نئی دہلی،18 ستمبر،  حکومت نامیاتی زراعت سمیت زرعی بایوٹیکنالوجی میں مسابقانہ تحقیق وترقی اور مظاہرہ کرنے والی سرگرمیوں کے لیے تحقیقی اداروں، مرکزی اور ریاستی زرعی یونیورسٹیوں کی مدد کرتی ہے۔بایوٹیک- کرشی انوویشن سائنس ایپلی کیشن نیٹ ورک (بایوٹیک-کے آئی ایس اے این) پروگرام میں اختراعی نوعیت کی ٹیکنالوجیوں کو کسانوں تک پہنچانے کے لیے توجہ مرکوز کی جاتی ہے۔ ان سرگرمیوں کی پورے ملک میں حمایت کی جاتی ہے جن میں آرزومند اضلاع بھی شامل ہیں۔ پچھلے تین برسوں کے دوران اندازا 310 کروڑ روپئے کی سرمایہ کاری کی گئی۔

بیس ریاستوں اور مرکز کے زیر انتظام دو علاقوں نے بایو ٹیکنالوجی کی اپنی پالیسیاں تیار کی ہیں۔ (تفصیلات جدول نمبر 1 میں دی گئی ہیں)

حکومت نے بایو ٹیکنالوجی کے محکمے (ڈی بی ٹی) کے ذریعے بایو ٹیکنالوجی میں مربوط انسانی وسائل کی ترقی کے پروگرام پر عملدرآمد کیا ہے تاکہ زراعت سمیت مختلف شعبوں میں بایو ٹیکنالوجی میں تربیت یافتہ افراد فراہم کیے جاسکیں۔ ان میں کچھ اہم پروگرام اس طرح ہیں۔ پوسٹ گریجویٹ ٹیچنگ پروگرام، ڈی بی ٹی جونیئر ریسرچ فیلوشپ پروگرام، ڈی بی ریسرچ ایسوسی ایٹ شپ اور ڈی بی ٹی بایوٹینالوجی انڈسٹری ٹریننگ پروگرام (ایپرینٹس شپ) یہ پروگرام ہنرمند اور تربیت یافتہ افراد کے لیے ہیں۔ ان پروگراموں کی پورے ملک میں حمایت کی جاتی ہے۔

جدول نمبر 1

بایو ٹیکنالوجی پالیسی رکھنے والی ریاستوں / مرکز کے زیر انتظام علاقوں کی تفصیل:

سائنس اور ٹیکنالوجی، ارضیاتی علوم اور صحت نیز خاندانی فلاح وبہبود کے مرکزی وزیر ڈاکٹر ہرش وردھن نے آج لوک سبھا میں ایک سوال کے تحریری جواب میں یہ اطلاع  فراہم کی۔

****************

م ن۔ اج ۔ ر ا

U:5617