ਮੌਜੂਦਾ ਰੇਕ ਪੁਆਇੰਟਾਂ ਦਾ ਆਧੁਨਿਕੀਕਰਣ ਅਤੇ ਦੇਸ਼ ਵਿੱਚ ਨਵੇਂ ਰੇਕ ਪੁਆਇੰਟਾਂ ਦੀ ਸ਼ੁਰਆਤ ਵਪਾਰਕ ਉਚਿਤਤਾ, ਕਾਰਜਸ਼ੀਲ ਜ਼ਰੂਰਤ, ਤਕਨੀਕੀ ਵਿਵਹਾਰਤਾ ਅਤੇ ਸਰੋਤਾਂ ਦੀ ਉਪਲੱਬਧਤਾ ਦੇ ਅਧੀਨ ਚਲ ਰਹੀ ਪ੍ਰਕਿਰਿਆ ਦੀ ਜ਼ਰੂਰਤ ਹੈ। ਰੇਕ ਪੁਆਇੰਟ ਸੁਧਾਰ ਦੇ 60 ਕਾਰਜਾਂ ਨੂੰ ਰੁਪਏ ਦੀ 1975 ਕਰੋੜ ਰੁਪਏ ਦੀ ਲਾਗਤ ਨਾਲ ਪ੍ਰਵਾਨਗੀ ਦਿੱਤੀ ਗਈ ਹੈ। ਇਨ੍ਹਾਂ 60 ਕੰਮਾਂ ਵਿੱਚੋਂ 31 ਪੂਰੇ ਹੋ ਚੁੱਕੇ ਹਨ ਅਤੇ ਹੋਰ ਅਮਲ ਦੇ ਵੱਖ-ਵੱਖ ਪੜਾਵਾਂ ਵਿੱਚ ਹਨ।

ਖਾਦਾਂ ਦੀ ਢੋਆ-ਢੋਆਈ ਲਈ ਰੇਕਾਂ ਦੀ ਬੁਕਿੰਗ ਦੀ ਕੋਈ ਪਾਬੰਦੀ ਨਹੀਂ ਹੈ। ਪੂਰੇ ਭਾਰਤ ਵਿੱਚ ਵੱਖ-ਵੱਖ ਲੋਡਿੰਗ ਪੁਆਇੰਟਾਂ ਵਿੱਚ ਖਾਦਾਂ ਦੀ ਢੋਆ-ਢੋਆਈ ਲਈ ਰੇਲਵੇ ਕੋਲ ਕਾਫੀ ਗਿਣਤੀ ਵਿੱਚ ਰੇਕ ਉਪਲੱਬਧ ਹਨ। ਭਾਰਤੀ ਰੇਲਵੇ ਨੇ 1 ਅਪ੍ਰੈਲ,2019 ਤੋਂ 15 ਸਤੰਬਰ 2019 ਤੱਕ 22.58 ਮਿਲੀਅਨ ਟਨ ਖਾਦ ਚੁੱਕਣ ਦੇ ਮੁਕਾਬਲੇ,  1 ਅਪ੍ਰੈਲ,2020 ਤੋਂ 15 ਸਤੰਬਰ 2020 ਤੱਕ  7.44% ਦੇ ਵਾਧੇ ਨਾਲ 24.26 ਮਿਲੀਅਨ ਟਨ ਖਾਦ ਚੁੱਕੀ ਹੈ।

ਇਹ ਜਾਣਕਾਰੀ ਰੇਲਵੇ ਅਤੇ ਵਣਜ ਤੇ ਉਦਯੋਗ ਮੰਤਰੀ ਸ਼੍ਰੀ ਪੀਯੂਸ਼ ਗੋਇਲ ਨੇ ਅੱਜ ਰਾਜ ਸਭਾ ਵਿੱਚ ਇੱਕ ਪ੍ਰਸ਼ਨ ਦੇ ਲਿਖਤੀ ਜਵਾਬ ਵਿੱਚ ਦਿੱਤੀ।

                                                           *****

ਡੀਜੇਐੱਨ/ਐੱਮਕੇਵੀ