দিজিতেল তেক্নোলোজীগী পৱার অমসুং আর্তিফিসিয়েল পৱার তুলশিং অসি শিজিন্নদুনা ঐখোয়গী হেল্থ সেক্তর অসি শেমদোক্ননবগীদমক লাইনা-লাইচৎ অসিনা পীরিবা অকাইবশিং অসিবু খুদোং চাবা অমা ওইনা উগদবনি হায়দুনা ঙসি উপ রাস্ত্রপতি শ্রী ভেনকাইহ নাইদুনা ফোংদোকখ্রে৷

ঙসি ভিদিও কনফরেন্সিংগী খুৎথাংদা মহাক্না অমেরিকন এসোসিয়েসন ওফ ফিজিসিয়ন্স ওফ ইন্দিয়ন ওরিজিন(এ.এ.পি.আই.)গী ৩৮শুবা চহীগী কনবোকেসন অদুদা ৱা ঙাংখি৷

হেল্থ রেকোর্দশিং দিজিতেলাইজেসন তৌনবা অমসুং লৈবাক অসিগী কমপ্রিহেনশিভ হেল্থকেয়র দাতাশিং অসি খোমজিনবদা লাইননবগীদমক নেস্নেল প্লেতফোর্ম অমা শেম্ননবগীদমক হায়খ্রে, মসিনা হেল্থ সেক্তরদা লৈরিবা স্তেকহোল্দর পুম্নমক দিজিতেল্লি ওইনা শমজিন্নহনবা ঙম্লগনি হায়দুনা শ্রী নাইদুনা ফোংদোকখ্রে৷ খোমগৎলবা দাতা অসি নৈনবা অসিনা য়াম্না কান্নবা মরু ওইবা ই-পাউ পুথোকপা ঙম্লগনি অমসুং মসিনা ঐখোয়গী হেল্থ সিস্তেম অসিবু হেন্না ইফেক্তিব ওইবা হেঙ্গৎনবা হোৎনবদা শিজিন্নবা য়ারগনি৷

লৈবাক অসিনা মালেম অসিদা মীশিং য়াম্বদা অনিশুবা লৈবাক অমা ওইদুনা ইকোনোমিক গ্রোথ অসি য়াম্না ৱাংনা হেঙ্গৎলকপা অসিনা মরম ওইদুনা লৈবাক অসিনা চেলেঞ্জশিং অমসুং পব্লিক হেল্থদা হান্ননা খঙনখ্রিদ্রিবা খুদোংচাবাশিং থেংনৈ হায়দুনা উপ রাস্ত্রপতিনা ফোংদোকখি৷

লৈবাক অসিনা মনিং তম্লকপদগী হেল্থকেয়র সেক্তরদা ফংখিবা তোঙান তোঙানবা মাইলস্তোনশিং অদুদা ৱা ঙাংলদুনা উপ রাস্ত্রপতিনা অসুম্না ফোংদোকখ্রে মদুদি ভারততা দাইনামিক ফার্মক্যুতিকেল, বাইওতেক্নোলোজিকেল ইন্দস্ত্রী অমসুং অতোপ্পা লৈবাক্কী পেসেন্তশিংবু চিংশিনবা ঙম্বা মমিং লৈরবা হোস্পিতালশিং অমসুং বর্গিওনিং ক্লিনিকেল ত্রাইয়েল ইন্দস্ত্রী য়াওনা ৱল্দ ক্লাস সাইন্তিসশিং লৈ৷

হৌজিক্তি ভারত অসি মালেম অসিগী ফার্মসী ওইরে অমসুং ইকুই কুইদুনা ময়াম্না খ্বাইদগী পাম্নবা হেল্থকেয়র অমসুং হেল্থ তুরিজম দেস্তিনেসন ওইরগনি হায়বগী থজবা অদু পীরদুনা মহাক্না মখাতানা ৱা ঙাংখি৷

ভারতকী হেল্থকেয়র সিনারিয়ো অসি মান্নদবা লেন্দস্কেপশিংগী স্পেকত্রম অমনি, নাকল অমদনা আর্ত, আর্বান হোস্পিতাল অমসুং রিসর্স পাংথোক্লিবা রিসর্স সেন্তরশিং অমসুং হেল্থকেয়র ইন্দস্ত্রীবু মাংজিল থানবা পুখৎলি অদুগা নাকল অমরোমদনা সবস্তেনসিয়েল ইমপ্রুবমেন্ত দরকার ওইরিবা খুঙ্গংগী হেল্থকেয়র ইন্সতিত্যুতশিং লৈ হায়দুনা উপ রাস্ত্রপতিনা ফোংদোকখি৷

কান্নগুম্বা অমগী লৈফম হৌরকফমগী মতুং ইন্দনা ক্বালিতী লৈবা হেল্থকেয়র দরকার ওইরিবশিং অদু ফংহন্ননবগীদমক মখোয় পুম্নমক্তা য়াম্না লাইনা অমসুং শেল চংদনা ফংহনবা য়াবা হেল্থকেয়র অমসুং মেদিকেল ফেসিলিতীশিং অদু ফংহনগদবনি হায়দুনা উপ রাস্ত্রপতিনা ফোংদোকখ্রে৷

হায়রিবা চেলেঞ্জশিং অসি সরকার মথন্তনা ইরাই লাইনা থেংনবা ঙম্লোই অমসুং প্রাইভেৎ অমসুং পব্লিক সেক্তরশিংনা পুন্না চংশিনমিন্নদুনা অরৈবা উপাইশিং শিজিন্ননবা মহাক্না ফোংদোকখ্রে৷ ভারতকী লাস্ত সিতিজনশিংদা ক্বালিতী লৈবা হেল্থকেয়র পীনবা হোৎনরিবা সরকার অসিদা মতেং পাংন্নবগীদমক প্রাইভেৎ সেক্তর প্লেয়রশিং মরু ওইনা এ.এ.পি.আই. ওর্গনাইজেসনশিং অসিদা হায়জখ্রে৷

প্রাইমরী হেল্থকেয়র সিস্তেমশিং মপাঙ্গল ফনা লৈবা লৈবাকশিংদা হেন্না ফবা হেল্থ আউতকম ফংবা অদু উরদুনা, উপ রাস্ত্রপতিনা ভারতকী প্রাইমরী হেল্থকেয়র সিস্তেম মপাঙ্গল ফহন্নবা খঙহনখ্রে৷ “জিলা খুদিংমক্তা প্রাইমরী হেল্থকেয়রগী খুদোংচাবশিং ফংহন্নবা হোৎনবদা প্রাইভেৎ সেক্তরনা তোঙান তোঙানবা রাজ্য সরকারশিংগা পুন্না চৎমিন্নগদবনি” হায়দুনা মহাক্না ফোংদোকখি৷

মালেম অসিগী তোঙান তোঙানবা লৈবাকশিংদা মমল নাইদ্রবা সর্ভিস তৌদুনা লৈরিবা দোক্তরশিং অমসুং হেল্থকেয়র ৱর্করশিং অদুগীদমক ভারতনা য়াম্না চাউথোকচৈ হায়না ফোংদোকখি অমসুং হায়রিবা দোক্তরশিং অমসুং হেল্থকেয়র প্রেক্তিসন্নরশিং মখোয়গী তাংলবা মতম অমসুং ইনর্জী অদু ভারতনা হেল্থকেয়র শেমগৎনবা হোৎনরিবা অসিদা মতেং পাংন্নবগীদমক মহাক্না হায়জখ্রে৷ লৈবাক অসিদা হেল্থকেয়রগী খুদোংচাবশিং অসি শেমগৎপদা মেদিকেল ইজুকেসনদা মীৎয়েং চংনবা, তাক্তুনা লমজিংনবা অমসুং লৈবাক অসিদা লৈরিবা মেদিকেল প্রোফেস্নেলশিংগা পুন্না রিসর্স অমসুং থবক তৌমিন্ননবগীদমক মহাক্না হায়জখ্রে৷

হায়রিবা হিরম অসিদা ঐখোয় অসি তশেং তশেংবা ‘অত্মনির্ভর’ ওইননবগীদমক মখোয়শিং অসিনা ভারততা কত্তিং ইদজ তেক্নোলোজী অমসুং স্কিলশিং ত্রান্সফর তৌরক্নবা অমসুং নোলেজ শেমগৎপা অসি হেন্না লাইন্নবগীদমক মখোয়শিং অসিবুসু পাম্মী হায়দুনা ফোংদোকখি৷

ভারততা মরু ওইনা নহাশিংগী মরক্তা নন-কম্মুনিকেবল দিজিসশিং(এন.সি.দি.শিং) নত্রগা লাইফ স্তাইল দিজিসশিং অসি চাং ৱাংনা হেঙ্গৎলকপা অসিদা মীৎয়েং চংলদুনা এ.এ.পি.আই.গুম্লবা ওর্গনাইজেসনশিংদা এন.সি.দি.শিং অসিগী মাইয়োক্তা থেংন্নবগীদমক ভারততা লৈরিবা প্রাইভেৎ সেক্তর অমসুং সরকার অসিগা পুন্না চৎমিন্ননবা শ্রী নাইদুনা হায়জখ্রে৷

হকচাং শাজেল তৌদবা পুন্সি অমসুং অফবা চিঞ্জাক চাবগী হৈনবি লৈতবনা পীরকপা অমাংবশিং অদু খঙহন্ননবা মরু ওইনা স্কুল অমসুং কলেজকী মহৈরোইশিংগী মরক্তা এৱেয়রনেস প্রোগ্রামশিং পাংথোক্নবা ঐখোয় পুন্না হোৎনমিন্নসি হায়দুনা মহাক্না হায়খ্রে৷

লৈবাক অসিদা ইমর্জেন্সী হেল্থ সর্ভিসশিং মতম চানা অমসুং ক্বালিতী লৈনা পীনবা হোৎনবদা শেল থাদনবা অমসুং লৈবাক অসিগী মীওই পুম্নমক ইমর্জেন্সী ফর্স্ত এইদ অমসুং কারদিওপলমোনরী রিসস্সাইতেসন(সি.পি.আর.) তৌবা হৈনবা ত্রেন তৌবগী তঙাই ফদবশিং অদু উপ রাস্ত্রপতি অদুনা পনখি৷

এন.আর.আই. মেদিকেল প্রোফেস্নেলশিংনা লৈরিবা মফম অদুগী লৈবাকশিং অদুনা চৎনদুনা ইনহল্লিবা হিরমশিং খুদম ওইনা সেনিতেসন, ক্লিনলিনেস অমসুং ন্যুত্রিসন অদু সিয়র তৌরক্নবা শ্রী নাইদুনা হায়জখ্রে অমসুং ভারতকী সোফত পৱার অসি মপাঙ্গল কলহনবতা নত্তনা মালেম শিনবা থুংনা হেল্থ অমসুং ৱেল্নেস অদু হেন্না য়োকখৎনবা হায়রিবা লৈবাকশিং অসিদা য়োগ য়োকখৎনবা মখোয়শিং অদুদা হায়খ্রে৷

চৎনবা য়াবা অমসুং ক্বালিতী লৈবা হেল্থকেয়র অদুগী কান্নবশিং অদু লৌবা য়ান্নবগীদমক তেক্নোলোজী শিজিন্নবগী লম্বী অসি হেন্না য়াংশিন্নবা এ.এ.পি.আই.গুম্লবা ওর্গনাইজেসনশিং অসিনা ভারত সরকারগী মতেং পাংনবা মহাক্না ওনলাইনগী থৌরম অদুদা এ.এ.পি.আই.গী প্রসিদেন্ত দা.সুরেশ রেদি, এ.এ.পি.আই.গী ইলেক প্রসিদেন্ত দা.সুধাকর, এ.এ.পি.আই.গী মেম্বরশিং সীমা অরোরা অমসুং দা.সজানি শাহ অমসুং দোক্তরশিং অমসুং মেদিকেল প্রোফেস্নেলশিংনা থৌরম অদুদা শরুক য়াখি৷

মখাগী অসি স্পিচ অদুগী মপুং ওইবা ৱারোলনি -

“নুংশিরবা ইচলশিং অমসুং ইপ্বৌশিং,

অমেরিকান এসোসিয়েসন ওফ ফিজিসিয়ন্স ওফ ইন্দিয়ন ওরিজিন(এ.এ.পি.আই.)গী মিনি কনভেন্সন অসিদা ময়াম পুম্নমকপু অমু্কা হন্না ইকাই খুম্নবা উৎপা ঙম্বা অসিনা ঐবু অসুক্কী মতিক নুংঙাইহল্লে৷ কোবিদ-১৯ লাইনা লাইচৎ পাক্তকনা শন্দোরক্তুনা থোকহল্লিবা খুদোংচাদবশিং অসি লৈনা লৈনা অসিগুম্লবা কনভেন্সন অসি এ.এ.পি.আই.না প্লান্নিং তৌদুনা অমসুং পাংথোক্লিবা অসিগীদমক ঐহাকনা এ.এ.পি.আই.বু থাগৎপা ফোংদোকচগে ৷

১৯৮২দা লিংখৎখিবা এ.এ.পি.আই. অসিনা ঙসিদি প্রেক্তিস তৌরিবা ফিজিসিয়ন ৭০,০০০ হেনবগী ইন্তরেস্ত ঙাক শেনবিদুনা অমসুং ইন্দিয়ন ওরিজিন ওইবা মীওইশিং, রিসাইদেন্তশিং অমসুং মেদিকেল মহৈরোই ২০,০০০রোম ঙাক শেনবিদুনা য়ু.এস.এ.দা খ্বাইদগী নন-প্রোফিৎ ইথনিক মেদিকেল ওর্গনাইজেসন ওইরিবা অসি ঐহাকনা খঙলকপদা অসুক্কী মতিক নুংঙাইবা ফাওজৈ৷

চৎথরিবা লাইনা-লাইচৎ অসিগী মনুং অসিদা এ.এ.পি.আই.না মীওইবগী সর্ভিস তৌদুনা মহাক্কী থৌনা অমসুং কম্মিতমেন্ত উৎথোকখ্রে হায়বা পাউ অসি তাবা মতমদা ঐহাক তশেংনা নুংঙাইবা ফাওজৈ৷ এ.এ.পি.আই.না ‘য়ুনিভরসেল মাক্সকিং’ তৌনবা হায়রিবা ইহান হানবা অচৌবা ওর্গনাইজেসন ওইখ্রে হায়দুনা ঐহাকনা হায়খ্রে অমসুং লাইনা-লাইচৎ অসি হৌরকপদগী এ.এ.পি.আই.না হেল্থকেয়র ৱরকরশিংদা মাক্স লিশিং কয়ামরোম লেম্না য়েন্থোকখ্রে৷ দি.সি.দা লৈরিবা ইন্দিয়ন এমভেসী অসিগা খুৎশম্নদুনা, এ.এ.পি.আই.না য়ু.এস.এ.দা স্ত্রান্দেদ ওইদুনা লৈরিবা ভারত মচা ১০০০গী প্রেস্ক্রিপসনশিং ইখ্রে৷

য়ু.এস. অমসুং ভারততা এ.এ.পি.আই.না চেরিতেবল ওইবা মরমশিং অমসুং রিলিফ এক্তিভিতিশিং অসিদা লেপ্পা লৈতনা মতেং পাংবা অসিদা ঐহাক অসুক্কী মতিক নুংঙাইবা ফাওই৷

ঐহাক্না এ.এ.পি.আই.গী মেম্বরশিংনা ভারততা মমল নাইদ্রবা সর্ভিস তোবিরম্বগীদমক অমসুং লিদরশিফ অদুগীদমক থাগৎপা ফোংদোকচৈ৷

“নুংশিরবা ইচলশিং অমসুং ইপ্বৌশিং,

লৈবাক অসিনা মালেম অসিদা মীশিং য়াম্বদা অনিশুবা লৈবাক অমা ওইদুনা ইকোনোমিক গ্রোথ অসি য়াম্না ৱাংনা হেঙ্গৎলকপা অসিনা মরম ওইদুনা লৈবাক অসিনা চেলেঞ্জশিং অমসুং পব্লিক হেল্থদা হান্ননা খঙনখ্রিদ্রিবা খুদোংচাবাশিং থেংনৈ৷

ভারতনা মনিং মখা তম্লকপদগী ইনফেন্ত মোর্তালিতী রেত(আই.এম.আর.) অমসুং মেতর্নেল মোর্তালিতী রেত(এম.এম.আর.)দা কা হেন্না হন্থরকপা অমসুং পুন্সি শাংদোরকপগী চাং চাংচৎতা চাওনা কা হেন্না ফগৎলকপা অসি উরে৷ ঐখোয়না ঐখোয়গী হেল্থকেয়র ইনফ্রস্ত্রকচর অসি এপগ্রেদ তৌখ্রে অমসুং হায়রিবা সিস্তেম অসিদা হ্যুমেন রিসোর্সশিং ত্রেন তৌখ্রে অমসুং ক্বালিফাইদ ওইহনখ্রে৷

ভারততা দাইনামিক ফার্মক্যুতিকেল, বাইওতেক্নোলোজিকেল ইন্দস্ত্রী অমসুং অতোপ্পা লৈবাক্কী পেসেন্তশিংবু চিংশিনবা ঙম্বা মমিং লৈরবা হোস্পিতালশিং অমসুং বর্গিওনিং ক্লিনিকেল ত্রাইয়েল ইন্দস্ত্রী য়াওনা ৱল্দ ক্লাস সাইন্তিসশিং লৈ৷

হৌজিক্তি ভারত অসি মালেম অসিগী ফার্মসী ওইরে অমসুং ইকুই কুইদুনা ময়াম্না খ্বাইদগী পাম্নবা হেল্থকেয়র অমসুং হেল্থ তুরিজম দেস্তিনেসন ওইরগনি অদুমওইনমক অকিবগী মশক ওইরদা চেলেঞ্জ খরদি লৈ৷

ভারতকী হেল্থকেয়র সিনারিয়ো অসি মান্নদবা লেন্দস্কেপশিংগী স্পেকত্রম অদু ঐনা খঙই৷

নাকল অমদনা আর্ত, আর্বান হোস্পিতাল অমসুং রিসর্স পাংথোক্লিবা রিসর্স সেন্তরশিং অমসুং হেল্থকেয়র ইন্দস্ত্রীবু মাংজিল থানবা পুখৎলি অদুগা নাকল অমরোমদনা সবস্তেনসিয়েল ইমপ্রুবমেন্ত দরকার ওইরিবা খুঙ্গংগী হেল্থকেয়র ইন্সতিত্যুতশিং লৈ৷ হৌজিক ফাওবা অচৌবা খেন্নবা অমদি লৈরি৷

কান্নগুম্বা অমগী লৈফম হৌরকফমগী মতুং ইন্দনা ক্বালিতী লৈবা হেল্থকেয়র দরকার ওইরিবশিং অদু ফংহনগদবনি৷ মখোয় পুম্নমক্তা য়াম্না লাইনা অমসুং শেল চংদনা ফংহনবা য়াবা হেল্থকেয়র অমসুং মেদিকেল ফেসিলিতীশিং অদু ফংহনগদবনি৷

হায়রিবা চেলেঞ্জশিং অসি সরকার অসি মতোমতনা থেংনবা ঙম্লোই৷

মতাং অসিদদি পুন্না ৱাখল তামিন্নবা, খুৎশমমিন্নদুনা চৎমিন্নবা অমসুং মতেং পাংনবগী মতাং অদু য়ৌরে৷

ভারতকী লাস্ত সিতিজনশিংদা ক্বালিতী লৈবা হেল্থকেয়র পীনবা হোৎনরিবা সরকার অসিদা মতেং পাংন্নবগীদমক প্রাইভেৎ সেক্তর প্লেয়রশিং মরু ওইনা এ.এ.পি.আই. ওর্গনাইজেসনশিং অসিদা হায়খ্রে৷

প্রাইমরী হেল্থকেয়র সিস্তেমশিং মপাঙ্গল ফনা লৈবা লৈবাকশিংদা হেন্না ফবা হেল্থ আউতকম লৈ অমসুং মান্নদবগী থোংশিং অদু হন্থহল্লি হায়বসি ময়াম্না খঙনরবা অচুম্বা অমনি৷ ঐখোয়গী প্রাইমরী হেল্থকেয়র সিস্তেম অসি মপাঙ্গল ফহনবা য়াম্ন মরু ওই৷

অয়ুশমান ভারত স্কিমগী মখাদা হৌজিক লৈরিবা সব-সেন্তরশিং অমসুং প্রাইমরী হেল্থ সেন্তরশিং অসি শেমদোক্তুনা হেন্না ফবা হেল্থ অমসুং ৱেল্নেস সেন্তর ১,৫০,০০০ শেম্বা অসিনা মাইকৈ খুদিংমক্কী অচৌবা খোংথাং অমা ওইরি৷ অদুবু অতোপ্পা কা হেন্না তঙাই ফদবশিংসু তৌবগী মথৌ লৈরি৷

লৈবাক অসিগী জিলা খুদিংমক্তা প্রাইমরী হেল্থকেয়রগী খুদোংচাবশিং ফংহন্নবা হোৎনবদা প্রাইভেৎ সেক্তরনা তোঙান তোঙানবা রাজ্য সরকারশিংগা পুন্না চৎমিন্নবা মরু ওই৷

ইন্দিয়ন ওরিজিন ওইবা ফিজিসিয়ন চাকরাক্না মিলিয়ন ১.৪দি মালেম শিনবা থুংনা লৈ৷ মালেম অসিগী তোঙান তোঙানবা লৈবাকশিংদা মমল নাইদ্রবা সর্ভিস তৌদুনা লৈরিবা দোক্তরশিং অমসুং হেল্থকেয়র ৱর্করশিং অদুগীদমক ভারতনা য়াম্না চাউথোকচৈ৷  

হায়রিবা দোক্তরশিং অমসুং হেল্থকেয়র প্রেক্তিসন্নরশিং মখোয়গী তাংলবা মতম অমসুং ইনর্জী অদু ভারতনা হেল্থকেয়র শেমগৎনবা হোৎনরিবা অসিদা মতেং পাংন্নবগীদমক ঐহাক্না হায়জখ্রে৷ লৈবাক অসিদা হেল্থকেয়রগী খুদোংচাবশিং অসি শেমগৎপদা মেদিকেল ইজুকেসনদা মীৎয়েং চংনবা, মেন্তরিং তৌবিনবা অমসুং লৈবাক অসিদা লৈরিবা মেদিকেল প্রোফেস্নেলশিংগা পুন্না রিসর্স অমসুং থবক তৌমিন্ননবগীদমক নখোয়না মিৎয়েং চংবা য়ারগনি৷

হায়রিবা হিরম অসিদা ঐখোয় অসি তশেং তশেংবা ‘অত্মনির্ভর’ ওইননবগীদমক ভারততা কত্তিং ইদজ তেক্নোলোজী অমসুং স্কিলশিং ত্রান্সফর তৌরকপগী থৌওং অসি নখোয়না হেন্না লাইহনবা য়ারগনি৷ মসিনা লাইয়েংবগী, প্রোসিদ্যুরশিং, হিদাকশিং, মেদিকেলগী খুৎলাইশিংগী মমল হন্থহল্লগনি অমসুং হেল্থকেয়র অসিবু হেন্না লাইনা শেল কা ৱাংনা চংদনা তৌবা য়ারগনি৷

নহাশিংগী মরক্তা নন-কম্মুনিকেবল দিজিস অমসুং লাইফ স্তাইল দিজিসশিংগী চাং ৱাংখৎলকপা অসিনা ঐবু অসুক্কী মতিক নুংঙাইহন্দে৷

হায়রিবা এন.সি.দি.শিং অসিগী মাইয়োক্তা থেংন্নবগীদমক ভারততা লৈরিবা প্রাইভেৎ সেক্তর অমসুং সরকার অসিগা এ.এ.পি.আই.গুম্লবা ওর্গনাইজেসনশিং অসিগা পুন্না চৎমিন্ননবা ঐনা হায়জখ্রে৷

হকচাং শাজেল তৌদবা পুন্সি অমসুং অফবা চিঞ্জাক চাবগী হৈনবি লৈতবনা পীরকপা অমাংবশিং অদু খঙহন্ননবা মরু ওইনা স্কুল অমসুং কলেজকী মহৈরোইশিংগী মরক্তা এৱেয়রনেস প্রোগ্রামশিং পাংথোক্নবা ময়াম পুন্না হোৎনবা তঙাই ফদে৷

মীৎয়েং চংবা পাম্লিবা অতোপ্পা মফম অদুদি ইমর্জেন্সী মেদিসিন অসিনি৷ লৈবাক অসিদা মতম চানা অমসুং ক্বালিতী য়াম্না লৈবা ইমর্জেন্সী হেল্থ সর্ভিসশিং থম্বদা ঐখোয়না শেল থাদগদবনি৷

লৈবাক অসিগী মীওই পুম্নমক ইমর্জেন্সী ফর্স্ত এইদ অমসুং কারদিওপলমোনরী রিসস্সাইতেসন(সি.পি.আর.) তৌবা হৈনবা ঐখোয়না শোইদনা ত্রেন তৌগদবনি৷৷

তোঙান তোঙানবা ত্রোপিকেল দিজিসশিং খুদম ওইনা ত্যুবরকুলোসিস অমসুং মেলরিয়া অসি থেংন্নবা ভারতকী মপান্দা লৈরিবা ভারতকী দোক্তরশিং অদুদা রিসর্স অমসুং দিভেলপমেন্তদা পুন্না চৎমিন্ননবা ঐনা হায়রগনি৷ অসিগুম্না পুন্না চৎমিন্নবা অসিনা হায়রিবা লাইনাশিং অসি ভারতনা মাই পাক্না অমসুং অথুবা মতমদা মুথৎনবা হোৎনবদা অচৌবা মতেং অমা ওইরগনি৷

সেনিতেসন, ক্লিনলিনেস অমসুং ন্যুত্রিসন হায়রিবা হিরমশিং অসিদা নখোয়না লৈরিবা মফম অদুগী লৈবাক অদুনা চৎথরিবা থবক থৌরমশিং অদু নখোয়না হায়রকপা য়াগনি৷

ভারতকী সোফত পৱার অসি মপাঙ্গল কলহনবতা নত্তনা মালেম শিনবা থুংনা হেল্থ অমসুং ৱেলনেস অদু হেন্না য়োকখৎনবা নখোয়না লৈরিবা মফম অদুগী লৈবাক অদুদা য়োগ য়োকখৎনবা নখোয়দা ঐনা হায়জরি৷

নুংশিরবা ইচলশিং অমসুং ইপ্বৌশিং,

মসিগী লাইনা-লাইচৎ অসিনা ঐখোয়গী রিসাইলেন্সকী পৱার অদু চাংয়েং তৌরি৷ অতোপ্পা সেক্তরদৌনা, মসিনা হেল্থকেয়রগী সেক্তরদসু তোঙান তোঙানবা মওংদা চাওনা অকাইবা পীরি৷

অদুবু ঐনা খঙলে মদুদি হায়রিবা অকাইবশিং অসিনা ঐখোয়গী লৈরিবা হেল্থ সেক্তর অসি শেমদোক্নবগী খুদোং চাবা অমা ওইনা পীরে৷

মসিগীদমক ঐখোয়না দিজিতেল তেক্নোলোজী অমসুং আর্তিফিসিয়েল পৱার তুলশিং অদু ফংবা ঙম্নবা ঐখোয়না হোৎনগদবনি৷ ঐখোয়না হেল্থ রেকোর্দশিং অদু শোইদনা দিজিতাইজ তৌগদবনি অমসুং লৈবাক অসিগী হেল্থকেয়র দাতাশিং অদু খোমজিনবদা হেন্না লাইনবা নেস্নেল প্লেতফোর্ম অমা শেমগদবনি৷

মসিনা হেল্থ সেক্তরদা লৈরিবা স্তেকহোল্দর পুম্নমক দিজিতেল্লী শমজিন্নহনবা ঙম্লগনি৷ খোমগৎলবা দাতা অদু লৈনবা অদুনা ঐখোয়গী হেল্থ সিস্তেম অসি ফগৎহনবদা শিজিন্নবা য়ারবা মরু ওইরবা ইনফোর্মেসন পুথোকপা ঙম্লগনি৷

ভারত সরকারনা তেক্নোলোজী শিজিন্ননবা হোৎনরিবা অসিদা এ.এ.পি.আই.গুম্লবা ওর্গনাইজেসন অসিনা মতেং পাংলক্কনি হায়বসি ঐনা খনজৈ অমসুং ক্বালিতী লৈবা, চৎনবা য়াবা হেল্থকেয়র পীবদা মতেং পাংলক্কনি হায়বসি ঐনা থাজৈ৷

হায়রিবা মিনি কনভেন্সন অসিনা দিস্করসন, দিবেত্স অমসুং দিলিবেরেসন্স উরগনি, মসিনা হৌজিক হৌজিক চৎথরিবা ক্রাইসিস অসি থেংনবতা নত্তনা মতুং তারকপদা থোকলকপা হেল্থকেয়র চেলেঞ্জশিংসু মাই পাক্না থেংনবা স্ত্রাতিজীশিং শেমগৎপদা মখোয়না ঐখোয়বু মতেং পাংলগনি হায়বসি ঐগী থাজবনি৷

ঐনা এ.এ.পি.আই. অমসুং মসিগী কনভেন্সন পুম্নমক মাই পাক্নবা ঐনা ইশ্বোরগী মফমদা হায়জরি৷

নখোয়বু থাগৎচরি!

জই হিন্দ!”

*****