সোসিএল জজতিস্ত অমসুং ইমপ্বারমেন্ত মিনিস্ত্রিগী দি.ই.পি.দব্লিউ.দিগী মখাদা লৈবা ওতোনোমস ইন্সতিতুৎ, ইন্দিয়ান সাইন লেঙ্গোইজ রিছর্স এন্দ ত্রেনিং সেন্তরনা ভর্চুএল ওইনা শীনবা থৌরম অমদা ঙসি ‘মালেমগী সাইন লেঙ্গোইজ নুমি’ পাংথোকখ্রে। য়ুনাইতেৎ নেসন্সনা সেপ্তেম্বর ২৩ অসি ‘মালেমগী সাইন লেঙ্গোইজ নুমি’ হায়না লাউথোকখ্রে। চহি অসিগী পান্দমদি ‘মী খুদিংমক্কী সাইন লেঙ্গোইজ’ হায়বনি অমসুং মসিনা মী খুদিংমক সাইন লেঙ্গোইজগী মতাংদা খঙবা হেনগৎহনগনি অমসুং মসিগী শীজিন্নফম পাকথোক চাউথোকহনগনি।

থৌরম অদুদা দি.ই.পি.দব্লিউ.দিগী সেক্রেতরি, শ্রীমতি শকুন্তলা দি.গামলিন্না চীফ গেস্ত অমসুং দি.ই.পি.দব্লিউ.দিগী জোইন্ত সেক্রেতরি অমসুং ইন্দিয়ান সাইন লেঙ্গোইজ রিছর্স এন্দ ত্রেনিং সেন্তরগী দিরেক্তর, দোক্তর প্রাবোধ সেথনা প্রসিদেন্ত ওইনা শরুক য়াখি। থৌরম অদুদা ওল ইন্দিয়া ফেদেরেসন ফো দেফগী জেনেরেল সেক্রেতরি ভি গোপাল কৃষ্ণন, নেসনেল এসোসিএসন ওফ দেফকী প্রসিদেন্ত এ.এস নরায়ন অমসুং ওল ইন্দিয়া ফাউন্দেসন ওফ দেফ ৱুমেনগী ভাইস প্রসিদেন্ত দোক্তর উসা পঞ্জাবীসু শরুক য়াখি।

থৌরম অদুদা শ্রীমতি শকুন্তলা দি.গামলিন্না হায়খি রাইতস ওফ পর্সন্স ৱিত দিসএবিলিতিস এক্ত,২০১৬না সাইন লেঙ্গোইজ অসি পাউ ফাউন্নবা পাম্বৈ অমা ওইনা শকখঙলে। না তাদবশিংদা সাইন লেঙ্গোইজগী মরুওইবা খঙলদুনা, ভারত্তা সাইন লেঙ্গোইজ শীজিন্নবা, তম্বীবা অমসুং থিজিনবা য়োকখৎনবা ২০১৫দা সরকারনা অমসুং ইন্দিয়ান সাইন লেঙ্গোইজ রিছর্স এন্দ ত্রেনিং সেন্তর লিংখৎখি। সাইন লেঙ্গোইজনা তেক্নোলোজি শীজিন্নদুনা ঐখোয়না ফোঙদোকপদা ঐখোয়গী মতেং পাংলে অমসুং তোঙান তোঙানবা লোলশিং অমসুং লম্মিৎ-তুমিৎনা ওইহনবা থাপ্নবা অদু অমতা ওইহল্লে।

মহাক্না হায়খি সাইন লেঙ্গোইজ অসি সাইন অমসুং খুৎগী মতেংনা তুমিন্না ফোঙদোকপা সাইন্তিফিক ওইবা লোল অমনি। মসিগী অমতা ওইবা স্তেন্দার্দশিং অমসুং মওংশিং অসিনা ঐখোয় অমতা ওইনা পুনশিল্লে। কোবিদ-১৯গী লোকদাউনগা মরী লৈনবা মরুওইবা চৎন-কাংলোনশিং/পাউতাকশিং সাইন লেঙ্গোইজ ভিদিও ওইনা পুথোক্তুনা তাবগী শক্তি ৱাৎলবা মীওইশিং য়াইফনবা ইন্দিয়ান সাইন লেঙ্গোইজ রিছর্স এন্দ ত্রেনিং সেন্তরনা থবক কয়া পায়খৎলে।

মহাক্কী ৱারোলদা দোক্তর প্রবোধ সেথনা হায়খি ইন্দিয়ান সাইন লেঙ্গোইজ রিছর্স এন্দ ত্রেনিং সেন্তরনা তোঙান তোঙানবা প্রোজেকশিং, কোর্সশিং অমসুং এৱারনেস প্রোগ্রামশিং পাংথোকখ্রে অমসুং আই.এস.এল দিক্সনারি অমসুং দেফ-এন.পি প্রোজেক ইন্দিয়ান সাইন লেঙ্গোইজ রিছর্স এন্দ ত্রেনিং সেন্তরনা পায়খৎলে। হৌজিক ৱাহৈ ৬০০০ লৈরিবা আই.এস.এল দিক্সনারিদা ৱাহৈ ৪০০০ হাপচিল্লগনি। ইন্দিয়ান সাইন লেঙ্গোইজ রিছর্স এন্দ ত্রেনিং সেন্তরনা দিপ্লোমা ইন ইন্দিয়ান সাইন লেঙ্গোইজ ইন্তরপ্রেতেসন অমসুং তিচিং ইন্দিয়ান সাইন লেঙ্গোইজগী দিপ্লোমা কোর্সশিং তম্বীরি।

থৌরম অদুদা ইন্দিয়ান সাইন লেঙ্গোইজ রিছর্স এন্দ ত্রেনিং সেন্তরনা ৩সুবা ইন্দিয়ান সাইন লেঙ্গোইজ কম্পিতিসন ২০২০গী মাইপাক্লবশিংদা মনা য়েন্থোকখি। চাংদম্নবা অদু ভারত শীনবা থুংনা দিজিতেল ওইনা দিপ্লোমা ইন ইন্দিয়ান সাইন লেঙ্গোইজ ইন্তরপ্রেতেসন অমসুং তিচিং ইন্দিয়ান সাইন লেঙ্গোইজগী দিপ্লোমাগী মহৈরোইশিংগী মরক্তা পাংথোকখিবনি।

*****

(Release ID: 1658374) Visitor Counter : 104