প্রধান মন্ত্রীনা তকশিনবদগী, লৈবাক অসিদা অফবা মহৌশাগী অকোয়বগী ফিবম লৈহন্নবা পান্দমদা ২০২০গী জুন ২৮দগী জুলাই ১২ ফাওবা কলচর মিনিস্ত্রিনা ‘সংকল্প পর্ব’ পাংথোকখ্রে। লৈবাক অসি হিদাক ওইনা শীজিন্নবা উ মঙা হায়বদি (১)বারগাদ (২)অৱলা (৩)পিপাল (৪)অসোক (৫)বেলগী উ চারাশিং থানবা মিনিস্ত্রিনা পাউতাক পীখ্রে। মিনিস্ত্রিনা মসিগা চৎমিন্নরিবা মখা থাবা ওফিসশিং অমসুং ওতোনোমস ওর্গনাইজেসনশিংদা মখোয়গী ওফিস কেম্পসশিংদা উ চারাশিং থানবা খঙহনখ্রে। উ থাবগী থবক অসিগীদমক মিনিস্ত্রিনা তোখাইবা ফন্দ অমা পীদে। থৌরম অসিগীদমক মিনিসিস্ত্রিনা তোঙান তোঙানবা সোসিএল মেদিয়াদা পাউজেল শন্দোকখি। মসিগী খোঙজং অসিদা মিনিস্ত্রিগা চৎমিন্নরিবা মখা থাবা ওফিসশিং অমসুং ওতোনোমস ওর্গনাইজেসনশিংগী ওফিস কেম্পসশিংদা উ চারা ১১,৪৪২ হেন্না থাখ্রে।

ৱাফম অসি ঙসি লোক সভাদা অইবা ওইনা পীবা পাউখুম অমদা কলচর অমসুং তুরিজমগী রাজ্য মন্ত্রী(ইন-চার্জ) শ্রী প্রাহলাদ সিংহ পতেলনা ফোঙদোকখিবনি।

*****