খাদ্য সংসাধন আৰু উদ্যোগ মন্ত্ৰালয়ে ২০০৮চনত খাদ্য সংসাধন উদ্যোগৰ বাবে আধূনিক আন্তঃগাঁথনি গঢ় দিয়াৰ লক্ষ্যৰে মেগা ফুড পাৰ্ক আঁচনিৰ ৰূপায়ণ কৰে৷ এই আঁচনি বৰ্তমান প্ৰধানমন্ত্ৰী কিষণা সম্পদা যোজনা শীৰ্ষক কেন্দ্ৰীয় আঁচনিৰ সৈতে সমাযোজন ঘটোৱা হৈছে৷

বৰ্তমানলৈকে মন্ত্ৰালয়ে ২৩খন ৰাজ্য/কেন্দ্ৰীয় শাসিত অঞ্চলত ৩৭খন মেগা ফুডপাৰ্কত অনুমোদন জনাইেছে আৰু এইবোৰ বিভিন্ন পৰ্যায়ত ৰূপায়ণ হৈ আছে৷ তদুপৰি, ইয়াৰে ১৯খন মেগা ফুডপাৰ্ক কাৰ্যক্ষম অৱস্থাত আছে৷ চৰকাৰে ৪২খন এনে ফুডপাৰ্ক পৰিকল্পনা কৰিছিল৷ নিৰ্দেশনা অনুসৰি প্ৰতিখন মেগা ফুড পাৰ্ক সম্পূৰ্ণৰূপে কাৰ্যক্ষম হ’লে প্ৰায় ৫,০০০কৈ লোকক প্ৰত্যক্ষ/পৰোক্ষভাৱে সংস্থাপন দিব৷ এই ফুডপাৰ্কসমূহৰ প্ৰাথমিক উদ্দেশ্য হৈছে পথাৰৰ পৰা বজাৰলৈকে খাদ্য সংসাধনৰ লগতে মূল্য শৃংখলাৰ এক আধূনিক আন্তঃগাঁথনিৰ (যেনে-সংগ্ৰহ কেন্দ্ৰ, প্ৰাথমিক সংসাধন কেন্দ্ৰ) সুবিধা প্ৰদান কৰা৷

এই আঁচনিৰ বাবে প্ৰতিটো প্ৰকল্পৰ বাবদ সাধাৰণ এলেকাত ৫০শতাংশ ব্যয়(ভূমি ব্যয় বাদ দি) আৰু দুৰ্গম আৰু পাহাৰীয়া এলেকাত বিশেষকৈ ছিকিম, জম্মু আৰু কাশ্মীৰ, হিমাচলপ্ৰদেশ, উত্তৰাখণ্ড আৰু আইটিডিপিসহ উত্তৰ-পূৰ্বাঞ্চলৰ বাবে ৭৫শতাংশ ব্যয় মুলধন অনুদান হিচাপে প্ৰায় ৫০কোটি টকাকৈ আগবঢ়োৱা হৈছে৷

এখন মেগা ফুড পাৰ্ক স্থাপনৰ বাবে ৫০ একৰ ভূমি ৭৫ বছৰৰ বাবে ক্ৰয় বা লীজত ল’ব লাগে৷ এই মেগা ফুড পাৰ্কৰ প্ৰাথমিক আন্তঃগাঁথনি যেনে আভ্যন্তৰীণ পথ, নলা, পানী যোগান, বিদ্যুৎ যোগান, শক্তি প্লাণ্ট, ইটিপি আৰু এছটিপি, ৱেইটব্ৰিজ ইত্যাদিৰ দৰে আন্তঃগাঁথনি গঢ় দিয়া হয়৷ তদুপৰি, চৰ্টিং আৰু গ্ৰেডিং, পেকেজিং, মজুতগৃহ, শীতলীকৰণ গৃহ, পকোৱা গৃহ, আইকিউএফ, শীতলীকৰণ গৃহ আন্তঃগাঁথনি, ষ্টিম জেনেৰেচন, কিউচিলেব ইত্যাদি মুল সুবিধা আছে৷ প্ৰশাসনিক ভৱন, প্ৰশিক্ষণ কেন্দ্ৰ, কেণ্টিন, শ্ৰমিকৰ হোটেল বাণিজ্য আৰু প্ৰদৰ্শনী কেন্দ্ৰও থকা উচিত৷

 

বৰ্তমানলৈকে কাৰ্যক্ষম হৈ থকা ১৯খন মেগা ফুড পাৰ্কত সংস্থাপন লাভ কৰা লোকসকলৰ সবিশেষঃ

ক্ৰ.নং	ৰাজ্য/কেন্দ্ৰীয় শাসিত অঞ্চল	জিলাৰ নাম0	এছপিভি/আইএ নাম	প্ৰত্যক্ষ সংস্থাপনৰ সংখ্যা	পৰোক্ষ সংস্থাপনৰ সংখ্যা	মুঠ (প্ৰত্যক্ষ/পৰোক্ষ)সংস্থাপনৰ সংখ্যা
১	অন্ধ্ৰপ্ৰদেশ	পশ্চিম গোডাবৰী	গোডাবৰী মেগা একুৱা ফুড পাৰ্ক প্ৰাইভেট লিমিটেড	৫০	২০০	২৫০
২	অন্ধ্ৰপ্ৰদেশ	চিট্টোৰ	শ্ৰীণি ফুড পাৰ্ক প্ৰাইভেট লিমিটেড	১২০০	১৬০০০	১৭২০০
৩	অসম	নলবাৰী	উত্তৰপূব মেগা ফুড পাৰ্ক লিমিটেড	৩৯৫	৩৫০	৭৪৫
৪	গুজৰাট	ছুৰাট	গুজৰাট এগ্ৰ’ ইনফ্ৰাষ্ট্ৰাকচাৰ মেগা ফুড পাৰ্ক প্ৰইভেট লিমিটেড	১০০	৫০০	৬০০
৫	হিমাচল প্ৰদেশ	উনা	ক্ৰেমিকা ফুড পাৰ্ক প্ৰাইভেট লিমিটেড	১০০	৫০০	৬০০
৬	কৰ্ণাটক	টুমকুৰ	সংহস ফুড পাৰ্ক লিমিটেড	৯০০	৪৫০০	৫৪০০
৭	মধ্য প্ৰদেশ	খাৰগোনে	ইণ্ডাছ মেগা ফুড পাৰ্ক প্ৰইভেট লিমিটেড	৩০০	৩০০	৬০০
৮	মধ্য প্ৰদেশ	ডেৱাছ	অৱণ্টি মেগা ফুড পাৰ্ক প্ৰইভেট লিমিটেড	৫০	১৫০	২০০
৯	মহাৰাষ্ট্ৰ	ছাটাৰা	ছাটাৰা মেগা ফুড পাৰ্ক প্ৰইভেট লিমিটেড	১৪৯	৮০	২২৯
১০	মিজোৰাম	কলাছিব	জোৰাম মেগা ফুড পাৰ্ক প্ৰইভেট লিমিটেড	২৩	১২০	১৪৩
১১	মহাৰাষ্ট্ৰ	ঔৰংগবাদ	পাইঠান মেগা ফুড পাৰ্ক প্ৰইভেট লিমিটেড	৩৩	৩৭৫	৪০৮
১২	ওড়িশা	ৰায়গড়	এমআইটিএছ মেগা ফুড পাৰ্ক লিমিটেড	৩১	২০৯৩	২১২৪
১৩	পাঞ্জাৱ	ফজিলকা	আন্ঃৰাষ্ট্ৰীয় মেগা ফুড পাৰ্ক লিমিটেড	৬১	৭৫	১৩৬
১৪	ৰাজস্থান	আজমেৰ	গ্ৰীণটেক মেগা ফুড পাৰ্ক লিমিটেড	৫০	২৫০	৩০০
১৫	তেলেংগানা	নিজামাবাদ	স্মাৰ্ট এগ্ৰ’ ফুড পাৰ্ক প্ৰাইভেট লিমিটেড	২৫	১০০	১২৫
১৬	ত্ৰিপুৰা	পশ্চিম ত্ৰিপুৰা	ছিকাৰিয়া মেগা ফুড পাৰ্ক প্ৰাইভেট লিমিটেড	৫০	২৫০	৩০০
১৭	উত্তৰাখণ্ড	উধমসিং নগৰ	হিমালয়ান ফুড পাৰ্ক প্ৰাইভেট লিমিটেড	১০৪০	১৫০০০	১৬০৪০
১৮	উত্তৰাখণ্ড	হৰিদ্বাৰ	পতঞ্জলি ফুড আৰু হাৰ্বেল পাৰ্ক প্ৰাইভেট লিমিটেড	১৬৩৬৩	৫৯৬৮৯৩	৬১৩২৫৬
১৯	পশ্চিমবংগ	মুৰ্চিদাবাদ	জাংগিপুৰ বেংগল মেগা ফুড পাৰ্ক লিমিটেড	৫২	৪২১	৪৭৩
মুঠ				২০৯৭২	৬৩৮১৫৭	৬৫৯১২৯*

 

লোকসভাত আজি এক লিখিত প্ৰশ্নৰ উত্তৰত এই তথ্য দাঙি ধৰে খাদ্য সংশাসন উদ্যোগ বিভাগৰ ৰাজ্যিক মন্ত্ৰী শ্ৰী ৰামেশ্বৰ তেলীয়ে৷

****

RJ/NG/DB

(Release ID: 1654837) Visitor Counter : 155