সেন্ত্রেল দ্রগ স্তেন্দার্দ কন্ত্রোল ওর্গনাইজেসন (সি.দি.এস.সি.ও.)না হায়খ্রে মদুদি তিকা য়াওনা অনৌবা হিদাকশিংগী ক্লিনিকেল ত্রাইএল তৌবা নত্ত্রগা য়োন্নবগী অয়াবা পীবগী তঙাইফদবশিং অমসুং চৎন-কাংলোনশিং অসি ন্যু দ্রগ এন্দ ক্লিনিকেল ত্রাইএল রুলস, ২০১৯দা পল্লি।

মখা তানা, হেল্থ রিসর্চ বিভাগকী মখাদা লৈবা ওতোনোমস ওর্গনাইজেসন অমা ওইরিবা  ইন্দিয়ন কাউন্সিল ওব মেদিকেল রিসর্চ (আই.সি.এম.আর.আ)না হায়খ্রে মদুদি তিকা অমা পুথোক্নবগী খোংথাংশিংদা মখাগীশিং অসি য়াওগনিঃ

১. অশোই অঙাম য়াওরোইদবা মতীক চাবা ভেক্সিন স্ত্রেন অমা খঙদোকপা অমসুং শেম্বা।

২. ইন-ভাইত্রো এক্সপরিমেন্তশিংনা ভেক্সিন স্তেনগী মগুন মপুং ফানা খঙদোকপা।

৩. অপীকপা শাশিং, উদি, থেবা, গিনিয়া পীগ, হেমস্তর অসিনচিংবশিংদা প্রি-ক্লিনিকেল ত্রাইএল পাঙথোকপা। মসিনা অশোই অঙাম য়াওদনবা অমসুং দোজগী চাং খঙদোক্নবগীদমক্নি।

৪. অচৌবা শাশিং (ফংবগী মতুং ইন্না)দা অশোই অঙাম য়াওদনবা, কদাইফাউবা ঙাকথোকপা ঙম্মি হায়বা খঙনবা অমসুং থাগদবা চাং অমসুং শেমগদবা চাং খঙনবা প্রিক্লিনিকেল স্তদীজ পাঙথোকপা।

৫. পোত্তুগী সেফতী খঙদোক্নবগীদমক ফেজ ১ হ্যুমেন ক্লিনিকেল ত্রাইএল। নম্বর অসি <১০০ ওই।

৬. ঙাকথোকপা ঙম্বগী চাংগী য়েংনবা ফেজ ২ হ্যুমেন ক্লিনিকেল ত্রাইএল। নম্বর অসি <১০০০ ওই।

৭. ইফিকেসী খঙদোক্নবগীদমক ফেজ ৩ হ্যুমেন ক্লিনিকেল ত্রাইএল। নম্বর অসি লিশিং কয়াদা লাক্কনি। ফেজ ৩ মায় পাক্লবা মতুংদা রিগুলেতরী এপ্রুবেল পীগনি।

৮. ফেজ ৪ নত্ত্রগা পোস্ত মার্কেতিং সর্বিলিএন্স স্তদী।

সি.দি.এস.সি.ও.না হায়খ্রে মদুদি কোরোনা ভাইরসকী তিকা রিসর্চ অমসুং দিবেলপমেন্ততা স্তেন্দার্ত প্রোসিজ্যুরদগী থৈদোকপগী রিপোর্ত অমতা লাক্ত্রি।

সেন্ত্রেল দ্রগ স্তেন্দার্দ ওর্গনাইজেসন (সি.দি.এস.সি.ও.)না হায়রি মদুদি মখাগী মেন্যুফেকচররশিং অসিদা কোবিদ-১৯ তিকাগী প্রিক্লিনিকেল তেস্ত, একজামিনেসন অমসুং ইনালাইসিস তৌনবগীদমক মেন্যুফেকচররগী লাইসেন্স পর্মিসন পীখ্রেঃ

১. এম./এস. সিরম ইন্সতিত্যুৎ ওব ইন্দিয়া প্রাইবেৎ লিমিতেদ, পুনে

২. এম./এস. কেদিলা হেল্থ কেয়র লিমিতেদ, অহেমদবাদ

৩. এম./এস. ভারত বাইওতেক ইন্তর্নেসনেল লিমিতেদ, হাইদেরবাদ

৪. বাইওলোজিকেল ই. লিমিতেদ, হাইদেরবাদ

৫. এম./এস. রিলাইএন্স লাইফ সাইন্স প্রাইবেৎ লিমিতেদ, মুম্বাই

৬. এম./এস. ওরোবিন্দো ফার্ম লিমিতেদ, হাইদেরবাদ

৭. এম./এস. জেন্নোভা বাইওফার্মাস্যুতিকেল লিমিতেদ, পুনে

হেল্থ রিসর্চ বিভাগকী মখাদা লৈবা ওতোনোমস ওর্গনাইজেসন অমা ওইরিবা  ইন্দিয়ন কাউন্সিল ওব মেদিকেল রিসর্চ (আই.সি.এম.আর.আ)না হায়খ্রে মদুদি কোবিদ-১৯ তিকা অমা পুথোক্নবগী মখাগী স্তদীশিং অসি পায়খৎখ্রেঃ

১. ভারত বাইওতেক ইন্তর্নেসনেল লিমিতেদ (বি.বি.আই.এল.)না আই.সি.এম.আর.- নেসনেল ইন্সতিত্যুৎ ওব ভাইরোলোজী (এন.আই.ভি.), পুনেনা পীবা ভাইরস আইসোলেৎ (এন.আই.ভি.-২০২০-৭৭০) শীজিন্নদুনা সার্স-কোব-২গী এক্তিবেতেদ হোল ভাইরিওন কেন্দিদেৎ ভেক্সিন (বি.বি.ভি. ১৫২) অমা পুথোকখ্রে। ভেক্সিন কেন্দিদেৎ অসিগী মগুন অসি আই.সি.এম.আর.- নেসনেল ইন্সতিত্যুৎ ওব ভাইরোলোজীনা সেফতী অমসুং তোলরেবিলিতী স্তদীশিং অপীকপা শাশিং, উচী, মাইস অমসুং থেবদা পাঙথোকখ্রে। ক্লিনিকেল ত্রাইএল অসিগী হৌজিক লৈরিবা ফিবম মখাদা পীরিঃ

• হেমস্তর অমসুং রিস্যুস্তা তৌবা ফেজ ১ ক্লিনিকেল ত্রাইএল মপুং ফানা লোইখ্রে। ত্রাইএল অসিনা কেন্দিদেৎ ভেক্সিন অসিগী অশোই অঙাম য়াওদবা মগুন উৎলে। ইম্যুনোজেনিসিতী তেস্ত চত্থরি।
• ফেজ ২ ক্লিনিকেল ত্রাইএল পায়খৎলি।

২. কেন্দিলা হেল্থকেয়র লিমিতেদনা দি.এন.এ. ভেক্সিন (জাইকোব-দি.) পুথোকখ্রে। প্রি-ক্লিনিকেল তোক্সিসিতী স্তদীসু অপীকপা শাশিংদাঃ উচী, মাইস, থেবা অমসুং গিনিয়া পীগতা পাঙথোকখি। ভেক্সিন অসি অশোই অঙাম য়াওদে অমসুং ইম্যুনোজেনিক ওই হায়বা উৎলে। কেদিলানা আই.সি.এম.আর.গা পুন্দুনা রিসস মেকাক্যুস্তা প্রি-ক্লিনিকেল ত্রাইএল পাঙথোক্কনি। ক্লিনিকেল ত্রাইএল অসিগী হৌজিক্কী ফিবম মখাদা পীরি;

• ফেজ ১ ক্লিনিকেল ত্রাইএল লোইখ্রে। ত্রাইএল অসিনা কেন্দিদেৎ ভেক্সিন অসি অশোই অঙাম য়াওদে হায়বা উৎলে। ইম্যুনোজেনিসিতী তেস্ত তৌরি।
• ফেজ ২ ক্লিনিকেল ত্রাইএল চত্থরি।

৩. সেরম ইন্সতিত্যুৎ ওব ইন্দিয়া (এস.আই.আই.) অমসুং আই.সি.এম.আর.না পুন্না গ্লোবেল ভেক্সিন কেন্দিদেৎ অনীগী ক্লিনিকেল দিবেলপমেন্ত পাঙথোক্কনিঃ

• সি.ঐচ.এ.দি.ও.এক্স.১-এস. অসি য়ুনিবর্সিতী ওব ওক্সফোর্দ/এস্ত্রা জেনেকানা পুথোকপা নোন রেপ্লিকেতিং ভাইরেল ভেক্তর ভেক্সিন অমনি। ভেক্সিন অসিগী ফেজ ৩ ক্লিনিকেল ত্রাইএল ব্রাজিলদা পাঙথোক্লি। ফেজ ২/৩ ব্রিদজিং স্তদীনা আই.সি.এম.আর.না ক্লিনিকেল ত্রাইএল ১৪দা পাংথোক্কনি। আই.সি.এম.আর.- নেসনেল ইন্সতিত্যুৎ ওব রিসর্চ ইন ত্যুবর্কুলোসিস (এন.আই.আর.তি.), চেন্নৈনা লুচিংবা ইন্সতিত্যুৎ ওইরি।
• আই.সি.এম.আর. অমসুং এস.আই.আই.না য়ু.এস.এ.গী নোভাভাক্সনা পুথোকপা গ্লাইকোপ্রোতিন সবয়ুনিৎ নেনোপার্তিকল এদজুবান্তেদ ভেক্সিনগী ক্লিনিকেল দিবেলপমেন্তকীদমক পুনলি। ত্রাইএল অসি ওক্তোবরগী অনীশুবা শরুক্তা ভেক্সিন অসি এস.আই.আই.না পুথোক্লবা মতুংদা পাঙথোক্কনি। ত্রাইল অসি আই.সি.এম.আর.- নেসনেল এদস রিসর্চ ইন্সতিত্যুৎ (নারি), পুনেনা লুচিংগনি।

বাইওতেক্নোলোজী বিভাগ (দি.বি.তি.)/সাইন্স অমসুং তেক্নোলোজী বিভাগ (দি.এস.তি.)না পীবা অকুপ্পা মরোলগী মতুং ইন্না, পুথোকপগী তোঙান-তোঙানবা তাংকক্তা লৈরিবা ভেক্সিন কেন্দিদেৎ ৩০ রোম শৌগৎলি।

রাজ্যগী মন্ত্রী (হকশেল অমসুং য়াইফ য়ুম্বাল মন্ত্রালয়), শ্রী অস্বিনি কুমার চৌবেনা লোক সভাদা ঙসি অইবা পাউখুম ওইনা পীখি।

*****

(Release ID: 1656422) Visitor Counter : 116