অয়ুশকী মন্ত্রালয়না ২০২০গী ওগস্ত ফাওবদা লৈবাক অসিগী তোঙান তোঙানবা মফমশিংদগী কোবিদ-১৯ লাইনা অসি অয়ুশকী হিদাক্না লাইয়েংবা ঙমলে হায়দুনা লান্না পাউ শন্দোরকখিবা এদভর্তিসমেন্ত ১৫৪ ফংবা ঙমখি৷ মতাং অসিদা অয়ুশ মন্ত্রালয়না দ্রগস অমসুং কোসমেতিক এক্ত,১৯৪০ অমসুং দ্রগস অমসুং মেজিক রিমেদিস(ওবজেক্সনেবল এদভর্তিসমেন্ত)এক্ত ১৯৫৪ অমসুং মদুগী মনুংদা য়াওরিবা চৎনা পথাপশিংগী মতুং ইন্না লান্না হিদাক পুথোক্লিবা/এদভর্তাইজ তৌরিবশিংগী মথক্তা তঙাই ফদবা এক্সনশিং লৈখৎনবা অমসুং কোবিদ-১৯ লাইনা ঙাকথোকপদা অমসুং লাইয়েংবদা মাই পাক্না ঙমলে হায়না ক্লেম্প তৌরিবা অয়ুশকী হিদাকশিং অদু ভেরিফিকেসন তৌন্নবগীদমক ক্লিনিকেল ত্রাইয়েলগী অকুপ্পা মরোলশিং পীখৎলক্নবা রাজ্য/য়ু.তি. ওথোরিতীশিংদা খঙহনখ্রে৷ অয়ুশ মন্ত্রালয়না কোবিদ-১৯গী চেলেঞ্জ অসি থেংন্নবগীদমক অয়ুশকী হিদাকশিং অসি মতৌ কমদৌনা শিজিন্নগদগে হায়বশিং অদুগী মতাংদা প্রেক্তিসন্নরশিংগীদমক প্রব্লিক এদভাইজরীশিং অমসুং চৎনা-পথাপশিং মন্ত্রালয় অসিগী ৱেবসাইত www.ayush.gov.inদা ফোংখ্রে৷

কোবিদ-১৯ লাইনা লাইচৎ শন্দোরকপগী মতম অসিগী মনুংদা অয়ুশ মন্ত্রালয়না অয়ুশতা বেজ তৌবা হেল্থকেয়রগী পব্লিক এদভাইজরীশিং ফোংখিবদগী হিদাক্কী কৈথেলদা হকচাং ফনবা অমসুং ইম্ম্যুন কন্ননবা মশিং থিঙমদবা হিদাক্কী পোত্থোক কয়ামরোম থোক্লকখি অমসুং তু্ল্সি(ওসিমম সেঙ্কতম) মনাশিং :শরুক 4, দালচিনি(সিন্নামোমুমজেলানিকম) চাখোক্কী মকু :শরুক ২, শন্থি(জিঞ্জিবর ওফিসিনালি) রাইজোম :শরুক ২ অমসুং কৃষ্ঞ মারিচ(পাইপর নিগ্রুম) উহৈশিং :শরুক ১ পুনশিন্দুনা শেম্বা অয়ুশ ক্বাথ/অয়ুশ কুদিনর/অয়ুশ জোসন্দা কৌবা জেনেরিক হিদাকশিং অসি ময়ামদা খঙহনখি৷ অসিগু্ম্লবা হিদাকশিং অসি দর্গস অমসুং কোস্মেতিক রুল,১৯৪৫ চৎন-পথাপকী মখাদা অয়ুরবেদিক, সিধা অমসু উনানি(এ.এস.য়ু)দর্গসকী মনুং চনবদগী রাজ্যগী লাইসেন পীরিবা ওথোরিতীনা ময়ামগীদমক শানবা অমসুং শিজিন্ননবা লাইসেন্স পীবা হৌখ্রে৷

মথক্তা পনখিবা হকচাং কনখৎনবা হিদাকশিং অসি শিজিন্নবদগী থোকলকপা ফৎতবা ফোল অমত্তা রাজ্যশিং/য়ু.তি.শিংদগী লাকখিদে৷ অদুবু  এ.এস.য়ু.গী হিদাকশিংনা কোবিদ-১৯ ফহনবা ঙম্লে হায়না লান্না এদভর্তাইজ তৌবা য়াওরে হায়দুনা ফর্মকো ভিজিলেন্স সেন্তরশিংনা হায়রকপদগী মরী লৈনবা রাজ্যগী লাইসেন্স পীরিবা ওথোরিতীশিং/গর্গ কন্ত্রোলরশিং অমসুং মশানা হিদাক শাজবা/এদভর্তাইজ তৌজবশিংদা নিয়ম চুম্না তৌননবগীদমক খঙহনথ্রে৷

দ্রগস অমসুং কোসমেতিক এক্ত,১৯৪০গী অমসুং মদুগী মনুংদা য়াওরিবা চৎন-পথাপ অদুগী মতুং ইন্না অয়ুরবেদিক, সিধা অমসু উনানি দর্গশিং অমসুং অসিগুম্লবা হিদাক লাংথকশিং অসি য়োন্নবা শেম শাবদা অয়ুশ মন্ত্রালয়গী অয়াবা চংদে৷ অসিগুম্লবা হিদাক লাংথকশিং শেম-শাবা অমসুং ক্বালিতী য়েংশিন্ননবগীদমক রাজ্য সরকারশিংনা রাজ্যগী লাইসেন্স পীরিবা ওথোরিতী/দর্গ কন্ত্রোলরশিং খনদুনা থম্লি৷

হায়রিবা ৱারোল অসি হকশেল অমসুং য়াইফ য়ুম্বালগী মন্ত্রী দা.হর্শ বর্ধননা ঙসি লোক সভাদা অইবা ৱারোল অমা ওইনা পীশিনখি৷

*****

(Release ID: 1656598) Visitor Counter : 98