ঙরাং নই দিল্লীদা শ্রী গুরু নানক দেব জীগী চহি ৫৫০সুবা মপোক নুমিৎ থৌরমগী শরুক  অমা ওইনা কলচর অমসুং তুরিজমগী রাজ্য মন্ত্রী (ইন্দিপেন্দেন্ত-চার্জ) প্রাহলাদ সিংহ পতেলনা সঙ্গিৎ সন্ধ্যাগী থৌরম অমা হৌদোকখ্রে। থৌরম অদুদা মহাক্না হায়খি গুরু নানক মালেমগী ফিদম্নফম অমনি অমসুং মহাক্কী পাউতাকশিং ঙসি ফাওবা চনফম লৈরি।

ভারত সরকারগী কলচর মিনিস্ত্রিগী মখাদা লৈবা ইন্দিরা গান্ধী নেসেনেল সেন্তর ফোর আর্তসনা শীন্দুনা ২০২০গী সেপ্তেম্বর ১৩দা সঙ্গিৎ সন্ধ্যা পাংথোকখি। সঙ্গিৎ সন্ধ্যা অদুদা লোক সভাগী সংসদকী মেম্বর অমসুং শক্নাইরবা শৈশকপা হন্স রাজ হন্সনা ফজরবা সিখ কির্তনশিং অমসুং সুফি কলালমশিং শকখি।

মহাক্কী তরাম্না ওকপগী ৱারোলদা ইন্দিরা গান্ধী নেসেনেল সেন্তর ফোর আর্তসকী মেম্বর সেক্রেতরি, দোক্তর সাচচিদানন্দ জোসিনা হায়খি থৌরম অসি চহি চুপ্পা(২০১৯-২০২০) থৌরম কয়া হায়বদি কনফরেন্সিং, লেকচর একজিবিসনশিং, কবি দরবারশিং য়াওনা লৈবাক্কী মফম কয়াদা পাংথোক্লি। উত্তর প্রদেস, অসাম, গুজরাত, রাজস্থানদা থৌরমশিং পাংথোকখ্রে।দুব্রি সাহিব-অসাম, বাদোদারা, অয়োধ্যা, প্রায়াগ্রাজ, জোধপুর, পানিপৎতা থৌরমশিং পাংথোক্কনি। কোবিদ-১৯ লাইচৎকী অথিংবা মরক্ত হায়রিবা থৌরমশিং অসি লেপ্তনা পাংথোক্তুনা লাক্লি।

মখা তানা, শ্রী গুরু নানক দেব জিগী অনৌবা লাইরিক কয়া ফোঙখি। ওনলাইনদা পাংথোকপা শৈরেং শৈদিন্নবা থৌরমদা কবি ১৫০ হেন্না অমসুং য়ুনিভর্সিতিশিংগী মহৈরোইশিং শরুক য়াখি। শ্রী গুরু নানক দেব জিগী মতাংদা প্রোফেসারশিং, সেনিয়র সোসিএল ৱার্করশিং অমসুং সিখ লাইনিংগী অখঙ-অহৈশিংনা ওনলাইন লেকচর ১৫ হেন্না পাংথোকখি।

प्रखर सूफ़ी गायक,पद्मश्री,सांसद @hansrajhansHRH द्वारा पू श्री गुरू नानक देव जी के ५५० वें जन्म स्मरण दिवस पर @ignca_delhi मे मंत्र मुग्ध करने वाली प्रस्तुति @PMOIndia @JPNadda @incredibleindia @MinOfCultureGoI @tourismgoi @BJP4India @BJP4MP @PhalitPatel @pratigyasinghp pic.twitter.com/deVcwbua9d

— Prahlad Singh Patel (@prahladspatel) September 13, 2020

থৌরম অদু ইন্দিরা গান্ধী নেসেনেল সেন্তর ফোর আর্তসকী কঞ্জর্বেসন দিপার্তমেন্তগী মকোক দোক্তর অচাল পান্দ্যানা ৱাতেমখি অমসুং দোক্তর অভিজিৎ দিক্সিৎনা থাগৎ ৱাহৈ পীখি। থৌরম অদু ফেসবুক্তা লাইভ শন্দোকখি অমসুং কোবিদ-১৯কী নিয়মশিং ইন্দুনা থৌরম মফমদা মীওই ৫০রোম ফমখি।

*****