হকশেল অমসুং য়াইফ-য়ুম্বাল মন্ত্রালয়
লায়চৎ অসিগী মনুংদা ৱাখলগী লায়না নাবগী চাং হেনগৎলকপা
Posted On:
15 SEP 2020 3:03PM by PIB Imphal
কোবিদ-১৯গী চৈথেং অসিনা অঙাংশিং য়াওনা মীয়ামগী ৱাখলগী হকশেলগী ফিভমদা শোকহনবগী ফিভমগী হীরমদা য়েংলদুনা সরকারনা কোবিদ-১৯গী লায়চৎ মনুংদা সাইকোসোসিএলগী তেংবাং পীনবা খোঙথাং কয়া অমা পায়খৎলি। মসিগী মনুং চনবশিংদিঃ
১) মেন্তেল হেল্থ প্রোফেস্নেলশিংনা লায়চৎ অসিনা শোকহল্লবা অপুনবা মীশিংবু অঙাংশিং, অহলশিং, হেন্না অহল ওইবশিং, নুপীশিং অমসুং হকশেল থৌমীশিং হায়না কাঙলুপ খায়দোক্তুনা সাইকোসোসিএলগী তেংবাং পীনবা ২৪/৭কী হেল্পলাইন অমা শেম্বা।
২) খুন্নাইগী তোঙান তোঙানবা কাঙলুপকী মীওইশিংনা থেংনবা মেন্তেল হেল্থকী শিংনবশিং অসিবু শেন্ননবা কাঙলোন/পাউতাক পীবা।
৩) স্ত্রেস অমসুং এংজাইতী শেন্ননবা তোঙান তোঙানবা মীদিয়াগী প্লেৎফোর্মশিংগী খুত্থাংদা অনৌবা থৌওং অমসুং ওদিও-ভিজুএলগী মওংশিংনা মীয়ামদা পাউতাক পীবা অমসুং মীয়াম পুম্বগী তেংবাংনবা অকোয়বগী ফিভম অমা শাগৎপদা খুমাং চাউশিলহনবা।
৪) বেঙ্গালুরুগী নেস্নেল ইন্সতিত্যুৎ ওফ মেন্তেল হেল্থ অমসুং ন্যুরোসাইন্স (নিমহান্স)না “কোবিদ-১৯গী লায়চৎ মনুংদা মেন্তেল হেল্থ – জেনেরেল মেদিকেল অমসুং স্পেসিএলাইজদ মেন্তেল হেল্থ কেয়র সেত্তিংস” মীংথোনবা অকুপ্পা চৎন-কাঙলোনশিং পীবা।
৫) চৎন-কাঙলোনশিং, পাউতাকশিং অমসুং মীয়ামগীদমক্তা য়াইফনবা পাঙথোকপা থবকশিং অসি হকশেল অমসুং য়াইফ য়ুম্বাল মন্ত্রালয়গী ৱেবসাইত্তা “বিহেব্যুরেল হেল্থ – সাইকোসোসিএল হেল্পলাইন”গী মখাদা ফংগনি (https://www.mohfw.gov.in/)
৬) আই.জি.ও.তি. – দিক্সা প্লেৎফোর্মগী খুত্থাংদা সাইকোসোসিএল সপ্পোর্ত অমসুং ত্রেনিংগী ওইনা নিমহান্সকী থৌমীশিংনা ওনলাইন্দা পাঙথোকপা হেল্থ ৱর্করশিংগী কেপাসিতী বিলদিং তৌবগী থৌওংশিং।
মেন্তেল হেল্থকী সেবা পীবদা মেন্তেল হেল্থ প্রোফেস্নেল মতিক চানা লৈতবা অসিনা খুদোংচাদবা কয়া অমা থোকহল্লি। চহিগী ওইবা অমসুং রাজ্যগী ওইবা মেন্তেল হেল্থকী হীরমদা থবক তৌবশিংগী অকুপ্পা ৱারোল অমত্তা কেন্দ্রগী থাক্তা খোমজিনবা লৈত্রি।
মেন্তেল হেল্থকী মতাংদা হৌজিক লৈরিবা মেনপাৱর ফগৎহন্নবা হায়দুনা এন.এম.ঐচ.পি.গী মখাদা সরকারনা সেন্তর ওফ এক্সেলেন্স অমসুং মেন্তেল হেল্থকী ওইবা মপুং ওইবা পোস্ত গ্রেজুএৎ (পি.জি.) বিভাগশিং শেম্বা অমসুং মপাঙ্গল হাপ্নবা হায়দুনা মেনপাৱর শেমগৎপগী স্কিম থবক ওইনা পাঙথোকপা হৌরক্লি। ঙসি ফাওবগী ওইনা লৈবাক অসিদা সেন্তর ওফ এক্সেলেন্স ২৫ অমসুং মেন্তেল হেল্থকী ওইবা মপুং ওইবা পোস্ত গ্রেজুএৎ (পি.জি.) বিভাগ ৪৭ শেম্বগী তেংবাং পীবা হৌখ্রে।
লৈবাক অসিদা লৈবা তেংবাং পীবদা ৱাবা মফমশিংদা মেন্তেল হেল্থকী সেবাশিং ফংহনবা ঙম্নবা মেন্তেল হেল্থ প্রোফেস্নেলশিংগী লৈরিবা মেনপাৱর অসি হেনগৎহন্নবা হায়দুনা সরকারনা সেন্ত্রেল মেন্তেল হেল্থ ইন্সতিত্যুৎ অহুমদা শেম্বা দিজিতেল একাদমিক্সকী খুত্থাংদা জেনেরেল হেল্থকেয়র, মেদিকেল অমসুং পের মেদিকেলগী তোঙান তোঙানবা কাঙলুপশিংগী ওইনা ওনলাইন ত্রেনিং কোর্স কয়া অমা পীরি। মথক্তা পনখ্রিবা কেন্দ্রগী মেন্তেল হেল্থ ইন্সতিত্যুৎ অহুম অদুদি বেঙ্গালুরুগী নেস্নেল ইন্সতিত্যুৎ ওফ মেন্তেল হেলথ অমসুং ন্যুরোসাইন্স, অসমগী তেজপুরদা লৈবা লোকোপ্রিয়া গোপিনাথ বোরদোলোই রিজেনল ইন্সতিত্যুৎ ওফ মেন্তেল হেল্থ অমসুং রাঞ্চিগী সেন্ত্রেল ইন্সতিত্যুৎ ওফ সাইক্যাত্রীনি।
মসিগী ই-পাউ অসি হকশেল অমসুং য়াইফ য়ুম্বাল মন্ত্রালয়গী রাজ্য মন্ত্রী শ্রী অশ্বিনি কুমার চৌবেনা রাজ্য সভাদা ঙসি অইবা পাউখুম অমা ওইনা পীখিবনি।
*****
(Release ID: 1654696)
Visitor Counter : 192