাংলি হায়বা খঙবদা ঐ হরাওই। মসিগী লুরবা তঞ্জা অসিদা কোবিদ অমসুং কোবিদ নত্তবা অনাবশিং লায়েংনবা লনাই হোস্পিতাল কয়ানা লৌরিবা থৌদাং শকখঙবা ঐনা পাম্মি।

নুংশিরবা ইচলশিং অমসুং ইনাওশিং,

লাইচৎ অসিনা অনৌবা শিংনবশিং মায়োক্নরবসু ঐখোয়গী অনা-লায়েংগী থবকশিংদা অওনবা পুরক্নবা খুদোংচাবশিংসু পীরে। খুদোংচাবশিং অসিগী মনুংদা মাংজৌন্না চেকশিনবা, মরুওইবা চেকশিনবা, চাউখৎলবা তেক্নোলোজিশিং, য়ুমদা লৈরগা লায়েংবা, লৌনগনবা লায়নাশিংদগী ঙাকথোক্নবা হকশেলগী খুদোংচাবশিংদা অহোংবা পুরকপা, লৈবাক মনুংদা পোৎথোক পুথোকপা অমসুং রিছর্স অমসুং দিবলপমেন্তগী থবকশিং হেনগৎহনবা য়াওরি।

ঐখোয়না মগুন লৈবা অমসুং মমল হোংবা অনা-লায়েংগী খুদোংচাবা পীগদবনি। ঐখোয়গী লৈবাক্কী মরী লৈনবা খুদিংমক মপুংফানা শীজিন্নগদবনি। ঐখোয়গী অনা-লায়েংগী থবকশিং মপাঙ্গল কনখৎহন্নবা মালেমগী খ্বাইদগী ফবশিং ঐখোয়না শীজিন্নগদবনি।

খুঙ্গংশিংদা মতমগী অনৌবা হকশেলগী খুদোংচাবশিং লিংখৎপা অমসুং পি.পি.পিগী মখাদা লনাই কাংবু মাংজিল থাদুনা থবক তৌবা ঐনা পাম্মি। লৈবাক অসিগী হকশেলগী থবকশিংদা লনাই কাংবুশিংনা অচৌবা মতেং পাংলি। মচাক-মথুমশিং অমসুং লৌশিং হেনগৎহনবদা মখোয়না মরুওইবা থৌদাং লৌগনি হায়নআ ঐনা থাজবা থম্লি।

মালেমদা খ্বাইদগী চাউবা হকশেলগী খুদোংচাবা পীবা থৌরম-অয়ুসমান ভারত-প্রধান মন্ত্রী জন অরোগ্যা য়োজনা(এ বি-পি এম জে এ ৱাই)হৌজিক লৈবাক অসিগী লায়রবশিং য়ৌরে। স্কিম অসিনা শিন্মীশিং, মশানা মশাবু থবক পীজবশিং, শীনফম কয়াগী মীওইশিং, এম.এস.এম.ইশিংদা থবক তৌরিবশিং অমসুং অতোপ্পশিংদা হকশেলগী কভরেজ পীরে।

কোবিদ লাইচৎনা হিরম অসিদা ভারত মশাগী ওক্নবা পুথোকপা লৈবাক অমা ওইনবগী দরকার ওইবা অদু ফাওহল্লে। সরকার অমসুং লনাই হোস্পিতালশিংগী খুৎথাংদা অনা-লায়েংগী মচাক-মথুমশিং হেনগৎলকপদগী লাক্লিবা চহিশিংদা হিদাক-লাংথকশিং, মেদিকেলগী খুৎলায়শিং দরকার ওইবা হেনগৎলক্লগনি।

অৱাংবা থাক্কী তেক্নোলোজি অমসুং অফবা খুৎলায়শিং য়াওনা মেদিকেলগী খুৎলায়শিং শাবগী লমদা লৈরিবা অৱাৎশিং অসি মেনশিন্নবা লনাই কম্পেনিশিংনা অত্মনির্ভর ভারত অভিয়ানগী খুদোংচাবশিং লৌনবা ঐনা তকশিল্লি।

নুংশিরবা ইচলশিং অমসুং ইনাওশিং,

লাইচৎ অসিনা তম্বীবা মরুওইবা পারা অমা ফোঙদোকপা ঐনা পাম্মি। হকচাং ফনা , পুক্নিং-ৱাখল ফনা লৈবগী মরুওইবা অদু লাইচৎ অসিনা ঐখোয়দা তম্বীরে। অনাবদগী কন্নবা হকচাং ফনা লৈবা অমসুং মচি ওইবা চীঞ্জাক চাবা অসি তঙাইফদে। হকচাং ফনা লৈবা অসি হৌজিক তঙাইফদ্রবনি। মসিনা ঐখোয়গী থৌদাংশিং ফজনা পাংথোকপা মতমদা ঐখোয় লায়নাশিংদগী ঙাকথোকপা ঙমহনগনি।

থবক-ইনখাং নোমদবা পুন্সি মহিং অসিনা লৈবাক অসিদা লৌনগন্দবা লায়নাশিং হেনগৎলকপগী মরুওইবা মরমনি হায়বা ঐখোয়না খঙলে। মীয়াম্না নুমিৎ খুদিংগী শাজেল শান্নদুনা হকচাং ফনা থমগদবনি। হকচাং ফনা লৈনবা দোক্তরশিং অমসুং মেদিয়ানা মীয়াম ৱাখল তাহনগদবনি।

স্কুলশিং অমসুং কোলেজশিং হান্নগী ফিবমদা হল্লকপা মতমদা শান্নবশিংগী লোয়ন্না য়োগা অমসুং ধ্যান তৌবা নোংমগী পাংথোক্কদবা থবকশিংগী শরুক অমা ওইহনগদবনি। অনৌবা থবকশিং পায়খৎপা হৌবা অসি অরিবা চৎনবীশিং থাদোকপা ওইগদবনি। ঐখোয়গী ইপা-ইপুশিংনা ঐখোয়দা মচি ওইবা চীঞ্জাকশিং তাক্লমখি। ঐখোয়না ফাস্ত-ফুদ অমসুং পংচা-চাবা চাবা থাদোক্কদবনি।

চাংনাইনা শাজেল তৌবগী মথক্তা, মচি ওইবা চীঞ্জাক চাবা অসিসু তঙাইফদবা অমনি। অনৌবা পুন্সি মহিং অমসুং সহরগী পুন্সি মহিং অসিনা মীয়ামগী চাবা থকপগী হৈনবীশিং চাউনা হোংহল্লে। ঐখোয়গী চাবা-থকপগী হৈনবীশিং লাকশিনবা অসি তঙাইফদবা মতম অমা ওইরে। ঐখোয়না করি করম্বা অফবা চীঞ্জাক চাগদগে হায়বা নিংশিংগদবনি। ঐখোয়না পংচা চাবগী মহুৎতা মচি ওইবা অমসুং প্রোতিন য়াওবা চীঞ্জাক চাগদবনি। মসিগী লাইচৎ অসিগী অফবা অমনা মীওই কয়া য়ুমদা থোংবা ওর্গনিক চীঞ্জাক চাবা ফংলে।

ঐখোয়না হকচাং ফবা পুন্সি মহিং অমা লৈনবা “দিনচার্য়া” অমসুং “রিতুচার্য়া”গী ৱাখল্লোল ইনগদবনি।

হকচাং ফবনা লন্নি হায়বা ঐখোয়না খঙলে। হকচাং ফনা লৈনবা নুমিৎ খুদিংগী মতম অমসুং ইনর্জি শীজিন্নবগী কান্নবা ঐখোয়না ফংগনি। মসিনা পুন্সি শাংনা নুংঙাইনা হিংবদা মতেং পাংগনি। মরম অদুনা, হকশেলদা মরুওইনা লৌনবা অমসুং চাংনাইনা শাজেল তৌনবা ঐনা মীওই খুদিংমক্তা অমুক হন্না হায়জরি।

নুংশিরবা ইচলশিং অমসুং ইনাওশিং,

লাইচৎ অসি লাকপদা ঐখোয়গী ইন্দস্ত্রিগী মেম্বরশিংনা পায়খৎলিবা থবকশিং ঐনা থাগৎলি। হকশেলগী লমদা চৎনবা য়ারবা অমসুং মাইপাকপা পি.পি.পি মোদেলশিং সরকারগা লোয়ননা পায়খৎনবা ঐনা অমুক হন্না নখোয় ময়ামদা তকশিল্লি। কোবিদ লায়েংবগী মতাংদা দোক্তরশিং ৱারি শান্নবা ‘শ্বাস্থ’ তেলিমেদিসন প্লেতফোর্ম পুথোকপদা ঐ হরাওই। ‘খুদিংমক অনা-লায়েংগী খুদোংচাবা ফংহনবা’ হায়বা ঐখোয়গী পান্দম অসি ফংনবা অমসুং লৈবাক শীনবা থুংনা কান্নবা ফংদ্রিবশিং ফংহন্নবা অনা—ায়েংগী খুদোংচাবশিং পাকথোক-চাউথোকহনবা ঐখোয়না দরকার ওইরে।

হিল প্লেতফোর্মগী খুৎথাংদা এফ.আই.সি.সি.আইনা খ্বাইদগী ফবা থবকশিং পাংথোক্নবা অনৌবা ৱাখল্লোনশিং পীথোক-পীশিন তৌনবা অসিদা ঐ হরাওই। খন্ন-নৈনবশিং অসিনা হৌজিক থেংনরিবা অৱাবশিং থেংনবদা ঐখোয়গী মতেং পাংগনি অমসুং লৈবাক অসিদা মমল হোংবা, য়াম্না লাইনা অমসুং মগুন লৈবা অনা-লায়েংগী খুদোংচাবশিং ফংহনগনি হায়না ঐনা থাজবা থম্লি।

জয় হিন্দ !

*****