కేంద్ర కాలుష్య నియంత్రణ మండలి (సిపిసిబి) సమాచారం ప్రకారం, ఆరోగ్య నిపుణులు, సాధారణ ప్రజలు ధరించే పర్సనల్ ప్రొటెక్టివ్ ఎక్విప్మెంట్ (పిపిఇ) కిట్ తో సహా బయో మెడికల్ వ్యర్థాలను పారవేయడం 2019 కొనసాగుతున్న కరోనా వైరస్ వ్యాధి (కోవిడ్-19) సందర్భంగా సవాలుగా మారింది. రాష్ట్ర ప్రభుత్వ జాబితాలో ఉన్న అంశమైన ప్రజారోగ్యం, పిపిఇ కిట్ మొదలైన బయో మెడికల్ వ్యర్థాలను పారవేయడంలో సరైన నిర్వహణ లేని కారణంగా, చెత్త సేకరణ, పారవేయడంలో పనిచేసే వ్యక్తులలో కోవిడ్-19 కేసులు పెరగడానికి సంబంధించినది, కేంద్రం నిర్వహించే అంశం కాదు.

బయో-మెడికల్ వేస్ట్ మేనేజ్‌మెంట్ (బిఎమ్‌డబ్ల్యుఎం) నిబంధన, 2016 ప్రకారం, హెల్త్‌కేర్ సౌకర్యాల నుండి ఉత్పన్నమయ్యే వ్యర్థాలను ఈ నిబంధనల ప్రకారం శుద్ధి చేసి పారవేయడం అవసరం. సిపిసిబి మార్గదర్శకాలను కూడా సిద్ధం చేసింది, ఇది బిఎమ్‌డబ్ల్యుఎం నిబంధనలు, 2016 ప్రకారం నిబంధనలకు అనుగుణంగా బయో మెడికల్ వ్యర్థాలను నిర్వహించడం, చికిత్స చేయడం, పారవేయడంపై మార్గదర్శకత్వం ఇస్తుంది.
ఇంకా, సిపిసిబి 'కోవిడ్ -19 రోగుల చికిత్స / రోగ నిర్ధారణ / క్వారంటైన్ సమయంలో విసర్జించే బయో-మెడికల్ వ్యర్థాలను నిర్వహించడం, సరైన పద్ధతిలో పారవేయడం' కోసం ప్రత్యేక మార్గదర్శకాలను జారీ చేసింది, ఇది ఉపయోగించిన మాస్కులు,  చేతి తొడుగులు వంటి కోవిడ్-19 సంబంధిత బయో-మెడికల్ వ్యర్థాల నిర్వహణపై సూచనలు ఇస్తుంది. ఈ మార్గదర్శకాలు మొదట్లో 19.03.2019 న జారీ జరీ చేశారు తరువాత 17.07.2020 న వాటికి సవరణ జరిగాయి. సిపిసిబి మార్గదర్శకాల ప్రకారం, హెల్త్ కేర్ ఫెసిలిటీస్ వద్ద కోవిడ్-19 ఐసోలేషన్ వార్డుల నుండి విసర్జించిన  ఫేస్ షీల్డ్స్, గాగుల్స్, హజ్మత్ సూట్, ప్లాస్టిక్ కవరాల్, ఉపయోగించిన ముసుగులు, హెడ్ కవర్, షూ కవర్ మొదలైన పిపిఇలను వేరుచేసి, కామన్ ఫెసిలిటీల వద్దకు చేర్చి, బయో మెడికల్ వ్యర్థ పదార్థాల నిర్వహణ నియమాలు, 2016 ( బిఎమ్‌డబ్ల్యుఎం నియమాలు) ప్రకారం పారవేయడం చేయాలి. ఇక సాధారణ గృహాలు, వాణిజ్య సంస్థలు, సంస్థలు మొదలైన వాటిలో ఉపయోగించి పారవేసిన మాస్కులు, గ్లోవ్స్ వంటి పిపిఇలను కత్తిరించడం లేదా ముక్కలు చేసి, తరువాత ఘన వ్యర్థాలతో పాటు పారవేయడం కోసం కనీసం 72 గంటలు విడిగా ఉంచాలి. ఇంటి నుండి ముక్కలు చేసిన ముసుగులు అర్బన్ లోకల్ బాడీస్ (యుఎల్బి) చేత పొడి ఘన వ్యర్థాలుగా సేకరించవచ్చు. సిపిసిబి జారీ చేసిన మార్గదర్శకాలు అన్ని వాటాదారులకు పంపిణీ చేశారు, సమ్మతిని నిర్ధారించడానికి సిపిసిబి అన్ని రాష్ట్ర కాలుష్య నియంత్రణ బోర్డులకు (ఎస్పిసిబి) / కాలుష్య నియంత్రణ కమిటీలకు (పిసిసి) నిర్దిష్ట ఆదేశాలు జారీ చేసింది.

కోవిడ్-19 మహమ్మారి సమయంలో బయో మెడికల్ వ్యర్థాల నిర్వహణ మెరుగుదల కోసం సిపిసిబి ఈ క్రింది అదనపు చర్యలు తీసుకుంది:

1. కోవిడ్-19 సంబంధిత బయో-మెడికల్ వ్యర్థాలను పర్యవేక్షించడానికి, సిపిసిబి “COVID19BWM” పేరుతో కోవిడ్-19 వేస్ట్ ట్రాకింగ్ యాప్‌ను అభివృద్ధి చేసింది. ఆండ్రాయిడ్ మొబైల్, సాఫ్ట్‌వేర్ అప్లికేషన్ వెబ్ వెర్షన్లు రెండూ వ్యర్థ జనరేటర్లు, సిబిడబ్ల్యుటిఎఫ్ ఆపరేటర్లు, ఎస్‌పిసిబిలు / పిసిసిలు, పట్టణ స్థానిక సంస్థలు (యుఎల్‌బి) కోసం రూపొందించారు. యాప్ 1 వ వెర్షన్ గురించి మే నెల లో ఎస్పిసిబిలు/పీసీసీ, ఇతర వాటాదారులకు ఒక ప్రదర్శన ఇచ్చారు. COVID19BWM ట్రాకింగ్ యాప్ ని ఉపయోగించనందుకు 106 సిబిడబ్ల్యూటిఎఫ్ లకు షో కాజ్ నోటీసు జారీ చేశారు.
2. బయో-మెడికల్ వ్యర్థాలను సమర్థవంతంగా నిర్వహించడానికి సిపిసిబి మార్గదర్శకాలకు అనుగుణంగా ఉండేలా పర్యావరణ, రక్షణ (చట్టం) సెక్షన్ 5 కింద 2020 జూలైలో అన్ని ఎస్‌పిసిబిలు / పిసిసిలకు ఆదేశాలు జారీ అయ్యాయి. అయినప్పటికీ, కోవిడ్-19 సంబంధిత వ్యర్థాల నిర్వహణపై అవగాహన కల్పించడానికి సిపిసిబి తన వెబ్‌సైట్‌లో ప్రత్యేక పేజీని పొందుపరిచింది. వీటిలో మాస్కులు, పిపిఇలతో సహా వ్యర్థాలను సురక్షితంగా పారివేయడంలో తీసుకోవాల్సిన జాగ్రత్తలపై సాధారణ ప్రజలకు అవగాహన కల్పించారు. 

ఆరోగ్య, కుటుంబ సంక్షేమ శాఖ సహాయ మంత్రి అశ్విని కుమార్ చౌబే రాజ్యసభలో వ్రాతపూర్వక సమాధానంలో ఈ విషయాన్ని పేర్కొన్నారు.

****

(Release ID: 1657157) Visitor Counter : 237