লৈবাক অসিগী জম্মু রিজনদা কোবিদতগী ফগৎলকপগী চাং অসি ৪৩% ওইদুনা অতৈ রাজ্যশিংগা য়েংনবা মতমদা কা হেন্না নেম্বদগী ঙসি কেন্দ্রগী মন্ত্রী দা.জিতেন্দ্র সিংহনা জু্মুদা লৈরিবা কোবিদকী ফিভম অসি সেন্তরনা নুংতি নুমিৎ খুদিংগী য়েংশিল্লগনি হায়না ফোংদোকখ্রে অমসুং মফম অসিদা লাইনা-লাইচৎ অসি ফগৎলক্ত্রিফাওবা ওল ইন্দিয়া ইন্সতিত্যুত ওফ মেদিকেল সাইন্সেস(এমস), ন্যু দিল্লীদগী চাং নাইনা ফংলম্বা তেলি-কম্মুনিকেসনগী খুদোংচাবাশিং অদুদগী হেন্দোক্তুনা নুংতি নুমিৎ খুদিংগী ওইনা জম্মুদা লৈরিবা মেদিকেল প্রোফেস্নেলশিং অদুগা লেপ্পা লৈতনা সেন্ত্রেল তীমগী এক্সপর্তশিং অদুগা খুৎশম্নদুনা চৎমিন্নরগনি৷

জম্মু রিজনদা কোবিদকী ফিভম শোকচল্লক্লিবা অদু য়েংশিন্নবা মীফম অমা ফম্লিঙৈদা, দা.এস.কে.সিংহ অমসুং দা.ভিজে হনদানা লুচিংদুনা হৌজিক হৌজিক জম্মু মাইকৈ পাংলিবা সেন্ত্রেল তীম অদুদগী মফম অদু য়ৌবগী পাউ ফংখি৷ মীফম অদুদা কেন্দ্রগী হেল্থ সেক্রেতরী রাজেশ ভুসন, এদিস্নেল হেল্থ সেক্রেতরী কিরন অহুজা অমসুং য়ুনিয়ন তেরিতোরী অদুগী হেল্থ এদভাইজর রাজিব ভতনাগর, (হকশেল)শেল থুমগী সেক্রেতরী অতল দুল্লু, জম্মুগী দিভিজন্নেল কম্মিসন্নর শঞ্জিব ভর্ম, জম্মু সরকারগী মেদিকেল কোলেজকী সেনিয়র ফেকল্তীশিং অমসুং জম্মু দিভিজনগী তোঙান তোঙানবা জিলাশিংগী দিপুতী কম্মিসন্নরশিং য়াওদুনা মীফম অদু পাংথোকখি৷

দা.জিতেন্দ্র সিংহনা ফোংদোকখ্রে মদুদি য়ুমদা ক্বারেন্তিন তৌদুনা লৈরিবা মীওইশিংগীদমক ওক্সিমীতরশিং অমসুং ওক্সিজেন কন্সেন্ত্রেসন হেন্না ফংহন্ননবগীদমক জম্মু রিজনদা লৈরিবা হেল্থ ওথোরিতীশিংদা খঙহনখ্রে৷

দা.জিতেন্দ্র সিংহনা য়ু.তি. অসিদা কোবিদ-১৯গী কেস হেঙ্গৎলক্লিবা অসি অনা-লাইয়েংশঙশিংবু হেন্না চেকশিন্না শিন লাংদুনা অমসুং কন্তেনমেন্ত স্ত্রাতিজী থমদুনা মাই পাক্না লৌথোকপা ঙমগনি হায়দুনা জম্মু অমসুং কস্মিরগী মীয়ামশিংদা থজবা পীখ্রে৷ মহাক্না মখাতানা অনা-লাইয়েংশঙশিংদা ওক্সিজেন সিলিন্দরশিং অমসুং মেদিকেল স্তাপশিং ৱাৎপগী খুদোং চাদবা অদু অথুবা মতমদা মেনশিল্লগনি হায়না হায়খ্রে৷

কেন্দ্রগী মন্ত্রীনা হয়জরিবা অদু হকশেল অমসুং হোম এফিয়র্সকী কেন্দ্রগী মন্ত্রালয়শিংনা তাবিদুনা জম্মু অমসুং মদুগী মনুং চনবা জিলাশিংদা লৈরিবা ফিভম অদু য়েংশিন্ননবগীদমক দা. সুধির কুমার সিংহনা লুচিংদুনা য়াম্না তেল্লবা মতম অসিদা সেন্ত্রেল মেদিকেল তীম অমা থাবিবগীদমক অপেনবা নুংঙাইবা ফোংদোকখ্রে৷ মহাক্না মখা তারদুনা অসুমনা ফোংদোকখ্রে মদুদি মফম অদুদা লৈরিবা লাইনা-লাইচৎ অদুগী ফিভম অদু ফগৎলক্ত্রিবা ফাওবা মমাংদা চয়োল অমগী মনুংদা অনিরক এমসকা তেলি কন্সল্তেসন তৌরম্বা অদুগী মথক্তা নুংতি নুমিৎ খুদিংগী ওইনা জম্মু দিভিজন্দা লৈরিবা মেদিকশিংগা লেপ্পা লৈতনা মখা তানা সেন্ত্রেল তীম অদুগা খুৎশম্নদুনা চৎমিন্নরগনি৷

লাইনা-লাইচৎ হেঙ্গৎলকপগী চাং অদু নমথনবা ইমর্জেন্সী ওইনা তঙাই ফদবা চেকশিন থৌরাং পুম্নমক লৌখৎলগনি হায়না ফোংদোকখ্রে৷ মহাক্নসু মখাতানা অনা-লাইয়েংশঙশিংদা মখোয় মশেলগী মরক্তা অমসুং লৈবাক মীয়ামগী মরক্তা লৌনরক্লিবা অদুদগী ঙাকথোক্ননবগীদমক কেন্দ্রগী হকশেল মন্ত্রালয়গী এস.ও.পি. অদু নিংথীজনা ইন্নবা হোস্পিতাল প্রোভাইদরশিংদা হায়জখ্রে৷ মহাক্নসু মখা তানা লাইনা-লাইচৎ অসিদগী ঙাকথোক্নবা অমসুং চেকশিন থৌরাংশিং লৌখৎন্নবগীদমক লাইচৎ অসিগী মতাংদা প্রজাশিংবু গ্যান তাহন্নবগীদমক লৈরিবা সিভিল সোসাইতী , মঙাল নাইরবা মীওইশিং অমসুং দর্মগী লুচিংবশিংগা লোইননা চাং নাইনা মীফম পাংথোক্ননবগীদমক শেল-থুমগী সেক্রেতরী(হেল্থ) অতল দুল্লোদা খঙহনখ্রে৷ কোবিদ কেয়রগীদমক দিজাইনেতেদ হেল্ফলাইন অমসুং কন্ত্রেোল রুম মথৌ নিংথীনা তৌহন্দুনা থম্নবা মহাক্না হায়খ্রে৷

নন-কোবিদ পেসেন্তশিংনা দরকার লৈরিবা খুদোংচাবাশিং অমসুং চেকশিন থৌরাং পুম্নমক ফংলগনি হায়দুনা দা.জিতেন্দ্র সিংহ হায়খ্রে অমসুং হিরম অসিদা রাজ্যগী হেল্থ ওথোরিতীশিংদা তঙাই ফদনা লৌখৎপা য়াবা খোংথাং পুম্নমক লৌখৎনবা খঙহনখ্রে৷ জম্মু দিবিজন্দা নাবাগী অমসুং শিবগী চাং ৱাংবা অসিদা পুকনিং লুপ্লদুনা, দা.জিতেন্দ্র সিংহনা সাইন্তিফিক ওইবা মওং অমদা এগ্রেসিভ অমসুং ফোকস তেস্তিং, কন্ত্রেক ত্রেসিং অমসুং আইসোলেসন তৌনবা অমসুং রেদ জোনশিং মশক খঙদোক্নবা হায়খ্রে৷

সেন্ত্রেল তীম অদুনা পুখৎলক্লিবা মরু ওইবা ইসু অহুম ওক্সিজেন সিলিন্দরশিং ৱাৎপগী, মেদিকেল স্তাপ ৱাৎপগী অমসুং কন্তেনমেনগী ৱাফম অদুনা হেন্না খুদোং চাবা পীদুনা খন্নরগনি৷ মহাক্না মখাতানা হায়রিবা অৱাৎপশিং অসি মেনখৎন্নবগীদমক মতম খরাগী ওইবা মওংদা লৌরিবা নর্সশিং, পেরা-মেদিকশিং অমসুং দোক্তরশিং অসিগী মহৈ অথুবা মতমদা ফংবা ঙম্লগনি হায়দুনা অপেনবা ফোংদোকখ্রে৷ কেন্দ্রগী মন্ত্রী অসিনসু অথুবা মতমদা মেদিকেল কোলেজশিংদা মতম কুইনা লৈহনবা য়াবা খোঙথাংশিং খুদম ওইনা দেদিকেতেদ ইনফেক্সিয়স মেদিকেলগী খুদোংচাবাশিং অমসুং ওক্সিজেন প্রান হেন্না লৈহন্ননবগীদমক খঙহনখ্রে৷

*****