সি.এস.আই.আরগী মপোক নুমিৎ থৌরমদা, অনৌবা লায়েং-কাংলোনগী লমদা পায়খৎলিবা শিংথানিঙাই ওইবা থবকশিং শৌগৎনবা অমসুং শকখঙবা উৎনবা কম্পেনি অসিনা সি.এস.আই.আরদা চিয়র অহুম লিংখৎলগনি হায়না পদ্মভুসন দোক্তর এ.ভি.রামা রাওনা লিংখৎপা হিদাক-লাংথক শুংবা মমিং লৈরবা কম্পেনি অব্রা লেবোরেতোরিনা লাউথোকখ্রে। চিয়রশিং অসিনা মখোয়গী থবকশিং ইকায়খুম্নবা উৎনবা অমসুং হেন্না খুমাংচাউশিন্নবা খনগৎলবা সাইন্তিস্তশিংদা চহি অহুমগী ফেল্লোসিপ পীগনি। সি.এস.আই.আর-ইন্দিয়ান ইন্সতিতুৎ ওফ কেমিকেল তেক্নোলোজিগী দিরেক্তর, দোক্তর এস.চন্দ্রসেখর অমসুং সি.এস.আই.আর-নেসনেল কেমিকেল লেবোরেতোরিগী সেনিয়র প্রিন্সিপাল সাইন্তিস্ত, দোক্তর অমোল এ.কুলকারনিদা ২০২০-২০২৩গী ফেল্লোসিপ পীরে।

মখোয়গী কোরপোরেৎ সোসিএল রেসপোন্সিবিলিতি থবক্কী শরুক অমা ওইনা, লুপা করোর ১ হেন্না চঙনা হিন্দুস্থান এরোনোতিক্স লিমিতেৎ(হাল)না হিমাচল প্রদেসতা মেকসিপ হোস্পিতাল অমা অমসুং লাদাখতা কোবিদ তেস্তিং সেন্তর অমা লিংখৎপদা মতেং পীবা হায়না য়ানরে।

লেমজনিঙাই ওইরবা সি.এস.আই.আর দাইমন্দ জুব্লি তেক্নোলোজি এৱার্দ ২০১৯গী ওইনা তাতা কেমিকেলস লিমিতেৎ(তি সি এল)দা পীরে। কম্পেনি অসিনা হকচাং ফনা লৈনবা খনবা মীওইশিংগীদমক ১০০./০ সোলুবল দাইতরি ফাইবরশিং হায়বদি ফোসেন্স হায়না খঙনবা ‘ফ্রুকতোওলিগোসাক্কারাইতস(এফ ও এস) পুথোকপগীদমক মনা অসি পীবনি।

ঙসি মসিগী ওফিসতা সি.এস.আই.আরগী ৭৯সুবা মপোক নুমিৎ থৌরম পাংথোকখ্রে। সাইন্স অমসুং তেক্নোলোজি, আর্থ সাইন্সেস, হেল্থ অমসুং ফেমিলি ৱেলিফিয়ারগী য়ুনিয়ন মিনিস্তর অমসুং সি.এস.আই.আরগী ভাইস প্রসিদেন্ত দোক্তর হর্স ভরধন্না থৌরমগী প্রসিদেন্ত ওইনা শরুক য়াখি। থৌরম অদুদা সি.এস.আই.আরগী দিরেক্তর জেনেরেল অমসুং দি.এস.আই.আরগী সেক্রেতরি দোক্তর সেখর সি.মান্দে অমসুং ঐচ.আর.দি.জিগী মকোক, এ.চক্রবোর্তি শরুক য়াখি। সোসিএল মেদিয়া প্লেতফোর্মশিংগী খুৎথাংদা সি.এস.আই.আরগী লেবশিং অমসুং অতোপ্পশিং শরুক য়াখি।

*****