এপ্রিলদগী ওগস্ত ফাওবগী মনুংদা এস.ই.জেৎ.কী মর্চেন্দাইস এক্সপোর্ত তৌবগী মতাংদা চাংদম্নবগী ৱারোলশিং মখাদা পীরিঃ

তৌবতবু মমাং চহিগী মান্নবা মতমগা চাংদম্নবদা হন্দক্কী চহিগী এপ্রিলগী মনুংদা সর্বিস এক্সপোর্তনা ৯%গী শাহৌ লৌবগী মশক উৎলি।

এস.ই.জেৎ.কী পোত্থোক শাবশিং/পুন্না শামিন্নবশিং/য়ুনিৎশিংদা তেংবাং পীনবগীদমক্তা কোবিদ-১৯গী লায়চৎ মনুংদা মখাদা পীরিবা খোঙথাংশিং অসি পায়খৎখ্রেঃ

১) তোঙান তোঙানবা কমপ্লাইএন্স কয়া ফাইল তৌবগী অরোইবা নুমিৎ অসি ৩১/৩/২০২০দগী ৩০/৬/২০২০ ফাওবা শাংদোকখি, খুদম ওইনা পল্লবদা ক্বারতর্লী প্রোগ্রেস রিপোর্ত (ক্যু.পি.আর.), এস.ও.এফ.তি.ই.এক্স. ফোর্ম অমসুং এনুএল পর্ফোর্মেন্স রিপোর্ত (এ.পি.আর.)।

২) কোবিদ লায়চৎ মনুংদা লোইগদবা লেত্তর ওফ এপ্রুবেলশিং (এল.ও.এ.) অমসুং অতোপ্পা কমপ্লাইএন্সশিং অসি ইলেক্ত্রোনিক্কী খুত্থাংদা অকক্নবা মতমগী মওংদা শাংদোকহন্নবা হায়দুনা দিবেলপমেন্ত কম্মিস্নরশিং (দি.সি.)দা খঙহনখিবা লৈখ্রে। মখা তাবা ওইনা ইলেক্ত্রোনিক্কী খুত্থাংদা অসিগুম্বা থৌওং পাঙথোকপা য়াদবশিংগী ওইনা থবক তৌবদা অয়েৎপা লৈতনবা য়েংশিন্নবা হায়দুনা অমসুং এদ-হোক ইন্তেরিম এক্সতেন্সন/এক্সপাইরী ওইবগী নুমিৎশিং অসি অচান মীরায় নাইদনা ৩০/৬/২০২০ ফাওবা শাংদোকহন্নবা দি.সি.শিংদা খঙহনখিবসু লৈখ্রে।

আই.তি./আই.তি.ই.এস. য়ুনিৎশিংগা লোয়ননা এস.ই.জেৎ.শিংগী নন আই.তি./আই.তি.ই.এস. য়ুনিৎশিংসু মখোয়গী থবক মফমদগী দেস্কতোপ অমসুং লেপতোপশিং য়ুমদা পুবা য়াহনখি। মসিনা লোকদাউন লৈজরবসু আই.তি./আই.তি.ই.এস.কী শেক্তরশিংদা শাহৌ লৌবা ঙমহনখি।

১) তঙাই ফদবা মাস্ক, সেনিতাইজর, গাউন অমসুং অতোপ্পা তেক্ত কায়দনবা পোত্থোকশিং/ঙাক শেনবগী পোত্থোকশিং অমসুং খুৎলায়শিং শেম-শাবগী থবকশিং অসিবু এপ্রুবেল কম্মিত্তীনা পোস্ত-ফেক্তো রেতিফিকেসন তৌহন্দুনা পাকথোক চাউথোকহনবগী শক্তি অসি দিবেলপমেন্ত কম্মিস্নরশিংদা পীখি।

২) শেনবা চহি ২০২০-২১গী ওইনা কেন্দ্র সরকারগী এস.ই.জেৎ. য়ুনিৎশিংগী লীজকী ভরাদা হেনগৎপা য়ারোই হায়বগী ৱারোল থোকখি।

৩) কেন্দ্র সরকারগী এস.ই.জেৎ. য়ুনিৎশিংগী লীজকী ভরা পীবগী নুমিৎ অসি জুলাই ৩১, ২০২০ ফাওবা থেংথহনখি। মখা তাবা থৌওং অমা ওইনা য়ুনিৎশিং অসিনা ওক্তোবর ১, ২০২০দগী হৌদুনা অহানবা ক্বার্তরগী ভরা অসি ইন্সতোলমেন্ত তরুক থোক্না মান্না য়েন্থোক্তুনা পীহন্নবা দি.সি.শিংদা হায়খি।

• দিবেলপমেন্ত কম্মিস্নরশিংদা মখোয়গী জোনশিংদা লৈরিবা রাজ্য সরকার/লন্নাইগী এস.ই.জেৎ. শাবা মীওইশিংগীসু মান্নবা তেংবাং পীনবা খন্ননবা হায়খি।
• দি.সি. খুদিংদা ইলেক্ত্রোনিক্কী থবক তৌবগী মওং পাঙথোকপগী মতাংদা খঙহনখি অমসুং হিদাক, তঙাই ফদবা পোত্থোকশিং শাবশিংদা তঙাই ফদবা তেংবাং পীদুনা কোবিদকী চৎন-কাঙলোনশিং ইলহন্নবসু হায়খি।

মসিগী ৱাফম অসি কম্মর্স অমসুং ইন্দস্ত্রীগী কেন্দ্র মন্ত্রী শ্রী পিয়ুশ গোয়লনা ঙসি রাজ্য সভাদা অইবা পাউখুম ওইনা পীখিবনি।

***