২০০৩-০৪গী বজেৎতা জিরিবাম-ইম্ফাল(কিলোমিতর ১১০.৬২৫)গী অনৌবা লাইন প্রোজেক য়াওখি। ইকোন কোন্না পানবদা প্রোজেক অসি লুপা করোর ১২,২৬৪ চঙগনি হায়রি। ২০২০গী মার্চ ফাওবদা লুপা করোর ১০,০৮৯ চাদিং তৌখ্রে অমসুং শেনবা চহি ২০২০-২১দা লুপা করোর ৮০০গী শেনফম পীখ্রে।

জিরিবামদগী বনগাইচুংপাউ ফাওবগী কিলোমিতর ১২ শাংবা লাইন মপুংফানা লোইশিল্লে অমসুং ২০১৭গী মার্চ থাদগী থবক হৌখ্রে অমসুং মখা তাবা থবক চৎথরি।

তন্নেল ৪৭গী মনুংদা তন্নেল ৪৬ তৌবা লোইরে। ২০১৪-১৯দা কিলোমিতর ৪৭.৪০গী তন্নেল তৌখি, মসিগী মনুংদা ২০০৯-১৪গী মনুংদা তন্নেল তৌবগী থবক চাদা ১১০ হেন্না পাংথোকখি। হায়রিবা মতম অসিদা কিলোমিতর ২২.৫২গী তন্নেল তৌখি।

অচৌবা থোং ১১গী মনুংদা ৫,অপীকপা থোং ১২৮গী মনুংদা ১০৮, রোদ ওভর ব্রিজ ৫গী মনুংদা ৩ অমসুং রোদ অন্দর ব্রিজ ১২গী মনুংদা ২ মপুংফানা শাবা লোইশিনখ্রে।

রেলৱেজ প্রোজেক অমা লোইশিনবা অসি তোঙান তোঙানবা মরমশিংগী মখা পোল্লি, হায়বদি রাজ্য সরকারনা অথুবদা মতমদা লম লৌশিনবা, ফোরেস্ত দিপার্তমেন্তগী ওফিসিএলশিংনা ফোরেস্ত ক্লিয়ারেন্স পীবা, খুৎলায়শিং পুথোকপ-পুশিন তৌবা, তোঙান তোঙানবা ওথোরিতিশিংদগী অয়াবা লৌবা, মফম অদুগী লম্মিৎ-তুমিৎকী ফিবম, লো অমসুং ওর্দরগী ফিবম, নোং-চিংগী ফিবমগী মতুংইন্না চহি অমদা থবক শুবা য়াবা থা মশিংগী মখা পোল্লি অমসুং হায়রিবা মরমশিং অসি প্রোজেক অমগা প্রোজেক অমগা মান্নদে।

তন্নেল ৪৭, থোং ১৫৬ য়াওনা মিতর ১৪১ ৱাংবা পাইয়র ব্রিজ য়াওবা অমসুং নৌরিবা হিমালয়গী চহিগী শরুক ওইবনা জিরিবাম-ইম্ফালগী অনৌবা লাইন প্রোজেক অসি শিংনবা প্রোজেক অমনি। মসিগী মথক্তা, কোবিদ-১৯না লাইচৎনা মরম ওইদুনা থবক খুমাংচাউশিনবদা খুদোংচাদবা কয়া থোকহনখি। অসিগুম্বা ফিবম অসিদা, প্রোজেক লোইশিনবগী চপ চাবা মতম লেপ্পা ঙম্লোই।

ৱাফম অসি ঙসি লোক সভাদা অইবা ওইনা পীবা পাউখুম অমদা রেলৱেজ অমসুং কমর্স অমসুং ইন্দস্ত্রিগী মিনিস্তর পিয়ুস গোয়ালনা ফোঙদোকখিবনি।

*****

(Release ID: 1657496) Visitor Counter : 131