স্পোর্তস ওথোরিতী ওফ ইন্দিয়াগী সোনীপতকী নোর্দন রিজনেল সেন্তরনা ঙসি ফিৎ ইন্দিয়া ফ্রীদম রনগী শরু য়ারিবা মীওই ৩৯১গা লোয়ননা ৱারী ৱাতাই শান্নবা ওনলাইনগী থৌরম অমা শিনখ্রে। পুং অমগা মখাইরোম শাংবা থৌরম অদুদা ৱাঙাংলোয়শিংগী মরক্তা মথং শিৎনা ২০১৯ অমসুং ২০২০গী স্তার রেস্লর অমসুং খেল রত্নাদা থোইখ্রবা বজরঙ্গ পুনিয়া অমসুং বিনেশ ফোগাতনা ৱা ঙাংলোয় ওইখি। থৌরম অসি সাই এন.আর.সি. সোনীপতকী রিজনেল দিরেক্তর ললিতা শর্মনা হৌদোকখি অমসুং সাই সোনীপত অমসুং হরিয়ানাগী হিসার, ভিৱানী, করুক্ষেত্র, বৱানা অমসুং রোহতক হায়রিবশিং অসিগী সাই সেন্তরশিংদগী শান্নরোয়শিং অমসুং কোচশিংনা শরুক য়াবা উবা ফংখি।থৌরম অসি প্রিন্ত অমসুং ইলেক্ত্রোনিক মীদিয়াগী মীহুৎশিংনসু শরুক য়াখি।স্পোর্তস ওথোরিতী ওফ ইন্দিয়াগী হায় পর্ফোর্মেন্স দিরেক্তর ওইরিবা অমদি খেল রত্না এৱার্দ ফংখ্রবা পুশপেন্দ্র গর্গনা হকচাং ফনা থম্বা অমসুং ফিৎ ইন্দিয়া ফ্রীদম রনগী কান্নবশিংগী মতাংদা ৱা ঙাংখি।রোহতককী সাই নেস্নেল বোক্সিং একাদেমীগী সি.ই.ও. সতিশ সর্হাদিনা থৌরম অসি লোয়শিনবগী ৱারোল পীখি।

বজরঙ্গ পুনিয়ানা অফবা মাই পাকপা লৈবাক অমা শেম্নবা হোৎনবদা হকচাং ফনা লৈবগী মরু ওইবা অদুগী মতাংদা ফোঙদোকখি, “করিগুম্বা অদোমনা অফবা মাই পাক্লবা লৈবাক অমদা য়েংলুবা মতমদা, মদুদা হকচাং ফবা মীওইগী মশিং ৱাংলমগনি। অদোমগী ইমুং-মনুংগী মীওইশিং অমসুং খুন্নাই অসিদা লৈরিবা মীওইশিং হকচাং ফনা লৈহন্নবা অদোমনা হায়বীয়ু হায়না ঐহাক্না থৌগৎচনীংঙি। করিগুম্বা অদোম ইশাবু হকচাং ফনা থম্বা ঙম্লবদি অদোম ইশানা লায়না তিন্নাদগী ঙাকথোকপা ঙম্নি। শান্নরোয় অমা ওইনা করিগুম্বা ঐখোয়না হকচাং ফনা লৈরবা অমদি নিয়ম চুম্না চারবদি ওলেম্পিক মেদেল ফংবদা মাই পাকপা ঙম্বা য়াওনা ঐখোয়না ঐখোয়গী পান্দমশিংদা মাই পাকপা ঙমগনি।”

বিনেশ ফোগাতনা প্রধান মন্ত্রী অমসুং স্পোর্তস মন্ত্রীনা লৌখৎলিবা থৌরাংশিং অসি থাগৎপা ফোঙদোকী অমসুং মহাক্না শান্নরোয়শিংনা খুন্নাইদা লৌগদবা থৌদাংশিংগী মতাংদা ৱা ঙাংখি, “ফিৎ ইন্দিবা ফ্রীদম রন অসি স্পোর্তস মন্ত্রীনা লৌখৎপা য়াম্না ফবা থৌরাং অমনি। শান্নরোয় অমা ওইনা ঐহাক্না হকচাং ফনা লৈদুনা কান্নবা কয়া ফংঙি অদুবু করিগুম্বা ঐখোয়গী অকোয়বদা লৈরিবা মীওই খুদিংমক্না হকচাং ফনা লৈরবদি ঐখোয়না হেন্না থৌনা লৈগনি। কোরোনাভাইরসকী লায়চৎ মনুংদা হকচাং ফনা লৈবা মীওইশিং অদুনা লায়না অসিদগী থুনা ফগৎপা ঙম্মি। ঐখোয়গী প্রধান মন্ত্রীনা শান্ন-খোৎনবগী থবক কয়া মরুম লৌখৎখ্রে, হৌখিবা চহি ৫০৬ অসি ভারতকী শান্ন-খোৎনবগী য়াম্না ফবা অমনি অমসুং শান্নরোয় অমা ওইনা ময়ামগী অফবা খুদম অমা ওইবা হায়বসি য়াম্না মরুওই। পি.এম. অমসুং স্পোর্ত মন্ত্রীবু মখোয়না ভারতকী শান্ন-খোৎনবগী পাংথোক্লিবা থবকশিং অসিগীদমক ঐহাক্না থাগৎপা ফোঙদোকচরী”। 

অর্জুন এৱার্দী অমসুং ২০১৪গী এসিয়ন পেরা গেম্সতা সনাগী তকমাল ফংখিবা অমিৎ সরোহানা হায় শোয়নাইবা হায়বসি হকচাং ফনা লৈবদগী অপনবা অমা ওইহল্লোইদবনি, “ঐহাক হ্‌বীলচ্যেরদা তাংজদুনা লৈ মরম অদুনা ঐহাক চেনবা ঙমদে, অদুবু মসিনা ঐহাক হকচাং ফনা লৈতে হায়বদি য়ারোই। করিগুম্বা অদোম্না হকচাং ফনা লৈরবদি লৈবাক অসিগী অফবা ওইরক্কনি”।  

অর্জুন এৱার্দ ফংখ্রবা বোক্সর অখিল কুমারনা হায় “করিগুম্বা অদোমগী হকচাং ফনা লৈরবদি অদোমগী অশোকপদগী থুনা ফগৎলকপা ঙমগনি। ঐহাক্না ঐহাক্কী মরুপ এথলেৎ পুম্নমক্তা মখোয়গী হকচাং ফনা লৈনবা, মখোয়গী হকচাং ফজনা য়েংশিন্নবা অমসুং নিয়ম চুম্না চানবা পুক্নিং থৌগৎলি”।  

“নুপীগী হোকি শান্নরোয় অমসুং অর্জুন এৱার্দ ফংখ্রবা দীপিকা থাকুরমা মমা অমা ওইরা মতুংদা হকচাং ফনা লৈবদা মহাক্কী মীৎয়েং মীয়ামদা ফোঙদোকখি মদুদি, “ঐহাক্কী চহি অমা ফারবা অঙাং অমা লৈ, মসি অরুবা অমদি ওই অদুবু ঐহাক্না ঐগী অঙাং হৌগৎলক্ত্রিঙৈদা ঐহাক্কী হকচাং শাজেল তৌনবা অয়ুক্তা পুং অমা কায়থোক্নবা হোৎনৈ। ঐহাক্না অঙাং অমা লৈরবা ফাওবদা মতম কায়থোকপা ঙম্লবদি অতোপ্পশিংনসু ঙমগনি। পুন্সিদা দিসিপ্লিন ঙাক্না চৎপা হায়বসি মরুওই”।

থৌরম অদুগী অতোপ্পা ৱাঙাংলোয়শিংদি হন্দক চহিগী তেনজিং নোর্গে নেস্নেল এদভেঞ্চর এৱার্দ ফংখিবা চিংকারোয় অনিতা কুন্দু; হন্দক চহিগী ধ্যানচান্দ এৱার্দ ফংখ্রবা কবাদি কোচ, মনপ্রীৎ সিংহ; হন্দক চহিগী দ্রোনাচার‍্য এৱার্দ ফংখ্রবা রেস্তলিংগী কোচ, ওম প্রকাশ দাহিয়া অমসুং স্পোর্তস ওথোরিতী ওফ ইন্দিয়াগী হাই পর্ফোরমেন্স মেনেজর, পুনম বেনিৱালনি। 

*****

(Release ID: 1655318) Visitor Counter : 123