সাইন্স অমসুং তেক্নোলোজী মন্ত্রালয়

ভারতকী ইন্সতিতুসনশিংগী মরক্তা লখনৌগী লেবনা খ্বাইদগী তেনবা মতমদা কোবিদ-১৯ সেম্পলশিং তেস্ত তৌবগী রেকোর্দ থম্লে

Posted On: 23 SEP 2020 2:11PM by PIB Imphal

কোবিদ-১৯ অনাবা মীওইশিং হেনগৎলকপা লোয়ন্না, ভারতকী ইন্সতিতুসনশিংগী মরক্তা লখনৌগী লেবনা খ্বাইদগী তেনবা মতমদা কোবিদ-১৯ সেম্পলশিং তেস্ত তৌবগী রেকোর্দ থম্লে।

নোংমদা সেম্পল ১০০০দগী ১২০০ ফাওবা তেস্ত তৌদুনা, সাইন্স অমসুং তেক্নোলোজি দিপার্তমেন্তগী ওতোনোমস ইন্সতিতুৎ অমা ওইরিবা বিরবল সাহনি ইন্সতিতুৎ ওফ পেলিওসাইন্সনা, চাংচৎ অমা ওইনা মতম অমদা সেম্পলশিং তেস্ত তৌবদা রাজ্য অসি খক্তগী নত্তনা লৈবাক শীনবা থুংনা মকোক্তা লৈরে।

মীওই ৮গী কাংবু অমনা উত্তর প্রদেসকী তোঙান তোঙানবা জিলাশিংদগী সেম্পলশিং তেস্ত তৌনবা লেব অদু ২৪x৭ থবক তৌরি। বিরবল সাহনি ইন্সতিতুৎ ওফ পেলিওসাইন্সনা তেস্ত তৌখিবা সেম্পল মশিং ৫০,০০০ হেল্লে, মসিদা সেম্পল ১৬০০ সার্স-কোভ-২ পোজিতিপ ওইখি। হৌজিক ওইরিবা ফিবম অসি য়েংলগা অমসুং লাইচৎ অসি লাকশিন্নবা সরকারগী মতেং পাংনবা বিরবল সাহনি ইন্সতিতুৎ ওফ পেলিওসাইন্সনা মরী লৈনবা জিলাশিংদা রেকোর্দ ওইনা পুং ২৪গী মনুংদা তেস্ত রিপোর্তশিং পীরে।

রাজ্য অসিদা কোবিদ-১৯ লাকশিন্নবা উত্তর প্রদেস সরকারগা থবক তৌমিন্নরিবা লখনৌদা লৈবা কেন্দ্র সরকারগী রিছর্স ইন্সতিতুৎ মঙাগী মনুংদা বিরবল সাহনি ইন্সতিতুৎ ওফ পেলিওসাইন্স অমা ওইরি। ইন্সতিতুৎ অসিনা কোবিদ-১৯ তেস্ত তৌনবা অহানবা ওইনা থবক পায়খৎলকপনি। ইন্সতিতুৎ অসিদা অরিবা মতমগী দি.এন.এ তেস্ত তৌনবা লৈরিবা বি.এস.এল-২এ লেবোরেতোরি অসিনা তেস্ত তৌনবা হৌবা য়ানবগী খুদক্তা থৌরাং তৌনবগী খুদোংচাবা অমা পীখি।

কোবিদ-১৯ তেস্ত তৌনবগী অয়াবা পীনবা এপ্রিলগী অঙানবা মতমদগী বিরবল সাহনি ইন্সতিতুৎ ওফ পেলিওসাইন্সনা ভারত সরকার অমসুং য়ু.পি সরকারদা হায়জখি। য়েংশিল্লবা অমসুং আই.সি.এম.আর অমসুং য়ু.পি সরকারনা অয়াবা পীরবা মতুংদা, বিরবল সাহনি ইন্সতিতুৎ ওফ পেলিওসাইন্সনা ২০২০গী মে ২দগী আর.তি-পি.সি.আর তেস্ত তৌবা লখনৌদা লৈবা কেন্দ্র সরকারগী ইন্সতিতুৎ মঙাগী মনুংদা অহানবা ওইখি।

নোংমদা সেম্পল ১০০-১৫০ তেস্ত তৌদুনা হৌরকখিবা ইন্সতিতুৎ অসিনা ২০২০গী জুলাইদগী নোংমদা সেম্পল ১০০০-১২০০ তেস্ত তৌবা ঙম্লে। লেব ফজনা শিন-লাংবা অমসুং লেবকী স্তাফশিংগী কৎথোকপনা মরম ওইদুনা, বিরবল সাহনি ইন্সতিতুৎ ওফ পেলিওসাইন্সনা সেম্পলশিং প্রোসেস তৌবদা চঙবা মতম হন্থহনখি। বিরবল সাহনি ইন্সতিতুৎ ওফ পেলিওসাইন্সনা হৌজিক চাংচৎ অমদা পুং ১৮গী মনুংদা সেম্পলশিং তেস্ত তৌরি অমসুং রিপোর্ত পীরি। সেম্পলশিং ফংলবা মতুংদা পুং ১৮গী মনুংদা সেম্পল অমতা পন্দুনা লৈহন্দে।

তেস্ত তৌবগী থবক অসিগী মথক্তা, বিরবল সাহনি ইন্সতিতুৎ ওফ পেলিওসাইন্সনা কোবিদ-১৯ লাইচৎকা মরী লৈনবা থবকশিংদা থিজিনবগী থবকশিং পায়খৎলে। সার্স-কোভ-২ জিনোতাইপতা য়ুম্ফম ওইদুনা থিজিন্দুনা ভারত্তা কোবিদ-১৯ শন্দোকপগী খোঙ্গুল লিরি।

সাইন্স অমসুং তেক্নোলোজি দিপার্তমেন্তগী সেক্রেতরি, প্রোফেসার অসুতোস শর্মনা হায়খি য়াম্না পাকচাউনা অৱাবা তারকপা মতমদা দরকার ওইবশিং ফজনা মায়োক্নবা ঙম্নবা থিজিন্নবগীদমক হৌজিক লৈরিবা মীওইবগী মচাক-মথুম অমসুং লনশিং অমুক হন্না শীজিন্নবগী ময়েক লারবা খুদম অমা আর.তি-পি.সি.আরনা ওইরে।

বিরবল সাহনি ইন্সতিতুৎ ওফ পেলিওসাইন্সগী দিরেক্তর, দোক্তর বন্দনা প্রসাদ অমসুং কোবিদ-১৯ লেবকী নোদেল-ইন-চার্জ দোক্তর অনুপম শর্মাগী লমজিং মখাদা মীওই ৮গী কাংবু অমনা কৎথোকপগা লোয়ন্না থবক পায়খৎলি। অরিবা মতমগী দি.এন.এ লেবোরেতোরিগী ইন-চার্জ দোক্তর নিরাজ রাইনা কোবিদ-১৯গী লেব ইন-চার্জসু ওইরে। কোবিদ-১৯ লেব মেনেজর ওইনা নগরজুনা পিনা লেবোরেতোরি অসিগী দরকার ওইবশিং ফংহন্নবা চেকশিন্না শেন্নরি। বিরবল সাহনি ইন্সতিতুৎ ওফ পেলিওসাইন্স বি.এস.এল-২এদা লেবোরেতোরিদা থবক তৌরিবা দোক্তর ইন্দু শর্মা, দোক্তর বরুন শর্মা অমসুং সাইন্সকী ওজা সত্য প্রকাসনা অয়াবা পীরবা পোর্তেলশিংদা মতম চানা ফলশিং পীনবগী থৌদাং লৌরি।

*****



(Release ID: 1658228) Visitor Counter : 159


Read this release in: English , Hindi , Punjabi , Telugu