কোরোনা ভাইরস অসি খঙহৌদনা শন্দোরকপা অসিনা মরম ওইরগা মালেমগী অচৌবা ইকোনোমীশিং খরদি য়াম শাথীনা শোকহল্লি৷ গ্লোব অসিগী ললোন-ইতিক্তা মমিং লৈরবা লৈবাকশিং য়ু.এস.এ., য়ুরোপিয়ন য়ুনিয়ন, য়ু.কে. অমসুং ভারত য়াওনা য়াম্না ফিভম কাইবা মওংদা শোকহল্লি৷ কোবিদ-১৯ লাইচৎ অসি শন্দোরকপা হন্থহন্ননবগীদমক চৎথরিবা লোকদাউন অসিনা মরম ওইরগা ৱল্দ বেঙ্ক অমসুং আই.এম.এফ. অনিনা এফ.ৱাই. ২০২০-২১গী গ্লোবেল জি.দি.পি.দা হন্থরক্কদ্র হায়না পানরি৷ লৈবাক শিনবা থুংনা তৌরিবা লোকদাউন অসিনা মরম ওইরগা তোঙান তোঙানবা সেক্তরশিংদা শোকহল্লে৷ অদুম ওইনমক লোকদাউন অসি হাংদোরক্লবা মতুংদদি ঐখোয়না শেল-থুমগী ফিভম তোঙান তোঙানবা সেক্তরদা ফগৎলকপা উরে৷

ইন্দস্ত্রীশিং অমুক হন্না মথৌ তৌবা হৌনবগীদমক সরকারনা তোঙান তোহানবা খোঙথাংশিং লৌখৎখ্রে, মখোয়শিং অদুগী মনুংদা খরা অদুদি:

(i) এম.এস.এম.ই.শিংগী রিলিফ মিজরশিং খুদম ওইনা ক্রেদিত গরেন্তী চাদা চাম্মা পীদুনা কোলেতরেল-ফ্রী লেন্দিং প্রোগ্রাম, পার্সিয়েল গরেন্তীগা লোইননা স্ত্রেস এম.এস.এম.ই.শিংগী সব-ওর্দিনেত দেবত পীবা, নন-বেঙ্ক ফাইনান্স কম্পেনীশিং, হাউশিং ফাইনান্স কম্পেনীশিং(ঐচ.এফ.সি) অমসুং মাইক্রো ফাইনান্স ইন্সতিত্যুসনশিংদগী পব্লিক সেক্তর বেঙ্কশিংনা শেল পুরুবগী পার্সিয়েল ক্রেদিত গরেন্তী স্কিম পীবা, এম.এস.এম.ই.শিংদা ইক্ব্যুইতী ইনফ্যুজনগীদমক ফন্দ ওফ ফন্দ পীবা, লৌমীশিংদা(পি.এম. সবানিদিগী) মখাদা ক্রেদিতশিং তাবিবা অমসুং স্ত্রীত ভেন্দরশিংগীদমক খুদোং চাবা ফংহনবা৷

(ii)রিগুলেতরী অমসুং কম্প্লাইন্স মিজরশিং: তেক্স ফাইলিং অসমুং অতোপ্পা কম্প্লাইন্স দেদলাইনশিংবু থেংথহনবা, জি.এস.তি. ফাইলিং তৌবদা মতম হেন্দোকখিবদগী পেনালতী ইন্তরেস্ত রেত হন্থহনবা, সরকারগী প্রোক্যুরমেন্ত রুলশিং হোংহনবা, এম.এস.এম.ই.শিংগী শিংদ্রিবা শেনফমশিং শিংদোকহনবা, এম.এস.এম.ই.শিংগীদমক আই.বি.সি.গা মরী লৈনবাশিংদা কোমথোকপিবা৷

(III)অত্মনির্ভর পেকেজকী শরুক অমা ওইনা স্ত্রকচরেল রিফোমশিং ফোংবা৷ রিফোম অসিগী মনুং চল্লিবশিং অদুদি এগ্রিকলচরেল সেক্তরদা লৈরমলিবা চৎনা-কাংলোনশিং অদু চৎনহনদবা, এম.এস.এম.ই.গী ৱাহন্থোক হোংহনবা, অনৌবা পি.এস.য়ু. পোলিসী শেম্বা, কোইল মাইনিংবু শেলমিৎলোন ওন্থোকহনবা, দিফেন্স অমসুং স্পেস সেক্তরদা এফ.দি.আই. লিমিতশিংবু হেঙ্গৎহনবা, ইন্দস্ত্রী লেন্দ/লেন্দ বেঙ্ক অমসুং ইন্দস্ত্রীয়েল ইনফোর্মেসন সিস্তেম চাউখৎহনবা, সোসিয়েল ইনফ্রাস্ত্রকচরগীদমক ভাইয়েবিলিতী গেপ ফন্দিং স্কিমবু হেন্না পাকথোক চাওথোকহনবা, অনৌবা পৱার তেরিফ পোলিসী অমসুং সেক্তর রিফোর্মশিং অসি শেমগৎ-শাগৎপদা রাজ্যশিংদা হেন্না থৌনা পীবা৷

(IV) ই.পি.এফ. কন্ত্রিব্যুসনশিং হন্থহনবা, মাইগ্রেন্ত শিন্মীশিংগীদমক থবক পীবা, হেল্থ কেয়র সেক্তরদা লৈরিবা শিন্মীশিংবু ইন্সুরেন্স পীবা অমসুং এম.জি.এন.আর.ই.জি.এ. শিন্মীশিংগী খুৎশুমল হেঙ্গৎহনবা অমসুং য়মকৈ,লম্বী-থোং শেমগৎ শাগৎপদা শিজিন্নরিবা শিন্মীশিংবু মতেং পাংবিবা, সেল্ফ হেল্ফ গ্রুপশিংদা কোলেতরেল ফ্রী লোনশিং পীবা. অসিদসু নত্তনা সরকারনা নেস্নেল ইনফ্রাস্ত্রকচর পাইপলাইন হৌদোকখ্রে, ফেস মেনুফেকচরিং প্রোগ্রাম পাকথোক চাওথোকহনখ্রে, লিঙ্ক ইন্সেনতিব স্কিমশিং পুথোকপা অমদি ইনভেস্তমেন্ত অদু মথং-মনাও নাইনা লৌইশিন্ননবগীদমক সেন্ত্রেলাইজ ইনভেস্তমেন্ত ক্লিয়রেন্স সেল শেমগৎপা৷   

কোবিদ-১৯গী চেলেঞ্জ অসি ভারতনা মাই পাকনা থেংনবা ঙমলে৷ ভারতকী মনুফেকচরসশিংনা লৈবাক মনুং অমসুং মপান লৈবাকনা তঙাই ফদনা চংলিবা পি.পি.ই., এন.৯৫ মাক্স, ঐচ.সি.ক্যু.মিদিসিন অমসুং ওক্সিজেন সিলিন্দরশিং হান্নদগী চাং ৱাংনা পুথোকপা ঙমলে৷ ভারক্কী শেল-থুমগী ফিভম অসি মশাগী হান্নগী ফিভমদা য়াম্না লাইনা হঞ্জিনবা ঙমবগী মমিং চৎলি অমসুং লাক্লিবা থা খরা অসিদা অৱাংবা থাক্তা হেঙ্গৎলকপা ঙমগনি হায়দুনা থাজৈ৷

হায়রিবা ই-পাউ অসি কমমর্স অমসুং ইন্দস্ত্রীগী কেন্দ্রগী মন্ত্রী শ্রী পিয়ুস গোয়লনা ঙসি পাঙথোকখিবা লোক সভাদা অইবা ৱারোল অমা ওইনা পীশিনখি৷

*****