খুঙ্গংদা চহি চুপ্পা চৎপা য়াবা লম্বী শেমগৎনবা পান্দমদা প্রধান মন্ত্রী গ্রাম সরক য়োজনা(পি এম জি এস ৱাই) হৌদোকখি।খুঙ্গংগী মীয়ামগী শেন-থুম অমসুং খুন্নাইগী ফিবম ফগৎহন্নবা তম্পাক্কী শরুক্তা অপুনবা মীশিং ৫০০দগী হেনবা, অৱাং-নোংপোক রাজ্যশিং, হিমালয়গী রাজ্যশিং অমসুং লৈকংলা অমসুং ত্রাইবেলশিংগী খুঙ্গংশিংদা অপুনবা মীশিং ২৫০(২০০১গী মীকোক থিবা মতুংইন্না)লৈবা লম্বী লৈতবা খুলশিং য়োজনা অসিগী মখাদা লম্বী শেম্লি। য়োজনা অসিগী মরুওইবা পান্দমদি লম্বী লৈতবা খুঙ্গংশিংদা কুম্বী-কালেন নাইদনা চৎপা য়াবা লম্বী ফংহনবনি। রাজ্যশিংগী ওইনা শেমগদবা কক্নবা কিলোমিতর মশিং নৎত্রগা শেনফম নৎত্রগা চাকথুংগী মতাংদা চপ চানা লেপ্পা লৈতে। রাজ্যশিংদা অয়াবা পীরবা প্রোজেকশিংগী ভেলুশিং অদু য়েংলগা মতুংতারকপা চহিশিংদা রাজ্যশিংদা ফন্দ পীগনি।

হৌজিক লৈরিবা কিলোমিতর ৫০,০০০গী খুঙ্গংগী লম্বীশিং ফিবম ফগৎহন্নবা ২০১৩দা সরকারনা প্রধান মন্ত্রী গ্রাম সরক য়োজনা-২ হৌদোকখি অমসুং খুঙ্গংশিং শম্নবা মরুওইবা লম্বীশিং, খুঙ্গংগী কৈথেলশিং শম্নবা লম্বীশিং, হয়র সেকেন্দরি স্কুলশিং অমসুং হোস্পিতালশিং য়ৌবা কিলোমিতর ১,২৫,০০০গী লম্বীশিং শেমগৎনবা ২০১৯দা প্রধান মন্ত্রী গ্রাম সরক য়োজনা-৩ হৌদোকখি। মথক্কী প্রধান মন্ত্রী গ্রাম সরক য়োজনা মখল অনি অসিদা শেমগদবা লম্বীগী অশাংবা অদু য়েংলগা রাজ্যশিংদা অয়াবা পীরবা প্রোজেকশিংগী ভেলুশিংগী মতুংইন্না কেন্দ্রগী পীফম থোকপা ফন্দ পীগনি অমসুং রাজ্যশিংগী ওইনা শেমগদবা লম্বীগী পান্দমশিং থমখি।

ইন্দিয়ান রোদ কংগ্রেস(আই আর সি)গী রুরেল রোদ মেনুএলগী মখাদা খুঙ্গংগী লম্বীশিং শেম্নবা রুরেল দিবলপমেন্ত মিনিস্ত্রিনা পীবা তেক্নিকেল অমসুং জিওমেত্রিক দিজাইনশিংগী মতুংইন্না পি.এম.জি.এস.ৱাইগী মখাদা খুঙ্গংগী লম্বীশিং শেমগৎলে অমসুং য়েংশিল্লে। চীংগী ওইনা হিল রোদ মেনুএল অমসুং তোপ্পা মরী লৈনবা আই.আর.সি কোদশিং অমসুং মেনুএলশিং শীজিন্নৈ। লম্বীগী দিজাইন অমসুং মথক্কী শরুক খনবা অসি ত্রাফিক, লৈবাক-লৈহাও মখল অমসুং নোং চুবগী চাং য়েংলগা লেপ্পী। চৎথোক-চৎশিন য়ামদবা খুঙ্গংগী লম্বীশিংগী ওইনা ফ্লেকজিবল পেপমেন্তশিং দিজাইন তৌবদা আই.আর.সি: এস.পি:৭২-২০১৫ নৎত্রগা আই.আর.সি: ৩৭-১০১৮ শীজিন্নৈ অমসুং অকনবা পেপমেন্তশিংগী ওইনা আই.আর.সি: এস.পি:৬২-২০১৪ শীজিন্নৈ।

মরী লৈনবা রাজ্য সরকারশিংনা পীখৎলকপা দিতেল প্রোজেক রিপোর্ত(দি পি আর)দা য়ুম্ফম ওইরগা স্কিম অসিগী মখাদা থবকশিং মিনিস্ত্রিনা সেঙ্কসন তৌখি। রাজ্য সরকারশিংনা দি.পি.আরশিং শেম্বা মতমদা লমগী ফিবম, লৈবাক লৈহাও মখল, ক্লাইমেত, ত্রাফিক্কী চাং, নোং চুবগী ফিবম, দরকার ওইবা ক্রোস দ্রনেজ(সি দি)গী থবকশিং, খোঙবালশিং অমসুং আই.আর.সি অমসুং রুরেল দিবলপমেন্ত মিনিস্ত্রিনা পীবা তেক্নিকেলগী ৱারোলশিং খন্নবা দরকার ওই।  

লম্বী অমা শেম্বদা চঙগদবা শেনফম থৌরাং তৌবা মতমদা লম্মিৎ-তুমিৎ অমসুং মরী লৈনবা হিরমশিং য়েংশিনখি। পি.এম.জি.এস.ৱাই-১গী মখাদা লম্বী শেম্বা য়ারবা মী তাবা মফমশিংদা য়ুম্ফম ওইরগা শেমগদবা লম্বীশিংগী পান্দমশিং থমখি, পি.এম.জি.এস.ৱাই-২ অমসুং পি.এম.জি.এস.ৱাই-৩গী ওইনা লম্বীগী অশাংবদা য়ুম্ফম ওইরগা ফন্দ পীবদা, রাজ্যশিংগী লম্মিৎ-তুমিৎ অমসুং মরী লৈনবা হিরমশিং য়েংলগা রাজ্যশিংদা ফন্দ পীবদা অকায়বা অমতা লৈতে।

অৱাং-নোংপোক রাজ্যশিং অমসুং হিমালয়গী রাজ্যশিংদা স্কিম অসিগী মখাদা পায়খৎপা প্রোজেকশিংগী অচঙবা শেনফমগী চাদা ৯০ কেন্দ্র সরকারনা পুথোক্লি অমসুং অতোপ্পা রাজ্যশিংগীনা কেন্দ্র সরকারনা চাদা ৬০ পুথোক্লি।

ৱাফম অসি ঙসি রাজ্য সভাদা অইবা ওইনা পীবা পাউখুম অমদা রুরেল দিবলপমেন্ত অমসুং পঞ্চায়াতি রাজগী য়ুনিয়ন মিনিস্তর শ্রী নরেন্দ্র সিংহ তোমারনা ফোঙদোকখিবনি।

*****