সেন্ত্রেল পোলুসন কন্ত্রোল বোর্দ (সি.পি.সি.বি.)না পীরকপা পাউগী মতুং ইন্না, হেল্থক্যের প্রোফেস্নেলশিং লোয়ননা প্রজা মীয়াম্না শেৎলুবা পর্সনেল প্রোতেক্তিব ইক্বিপমেন্ত (পি.পি.ই.) কিৎ য়াওনা বাই-মেদিকেল ৱেস্ত দিসপোজ তৌবা অসি হৌজিক শন্দোক্লিবা কোরোনা ভাইরস দিজিজ ওফ ২০১৯ (কোবিদ-১৯) লায়চৎ মনুং অসিদা অৱাবা অমা ওইরে।

পব্লিক হেল্থকী মতাং অসি রাজ্যগী ওইবা হীরম অমা ওইবনা, পি.পি.ই. কিৎ অসিনচিংবা য়াওনা বাইও-মেদিকেল ৱেস্ত অসি ফজনা দিসপোজ তৌদবদা মরম ওইরগা অমোৎ-অকায় খোমগৎপা অমসুং হুন্দোকপগী থবক তৌরিবা মীওইশিংগী মরক্ত কোবিদ-১৯ নাবা হেনগৎলকপগা মরী লৈনবা ই-পাউ অসি কেন্দ্রদা লৈতে।

বাইও-মেদিকেল মেনেজমেন্ত (বি.এম.দবল্যূ.এম.) রুল ২০১৬গী মতুং ইন্না, হায়রিবা রুলশিং অসিগী মখাদা লৈরিবা প্রোবিজনশিংগী মতুং ইন্না হেল্থক্যের ফেসিলিতীশিংদগী থোরকপা অমোৎ-অকায় অসি ফজনা ত্রীৎমেন্ত তৌবা অমদি দিসপোজ তৌবা মথৌ তাই। সি.পি.সি.বি.নাসু গাইদলাইনশিং শেমখ্রে, মসিনা বি.এম.দবল্যু.এম. রুল্স,২০১৬গী মখাদা লৈবা প্রোবিজনশিং ঙাক্তুনা বাই-মেদিকেল ৱেস্ত অসি হেন্দল, ত্রীৎমেন্ত অমসুং দিসপোজ তৌবগী পাউতাকশিং পীরি।

মখা তানা, কোবিদ-১৯ নাবা মীওইশিং লায়েংলিঙৈ/দাইগনোসিস তৌরিঙৈ/ক্বারেন্তিন তৌরিঙৈ মনুংদা থাদোরকপা বাইও মেদিকেল ৱেস্ত অসি হেন্দল তৌনবা, ত্রীৎমেন্ত তৌনবা অমসুং দিসপোজ তৌনবা তোখাইবা গাইদলাইনশিং সি.পি.সি.বি.না থোকখি, মসিনা শীজিন্নরবা মাস্কশিং অমসুং গ্লোবশিং য়াওনা কোবিদ-১৯কা মরী লৈনবা বাইও-মেদিকেল ৱেস্ত মেনেজমেন্ত তৌবগী পাউতাক পীরিবা । গাইদলাইনশিং অসি অহানবদা ১৯.০৩.২০১৯দা থোকখি অমদি মতুংদা ১৭.০৭.২০২০দা শেমদোকখি।

সি.পি.সি.বি. গাইদলাইনশিংগী মতুং ইন্না, ফেস শিল্দশিং, গুগলশিং, হাজমৎ সুৎ, প্লাস্তিক কোভরওলগুম্বা শীজিন্নরুরবা পি.পি.ই.শিং, শীজিন্নরুরবা মাস্কশিং, কোক্কী কভর, খোংউপকী কভর অসিনচিংবা হেল্থক্যের ফেসিলিতীশিংগী কোবিদ-১৯ আইসোলেসন ৱার্দশিংদগী থাদোরকপা অসি তোঙান্না থমদুনা বাই-মেদিকেল ৱেস্ত মেনেজমেন্ত রুল্স, ২০১৬ (বি.এম.দবল্যু.এম. রুলশিং)গী মতুং ইন্না কম্মন ফেসিলিতীশিংদা দিসপোজ তৌনবা থাই। অদুম ওইনমক, য়ুমথোং কয়াদগী, ললোন-ইতিক তৌবগী এস্তাব্লিশমেন্ত, লোয়শঙশিং অসিনচিংবদগী থাদোরকপা মাস্কশিং অমসুং গ্লোবশিংগুম্বা শীজিন্নরুরবা পি.পি.ই.শিং অসি ককথৎলবা নত্রগা শেগাইরবা মতুংদা সোলিদ ৱেস্তশিংগা লোয়ননা দিসপোজ তৌনবা য়ামদ্রবদা পুং ৭২ তোখাইনা থম্বা মথৌ তাই। অসিগুম্বা শেগাইদুনা মচেৎ তারবা য়ুমথোং কয়াদগী থাদোরকপা শীজিন্নরুরবা মাস্কশিং অসি অর্বান লোকেল বোদীশিং (য়ু.এল.বি.শিং)না দ্রাই সোলিদ ৱেস্ত ওইনা খোমগৎলি।

স্তেকহোল্দর পুম্নমক্তা সি.পি.সি.বি.না থোকপা গাইদলাইনশিং অসি খঙহনখি অমদি মসি ঙাক্না চৎনবা সি.পি.সি.বি.না স্তেৎ পোলুসন কন্ত্রোল বোর্দশিং (এস.পি.সি.বি.শিং)/ পোলুসন কন্ত্রোল কম্মিতীশিং (পি.সি.সি.শিং) পুম্নমক্তা অখন্নবা য়াথংশিং লোকথোকখ্রে।

কোবিদ-১৯ লায়চৎ মনুংদা বাইও-মেদিকেল ৱেস্ত মেনেজমেন্ত তৌবদা ফগৎহন্নবা সি.পি.সি.বি.না লৌখৎখিবা অহেনবা খোঙথাংশিং মখাদা পীরি:

কোবিদ-১৯গা মরী লৈনবা বাইও-মেদিএল ৱেস্ত য়েংশিন্নবা, সি.পি.সি.বি.না “কোবিদ১৯বি.দবল্যু.এম.” কৌবা কোবিদ-১৯ ৱেস্ত ত্রেকিং এপ দিবেলপ তৌখ্রে। ৱেস্ত জেনরেতরশিং, সি.বি.দলল্যু.তি.এফ. ওপরেতরশিং, এস.পি.সি.বি.শিং/ পি.সি.সি.শিং অমসুং অর্বান লোকেল বোদীশিং (য়ু.এল.বি.শিং)গীদমক এন্দ্রোইস মোবাইল অমসুং ৱেব ভর্জনশিংগী সপফৱেয়র এপ্লিকেসন অনিমক দিজাইন তৌখি। এপ অসিগী অহানবা ভর্জন অসি মে, ২০২০দা পুথোকখি অমদি এস.পি.সি.বি.শিং/পি.সি.সি.শিংদা অমসুং অতোপ্পা স্তেকহোল্দরশিং দেমোনস্ত্রেসন পীখি। এস.পি.সি.বি.শিং অমসুং সি.বি.দলল্যু.তি.এফ.শিংদা ত্রেকিং এপ অসি শীজিন্ননবা য়াথং পীখ্রে। সি.পি.সি.বি.গী মখোয়গী তাং ২১.০৭.২০২০দা থোকখিবা চেরোলগী মতুং ইন্না কোবিদ১৯বি.দবল্যু.এম. ত্রেকিং এপ শীজিন্নদবগী সি.বি.দলল্যু.তি.এফ. ১০৬তা সো কোস নোতিস পীখ্রে।

জুলাই, ২০২০দা এনভাইর্নমেন্ত (প্রোতেক্সন) এক্তকী সেক্সন ৫কী মখাদা এস.পি.সি.বি.শিং/পি.সি.সি.শিংদা বাইও-মেদিকেল ৱেস্ত মপুং ফানা মেনেজমেন্ত তৌনবা সি.পি.সি.বি.গী গাইদলাইনশিং ঙাক্না চৎনবা য়াথংশিং থোকখ্রে। অদুম ওইনমক, সি.পি.সি.বি.নসু মখোয়গী ৱেবসাইৎতা প্রজা  মীয়াম্না মাস্কশিং অমসুং পি.পি.ই.শিং ফজনা দিসপোজ তৌবা য়াওনা কোবিদ-১৯ মরী লৈনবা ৱেস্ত মেনেজমেন্তগী এৱের্নেস পীনবা তোখাইবা পেজ অমসু শেমখ্রে।

মসি রাজ্যগী মন্ত্রী (হকশেল অমসুং য়াইফ য়ুম্বাল) শ্রী অশ্বিনি কুমার চৌবেনা রাজ্য সভাদা ঙসি অইবা পাউখুম অমদা ফোঙদোকখিবনি।

******

(Release ID: 1657139) Visitor Counter : 207