কেন্দ্রগী হকশেল মন্ত্রালয়না কেন্দ্রগী হেল্থ সেক্রেতরী, ইন্দস্ত্রীজ অমসুং ইন্তর্নেল ত্রেদ সেক্রেতরী অমসুং ফার্মাস্যুতিকেলস সেক্রেতরীনা শরুক য়াবা বর্চুএলগী মীফম অমা ঙসি পাঙথোকখ্রে। অন্দমান অমসুং নিকোবর ইথৎশিং, অরুনাচল প্রদেশ, অসম, বিহার, চান্দিগর, ছতিসগর, দদ্রা অমসুং নগর হবেলি অমসুং দামন অমসুং দ্যু, গোৱা, হরয়ানা, হিমাচল প্রদেশ, জম্মু অমসুং কশ্মির, ঝারখন্দ, কেরলা, লদাখ, লক্ষদ্বীপ, মনিপুর, মেঘালয়, মিজোরম, নাগালেন্দ, দিল্লীগী এন.সি.তি., ওরিশা, পঞ্জাব, পুদুচেরী, সিক্কিম, তমিল নাদু, ত্রিপুরা, উত্তরাখন্দ, উত্তর প্রদেশ অমসুং নোংচুপ বেঙ্গোলগী রাজ্যগী হেল্থ সেক্রেতরী অমসুং ইন্দস্ত্রীগী সেক্রেতরীশিংসু মীফম অদুদা শরুক য়াখি।

মীফ্রম অদুগী পান্দমদি রাজ্যশিংগী হেল্থকেয়র ফেসিলিতী খুদিংদা ওক্সিজেন মরাং কায়না ফংহনবা অমসুং রাজ্যশিংগী মরক্তা ওক্সিজেন পুথোক পুশিন তৌবদা অয়েৎপা লৈহন্দবনি।

অসমগী রাজ্যদা লৈবা তেঙ্কর ১১না অৱাং-নোংপোক্কী রাজ্য খুদিংদা ওক্সিজেন পীরি হায়না মীফম অসিদা পনখি। রাজ্যশিংনা মখোয়গী তঙাই ফদবশিং অসি য়েংথোক্তুনা তেঙ্করগী মশিং হেনগৎহন্নবা, ওক্সিজেন পুবা য়ানবা অরৈবা গারিশিং শেমদোকপা, মখোয়গী তর্ন-এরাউন্দ তাইম হন্থহন্দুনা অনাবশিংনা ওক্সিজেন লৈতবগী খুদোংচাদবা থেংনহন্দনবা খঙহনখ্রে।

রাজ্যশিং অসিদা মখাগী থবকশিং অসি মরু ওইনা পায়খৎনবা খঙহনখিঃ

১) ফেসিলিতী অমসুং হোস্পিতালগী ওক্সিজেন লৈবশিংগী মশিং থীদোকপা অমসুং মসিগী অৱাৎপা লৈহন্দনবা মাংজৌননা থৌরাং য়াৎপা।

২) রাজ্য/য়ু.তি.শিংগী মরক্তা ওক্সিজেন পুথোক পুশিন তৌবদা অয়েৎপা লৈহন্দবা।

৩) শহরশিংগী মনুংদা লিক্বিদ মেদিকেল ওক্সিজেন (এম.এম.ও.) তেঙ্করশিংগী “গ্রীন কোরিদোর” লৈহনবা।

৪) ওক্সিজেন পীবদা চঙবা ক্রাইওজেনিক তেঙ্করশিংবু হৌজিক হৌজিক্কী ওইনা য়েংশিনবা।

৫) আর্গোন অমসুং নাইত্রোজেন পুবা তেঙ্করশিংবু ওক্সিজেন পুনবা শিন্দোকপা।

৬) হোস্পিতাল অমসুং ইন্সতিত্যুসনশিংনা ওক্সিজেন পুথোকপা মীওইশিংগী মরক্তা ওক্সিজেন পীবগী অশাংবা মতমগী তেন্দর নত্ত্রগা কন্ত্রেক্ত এগ্রীমেন্ত লৈনরিবা অসিবু ইকায় খুম্নবা। মতৌ অসুম্না রাজ্যশিংনা ওক্সিজেন পুথোক পুশিন তৌবদা নুংঙাইহন্নবা অথিংবা লৈবা খুদিংমক কোমথোক্কদবনি।

৭) ওক্সিজেন সপ্লাই ৱাৎহন্দনবগীদমক্তা মেন্যুফেকচররশিং অমসুং সপ্লাইয়রশিংগী অতোনবা শেল পীথোকপা।

৮) পৱার পীবগী ইনফ্রাস্ত্রকচর ফগৎহন্দুনা ওক্সিজেন পুথোকপা য়ুনিৎশিংদা মৈ পীবা লেপহন্দবা।

৯) হোস্পিতালশিংগী ওক্সিজেন থম্বগী কেপাসিতী ফগৎহনবা অমসুং ওক্সিজেন থম্বা য়াবা এম.এস.এম.ই.গী য়ুনিৎশিং মশক খঙদোকপা।

১০) ওক্সিজেন শিজিন্নবগী থৌওং য়েংশিনবগী থবক পাঙথোকপা অমসুং তঙাই ফদবা মীওই খক্তদা ওক্সিজেন পীবা অমসুং হোস্পিতালগী স্তাফশিংনা লান্নবা শিজিন্নবা অমসুং চেকশিন্দবগী মওং থীংবা।

১১) ওক্সিজেন হাপ্নবা থারিবা ওক্সিজেনগী সিলিন্দরশিংবু কাঙলোনগী মতুং ইন্না নীংথিনা দিস-ইনফেক্সন তৌবগী থোউওং পাঙথোকপা।

১২) নোঙমদা ওক্সিজেন পুথোকপা কাঙবুশিংনা এম.তি. ৬৪০০ পীরিবা অসিগী মথক্তা স্তীল প্লান্তশিংনা নোঙমদা অহেনবা এম.তি. ৫৫০ পীরি অমসুং মসিগী মতুং ইন্না অমগা অমগগী মরক্তা নীংথিনা পাউ ফাওনদুনা ওক্সিজেন লৈবগী থবক পাঙথোকপা।

১৩) ইন্দস্ত্রীএল ওক্সিজেন পুথোক্লিবা মীওইশিংদা মেদিকেল ওক্সিজেন পুথোকপগী লাইসেন্স পীবগী থৌওংশিং থবক ওইনা পাঙথোকপা।

*****